點睇依十幾廿年嘅女神標準同以前已經唔同咗

仲有一部份原因因為viu 執左班奇奇怪怪普普通通既 mk 仔 mk 好返黎
化個韓仔韓妹妝就買 view 買 pr捧到上天花板
依家大眾審美水平都低左

有啲似弱智，好空洞咁，同埋唔知點解又係有啲似范冰冰嗰類，高得嚟都似小家碧玉，可能係骨架問題

你好勇夠膽咁講，佢俾人封咗神級靚女
我都覺得佢唔襟睇，嘉欣同關之琳林青霞嗰啲就算依家睇返都係覺得靚到癲但係佢越睇越冇第一眼咁靚同埋而家個樣好似又唔同咗初期好多

上面下下都封神級靚女㗎啦，最鍾意封埋啲小家碧玉做神級靚女

仲有angelababy，依家真係唔明點解上神枱，又係上唔到大枱嗰類

Angelababy同埋佢 仲有樓供真係千古謎團
樓供直程係樣衰級數
仲話迪麗熱巴嘅靚係攻擊性 無可匹敵嘅冰山美人 第一眼睇就可能呃得下人 但睇睇下 完全唔吸引
即使佢做啲上把位 主角角色都唔會覺得佢有一個好強嘅氣場

依家日日吹捧埋啲配角料

劉亦菲先係佢哋覺得最神仙最頂級嗰個
劉亦菲古裝係真係好靚 但係時裝真心跌晒Watt笑起上嚟露牙肉，所以佢唔可以大笑

時裝好鬼唔掂，連靚都稱唔上，有時甚至有啲肉酸，然後擺埋啲靚女pose係咁叫佢仙女更加係令人反感

佢時裝真係好鬼娘，嗰樣成個弱智村姑咁，甚至造型已經好好好fit佢，即使嗰造型好靚，但佢依然carry唔到依然唔掂，嗰樣著唔起啲衫

得古裝先okay

係
甚至我覺得着時裝有啲老土味道嘅張敏，carry時裝都好睇過佢佢之前有啲紅地氈look真係好恐怖，啲衫係好靚但係佢好似Carry唔到咁，明明佢古裝咁靚
佢個樣係典型嗰啲古裝溫婉 婉約可人嗰啲，張敏就有英氣

大陸冇乜邊個時裝係掂嘅，個個一係似妹仔一係就好娘
依家香港吹捧嗰啲同上面差唔多

不過高圓圓就少數咁時裝靚過古裝，雖然佢古裝都好靚

高圓圓係大陸排位唔高，原因係同其他女拼埋一齊次次都係高圓圓輸
要自己單獨一個影相

乜合照先，我覺得片就最實際，佢都係片靚過相嗰批

佢動態靚過靜態好多
但係靜態都已經好靚，起碼我覺得佢係靚過乜嘢迪麗／樓供呢一啲俾大陸妹封咗神嘅神級美女

劉亦菲搣甩發福樣V臉重現　街頭行街白滑長腿超吸睛
https://lih.kg/3783518
- 分享自 LIHKG 討論區

咁啱你講完我就見到呢個post 真係冇乜特別氣質氣場星味，啲衣着打扮唔睇佢個樣我仲以為係嗰啲農村暴發戶大陸妹

係，但動態係另一個級別靚到飛起

ShirleySham>>>Ivyso

好多只係後生 而唔係靚
同樣地 好多男仔只係型 而唔係靚仔

似農村妺被人包嗰啲款，其實佢嘅造型已經算係咁，佢係著唔起啲衫同埋副黑超

王菲後生長髮嗰陣強勁到連綠衫配紅褲娘到極點嘅死亡衣着打扮都被佢carry得到著到好型，嘉欣著埋啲大嬸褲都對佢完全冇影響，劉亦菲依個造型真係已經叫做好好

我記得我的親愛入面個MV嘉欣真係着啲大紅大紫Pattern嘅花花褲放喺依家嘅眼光真係話阿嬸褲，但佢嘅身高比例同埋樣貌身材都係完美Carry到甚至會覺得佢着得幾好睇
https://youtu.be/l-Ej7sLP90I?si=l3oKESZaBqUTR8yb
花花褲再加件白恤衫佢都着得咁好睇

劉亦菲嗰啲雖然已經成身名牌，啲衫就真係好靚但係佢着唔出個感覺

依啲咪就係星味，好似楊采妮咁，嘉欣王菲著埋啲街市阿嬸同埋啲企街衫，剪skinhead 剪癲雞髮型，都照屌打正常look嘅佢，林青霞周嘉玲嘉欣王菲個個行出嚟真係有星味一睇就知係明星，個個都有自己style,楊采妮就成個普通女仔咁，成個老鼠屎咁

