【無定向甜甜地】一百個斷尾故(3)

上回講到Terry喺自己個倉同班員工做嘢！
老闆都要親力親為㗎～
唔止添啦～仲要做多啲添～
俾啲員工食飯先～自己就繼續做～
唔要啲員工OT喇～聽朝準時返就得～自己就繼續做啦～
做到夜一夜，先有時間落街買返個兩餸飯盒嚟食～
食飽買罐啤酒，食飛煙抖抖先～
而家呢個時勢，個個都死口死面咁...究竟會唔會有光明㗎呢？
就喺呢個時候，差唔多有十年冇見嘅阿渣打嚟喎～
咁耐冇搵過，突然又搵返你，唔係借錢就炸你㗎啦～
點知阿渣話兩樣都唔係～係搵Terry一齊打比賽！
『打比賽？』打咩比賽？
「冇錯！我想組團打今年嘅高達比賽！」阿渣非常堅定！
『吓？』唔係吖化？
「我哋已經好耐冇一齊打過高達喇！」
『係咯...我哋都好耐冇打過高達啦！而家出到第幾代都唔知啦！』
「冇問題吖！距離比賽仲有成半年！仲有時間俾我哋操！」
『問題就係時間囉！邊有時間吖？得閒死唔得閒病啦！仲話打機？』
「唔係呢...你唔想重拾返過去嘅美好時光咩？」
『重咩拾吖大佬？個時代都唔同咗...我哋都老啦～仲打咩機吖？』
「唔係呢...」
『唔係唔係呢～我真係好忙㗎！啲貨又要我跟！而家又要返去上埋埋堆數吖！』
「真係唔係呢...」
『真係唔係唔係呢！唔講住喇～得閒啲約出嚟飲茶就得～係咁啦吓～』
TerryCut咗線...吸埋最後一啖煙...
『打比賽？』Terry擰擰頭彈走支煙頭...行返入工廈嘅行巷...
下個故事又會係點呢？



準備出文