【無定向甜甜地】一百個斷尾故(3)

1001 回覆

6 Like 0 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

格躺 2024-04-08 16:17:06

飛揚 2024-04-08 16:23:44

格躺 2024-04-08 16:57:09

飛揚 2024-04-08 17:29:49

小新之助 2024-04-08 18:51:39

飛揚 2024-04-08 18:55:07

小新晚

飛揚 2024-04-08 19:00:20

上回講到Zero啲同事叫佢一齊食飯～
但Zero話唔啦～約咗監製傾嘢～
唔好咁孤僻啦～
Zero都唔知自己幾時變到咁孤僻...
明明讀書嗰陣仲好熱鬧～勁多Friend齊上齊落～
可能人大咗啦...可能出咗嚟做嘢係會改變啦...
同監製傾完嘢，就自己一個落Canteen食飯～
點知咁夜都撞到Asuka自己一個食喎～
Zero就話孤僻姐～Asuka大明星嚟㗎嘛～點會孤僻呢？
都係唔好理人咁多喇～食啦～
食飽又自己一個開工～
點知Asuka嚟咗話有啲片想剪剪～
Zero好樂意啦～
Asuka話一個人剪片都幾舒服～
Zero可以同女神過咗一段時光都好滿足～
又過咗幾晚，Zero又做到勁夜自己一個食飯～
又俾佢遇到Asuka！今次仲見到佢喊添！
Zero就走去關心吓人啦～
「因為...」Asuka諗一諗，「攰喇...」
攰？
「我發現...呢行唔係我初初所諗咁...」
咁都...正常掛？
「我已經再冇氣力支持落去...」
當夢想成真...就會成為另一個現實...
「我想離開...我想做啲...我真係想做嘅嘢...」
『想離開就離開...』
Asuka呆咗咁望住Zero...
『想做自己想做嘅嘢...就盡情咁去做...』
其實Zero自己又何嘗唔係？
起初Zero係因為鍾意睇戲，所會讀電影呢一科。
但出到嚟搵工，先發現要做電影好難...就只好入電視台做吓剪片...播吓嘢咁...
做吓做吓又發現做電視台同做電影又差好遠...
『我哋都應該要勇敢啲...』Zero眼定定望實Asuka，『跳出Comfort Zone！』
下個故事又會係點呢？

準備出文

飛揚 2024-04-08 19:00:40

[Story 46－隨心而攝]

一個人拎住部相機，喺一個冇人嘅沙灘上行...

回頭一望...就只留下自己嘅腳印...

左影影...右影影...踎低又影影...

沙又有影...海又有影...石又有影...舊木橋又有影...舊木船都有影...

由中午走到過嚟影，一路影到開始日落，都影咗過百張相...都係冇一張啱心水...

點解好似...總係差少少...就係唔夠有Feel㗎呢？

我坐喺岩石上，望住個海發呆...

飛揚 2024-04-08 19:01:56

聽住海浪聲，吹住海風，望住海水湧埋嚟...

今日都好大風呢...定係呢邊特別大風？

人跡罕至嘅沙灘，就連剛才行過嘅足印都俾風吹返平...就好似從來都冇存在過一樣...

歷史又係唔係可以被風輕輕吹走？

我望住個日落開始變金黃...就喺呢個時候，我感覺到好似有人行緊過嚟！

我回頭一望，係一個...男人？

個男人好奇咁望住我手上部相機咁行到嚟我身邊：「一個女仔嚟影相？」

『嗯...』我點點頭...

講真你咁樣問我，我應唔應該對你有戒心？

飛揚 2024-04-08 19:03:03

「好似...有啲迷惘咁喎...」個男人打量住我，「影得唔啱心水？」

『都係...』我睇個男人又好似冇乜嘢咁...正正常常...

「可唔可以俾我睇吓？」個男人向我攤開手。

『哦...都可以...』應該都冇乜問題嘅...

我交咗部相機俾個男人，佢碌碌咁望我影嘅相...