好似依套咁，王菲又cool又sweet,明星就係可以同時將唔同嘅感覺帶出嚟，又例如周嘉玲又型又性感又剛強，而普通人係冇咁嘅能力

我成日都覺得擺王菲喺重慶森林/嘉欣喺墮落天使，再加埋墮落天使入面嘅楊采妮同莫文蔚，係show Off緊嘉欣作為明星嘅嗰種遙不可及嘅距離即使莫文蔚演技已經好好，好努力去演繹個角色，但外型限制，真係永遠都冇嘉欣咁出眾咁sharp
仲要學你話齋剪啲癲雞髮型着啲企街衫都仲咁遙不可及
莫文蔚喺嗰套戲都係着啲癲婆衫剪個癲婆頭，不過氣質同埋樣貌真係同嘉欣冇得比

呢個就係明星同普通人嘅差距，普通人set晒靚頭化晒靚妝着晒靚衫可能睇落去會似一個藝人，但係一冇晒呢啲華衣美服就真係冇得比例如楊采妮
不過楊采妮都叫好啲 起碼佢靜態算正常，係動態尖叫VV嘩嘩先會覺得佢好猙獰
豬皮就真係超級老鼠屎，尋日又開返玻璃之城出嚟睇，都係睇唔落 book mark咗套戲都好多年吓，因為有佢個樣冇試過睇得超過10分鐘

Vs
樓上quote嗰張嘉欣喊喊相

依啲就係idol/歌星同影星/傳統明星嘅分別，所以佢哋嘅造型需求亦好唔同，idol/歌星追求誇張或者極具風格嘅造型，所以啲造型平時正常人冇乜機會會著到，因為佢哋外型本身缺乏星味，需要造型嚟顯得與眾不同，同時平時亦需要保持同依賴討好形象，維持完美性格/儀態同最靚嘅一面，而顯得與眾不同。所以佢哋做戲係極度依賴角色同劇情甚至係演技，角色一唔討好就即刻等收皮

而影星就越生活化越正常人就越好，因為佢哋嘅外型本身已經係與眾不同，佢哋要嘅造型同正常人一樣，極具風格或誇張或好厚重隆重正常人唔會有機會要著到嗰啲造型對佢哋嚟講係負累，只會掩飾佢哋本身嘅先天優勢，佢哋做戲係賦予生命俾啲角色。唔討好嘅角色對佢哋嚟講只係一個發揮平台，俾佢哋機會carry正常人都唔敢做嘅一面

張國榮王菲依啲話就話歌星其實佢哋由頭到尾都係影星外型（舞台其實係後天多過先天外型）

Leslie簡直係萬中無一好犀利好黐線靜態嘅相雖然已經好型，但真係show 唔到佢動態嘅萬分之一嘅味道
而家啲IDOL其實真係要好靠化妝同埋造型先可以維持到嗰個人設同埋形象，當呢一啲加持嘅道具一卸下來，就係最赤裸嘅佢哋本身，亦都即係決定佢哋係普通人定係明星嘅本身所以楊采妮一冇咗鏡頭 化妝 華衣美服造型 廣告女神光環嘅加持，喺墮落天使呢一啲要求演員有返咁上下味道嘅電影入面就真係跌晒watt
黎明本身已經靚仔到黐線，動態同靜態都靚仔到無可匹敵嗰隻，佢喺墮落天使個look型到癲仲要做 賤男角色但係都唔會覺得乞人憎反而覺得佢完全Carry咗呢一個殺手角色，最癲嘅係佢做呢個角色嗰陣係完全冇晒自己平時貴族公子 謙謙君子 嗰種貴公子style

依家其實已經冇乜影星，idol先係主流，依家傳統電影比起以前已經沒落咗，更傾向marvel Harry Potter 依啲角色故事為主嘅戲，出彩印象深係嗰角色多過演員

記得有個訪問成班女歌手嘅casual talk 節目，王菲葉蒨文casual look 淡妝正常人打扮，直接將周慧敏鄭秀文班隆重打扮嘅女歌星比下去，大家好似正常人咁casual talk以正常人嘅面貌示人而唔係平時擺晒pose咁，真係feel到影星同班idol真係有差距，班idol一講嘢同埋一有表情好似正常人咁係即刻跌晒watt，相反王菲葉蒨文佢哋嘅樣係一啲影響都冇甚至會仲靚，完全feel到佢哋骨子裡嘅星味同正常人嘅差距，明明佢哋只係好似正常人咁講嘢傾偈同打扮但依然好吸引

班idol冇咗最靚嘅一面即使仲有盛重打扮造型加持都真係打晒折扣，嗰樣唔襟睇，缺點出晒嚟，冇乜明星嘅感覺