上回講到阿沖車阿May返屋企~
阿May問阿沖係唔係好鍾意Colour~成個List都係佢哋啲歌~
咁呢期佢哋紅~唔聽佢哋都冇嘢聽~
都係吖~不過嚟緊Asuka就畢業喇!好可惜囉~
可惜吖~阿沖嘅最後寄託都冇喇~
雖然阿沖做廣告嘅~不過佢哋嗰Team就唔多OT~
係遇到啲氹唔掂嘅麻煩客囉~
帶住班細,都算做得嘢~係阿May就大頭蝦啲~
唔緊要啦~一班兄弟姊妹齊上齊落係開心嘅~
咁啱隔籬Team大地震!
兩個大粒嘅被炒!Justin水鬼升城王!
太子女一上場就玩呢啲嘢?
唔好理人咁多啦~做好自己就夠喇~
又一晚OT到夜晚,阿沖又車阿May返屋企~
就喺呢個時候,停喺燈位之時...阿沖見到旁邊都有架車...
阿沖驟眼一睇...見到車裡面有一男一女...喺度親熱緊...
本來呢啲嘢阿沖都唔多會在意...之但係...佢認得個男人係...阿Ben?!
係Charlene嘅老公...好耐之前飲佢哋嗰餐...阿沖好認得...
但而家阿Ben親熱緊個女仔唔係Charlene!
點會...
「沖哥...沖哥?」阿May叫一叫阿沖,「轉咗燈喇~」
『哦係係係...』阿沖立即開車!
唔會有錯...好肯定個男人...係唔係應該要通知Charlene?
「沖哥?你冇嘢吖嘛?」阿May再問一問。
『冇冇...冇事冇事...』
但咁多年冇見...又唔知點講好...
下個故事又會係點呢?
準備出文
今晚出完
鍾意嘅朋友記得Like同Share俾身邊嘅朋友一齊追~
有咩記得喺下面留言講~我會一一回覆~