「嗯嗯...」個男人點點頭，再點點頭...然後就對住條爛木橋影咗一張！再交到我手。

我一睇...嘩！好有Feel呀！！！

就係要呢種Feel喇！一種勁滄桑！仲帶住淡淡然嘅悲哀！就好似呢個男人咁！

冇錯！呢個男人不論面上...甚至身上都散發住淡淡然嘅悲哀！

飛揚 2024-04-08 19:03:59

『你...』我打量住呢個男人，『你都係攝影師？』

「唔...都算係嘅～」個男人尷尷尬尬摸摸頭，「仲以為應該好多人都識我...原來我都唔係咁出名～」

係一個出名嘅攝影師？

『咁你可唔可以教我點先影到呢種Feel嘅相吖？』我指指手上部相機！裡面嗰張男人影嘅相！

「嗯？呢種Feel？」男人望一望張相，又望一望我，「其實你自己本身都帶住呢種Feel...」

『我？』我有咩？

「嗯...」男人點點頭，「我睇你啲相，都帶有點點哀愁嘅感覺...」

我都帶有...點點哀愁...

飛揚 2024-04-08 19:04:55

「我哋影相...唔單止係攝靈魂入菲林裡面...仲會反映攝影者嘅感受...」

反映攝影者嘅感受...

「當我哋按下快門嘅一刻...我哋嘅感受就會經由快門，傳達到菲林之中...與影像融合...」

我哋嘅感受...會同影像融合...

「當然啦～而家嘅數碼相機都係一樣～只要攝影者本身嘅感受夠強～」

本身嘅感受夠強...

「我睇你...」個男人打量住我，「都只係浸得唔夠耐姐～」

『吓？』浸得唔夠耐？

飛揚 2024-04-08 19:05:44

「嗯...」個男人點點頭，「就好似紅酒一樣...越耐越純...」

好似紅酒一樣...

「但係真係有必要？」個男人仲係打量住我。

『吓？』真係有必要？

「有時候...」男人雙手插褲袋，望住個大海，「放低會更好...」

放低...

「唔好浸到入晒骨...靈魂都被侵蝕透...返唔到轉頭...」男人一面哀愁咁望住個大海...

入晒骨...侵蝕透...返唔到轉頭...

飛揚 2024-04-08 19:06:33

竟然俾我撞破阿Dick同個Model搞埋一齊...

仲要真係捉姦在床嗰隻！一上到佢Studio就見到佢同個Model搞緊！

好傷心...真係好傷心！

縱使呢段時間都有人氹返我...但心傷咗始終都係心傷咗...喺我深心處總係留下一份傷痛...

「你仲有機會嘅...」男人望我一眼...點點頭...

我仲有機會...

「俾個心好好咁埋口...」

俾個心好好咁埋口...

飛揚 2024-04-08 19:07:47

『呃...係呢！點稱呼吖？有冇聯絡方法？我Send返張相俾你...』話晒張相嘅藝術成份咁高！

「我？我姓岳～張相就唔使Send返俾我喇～當係...我送俾你啦～」呢個姓岳嘅男人就背住我揮揮手，向前行。

『哦...Bye...』望住呢個姓岳嘅男人越行越遠...越行越遠...喺沙灘上留下足跡...

我再望住手上部相機...帶住淡淡然悲哀又勁滄桑嘅爛木橋...

『到底你經過什麼事？』又過咗幾耐幾耐呢？

假如我唔放低...過多十年...廿年...我又會唔會變到好似佢咁？

永遠帶住點點哀愁咁活下去...

我拎部電話出嚟睇睇...睇返阿Roy Send俾我嘅Message...

佢話鍾意咗我...可唔可以俾次機會佢...

小新之助 2024-04-08 19:08:57

岳飛揚？

飛揚 2024-04-08 19:09:29

都已經成半個月，我都唔知點俾答覆佢...只係話俾啲時間我諗諗...

同樣都係大我差唔多十年，都係廿幾歲嘅男人...會唔會只會再一次受傷呢？

要放低...或者唔止係放低個人...感情...

要做到真正嘅放低...趁住仲未入晒骨...仲未侵蝕透...仲有機會！

喺日落黃昏到盡頭...個天開始變藍之時，我就袋返好部電話！拎埋部相機去搭車！

我有啲心急！喺一段漫長嘅車程！

一到站落車，我立即拔足狂奔！

一路跑！一路跑！然後就俾我跑到嚟Salon！

咁啱阿Roy行到出嚟，帶點驚訝咁打量住我：「Elle？」

『Roy...嗄！嗄...』我抖晒大氣！『我哋...一齊啦！』

飛揚 2024-04-08 19:10:08

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～