上回講到Lucius見阿雪又幫家謙做緊功課...
條仆街唔值得阿雪對佢咁好囉!
阿雪唔開心,Lucius就氹返佢~
好多時都陪住阿雪添~
阿雪都少理咗家謙~又冇幫佢做功課~
家謙受罰,當然就發洩返喺阿雪身上!
Lucius立即幫阿雪擋!擊退家謙條仆街!
同阿雪放咗學去睇戲~然後又行街食嘢~
佢哋相處嘅時間多咗好多~阿雪亦都開心咗好多~
當然佢哋嘅學業都好忙~都會一齊溫書做功課~
返學又一齊~放學又一齊~放假都一齊~佢哋經常出雙入對~
努力咁將阿雪拉出嚟...離開家謙...努力咁建立只有Lucius同阿雪兩個人嘅世界...唔知佢知唔知呢?
唔知阿雪知唔知...Lucius一直都鍾意佢呢?
由Lucius知道阿雪鍾意家謙之前...佢就已經鍾意阿雪...
本來一早就打算同阿雪表白...但正正因為知道咗阿雪對家謙有意思...所以就將呢份心意收埋...收埋到而家...
而家又係唔係好時機呢?
就喺佢哋食完晚飯,送阿雪到佢屋企樓下...
「聽日返學見啦~」就喺阿雪同Lucius揮揮手~
『阿雪!』Lucius捉住阿雪隻手仔...
「嗯?」阿雪打量住Lucius...
『我...』Lucius好認真咁望實阿雪,『我一直都好鍾意你!可唔可以俾個機會我...做你男朋友吖?』
下個故事又會係點呢?
準備出文