【無定向甜甜地】一百個斷尾故(3)

好彩班兄弟姊妹都好齊心～又做得嘢～

「吖！我條腸仔吖...」不過阿May就大頭蝦啲...

『俾我嗰條你喇～』

「多謝～沖哥真係好人～」

『唔好賣口乖喇...』

「我哋阿頭梗係好人啦～」

「係咯係咯～邊似得隔籬Team吖...」

『喂喂喂...唔好講人吖...』

「唔講邊有是非吖～」

『就係唔好講人是非...』

其實我就真係唔多鍾意講是講非...

尤其係隔籬Team嘅嘢，我哋好少會接觸，就無謂講咁多。

即係就算發生幾大件事都好，只要燒唔到我哋...就好似...

「喂喂喂沖哥！！！」一早返到嚟公司，阿May勁緊張咁拉住我！「隔籬Team好大鑊呀！」

『有咩咁大鑊吖？點都唔會影響到我哋啦...』影響到我哋先講啦...

「唔係吖唔係吖！」阿May睜大對大眼！「隔籬Team嗰兩個大粒嘅俾人炒咗呀！！！」

『隔籬Team...』我諗一諗，『戴經理同阿晨？』

「係吖係吖！」阿May勁緊張咁點晒頭！「咪就係佢哋兩個囉！喂你睇你睇！佢哋兩個執晒嘢走喇！」

我望住對面Team嗰邊...戴經理同阿晨都拎住箱紙皮箱...又行到去...一個男人身邊...

我記得嗰個男人係叫...Justin...隔籬Team嘅成員...

戴經理同阿晨好似同Justin講咗兩句...就行出公司...

「一早就要執嘢走咁大鑊！」阿May仲係八八卦卦...

「係囉！估唔到突然變天！」

幾個同事又行到埋嚟講...

「係咯係咯！知唔知咩事吖？」

「唔知喎...都冇聽到啲乜...」

「喂喂好似話嗰個Justin坐正喎！」

「水鬼升城王？！」

「估唔到太子女一上場就大地震呀！」

『好喇好喇...唔好理人哋咁多喇...做返自己嘢先啦。』

「係係沖哥～」

太子女上場就大地震...對我哋Team又有冇影響呢？

就算有影響...只要做好自己本份就冇問題。

不過講真，自從隔籬Team人事大變動，Justin帶住佢哋嗰Team人之後，佢哋嘅效率同質素都高咗勁多。

咁樣嘅話...會唔會形成一種競爭呢？

希望就算係競爭...都係良性...

好幾晚都要OT，不知不覺會有種想做得再好啲嘅心。

唔好話全因隔籬Team...睇得出太子女係有野心！

成班兄弟姊妹都睇我頭...我唔可以害到佢哋冇得食...

「又要沖哥車我返屋企...」阿May怕怕羞羞咁，「真係唔好意思...」

『傻啦～要大家OT咁多晚仲要咁夜...我就真係唔好意思喇。』都係一邊聽歌，一邊揸車。

「好彩我係跟住你咋～」阿May帶住微笑望實我～

『唔係吖～而家隔籬Team都好似幾好吖～Justin都係一個好上司～』

「點好都好唔過你㗎！」

『哈哈～』

就喺呢個時候，停喺燈位之時...我見到旁邊都有架車...

我驟眼一睇...見到車裡面有一男一女...喺度親熱緊...

本來呢啲嘢我都唔多會在意...之但係...我認得個男人係...阿Ben？！

係Charlene嘅老公...好耐之前飲佢哋嗰餐...我好認得...

但而家阿Ben親熱緊個女仔唔係Charlene！

點會...

「沖哥...沖哥？」阿May叫一叫我，「轉咗燈喇～」

『哦係係係...』我立即開車！

唔會有錯...好肯定個男人...係唔係應該要通知Charlene？

「沖哥？你冇嘢吖嘛？」阿May再問一問。

『冇冇...冇事冇事...』

但咁多年冇見...又唔知點講好...

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

[Story 51－撞破秘密]

「Venus同高梓俊！」Miss Tong大嗌我同梓俊個名！「又有你哋兩個份吖！放咗學唔使去課外活動喇！留低做返啱啲功課！」

我同梓俊對望一眼...然後露出尷尬而不失禮嘅微笑～

已經將[Story 50－逃避不了] Upload上Penana

果然幾有實力都係要潛規則

最緊要識舐太子女腳趾

我都識咖
仲要唔洗佢俾特權我添咖

飛揚一期無論交樓質素定入伙禮物都十分驚嚇
https://lih.kg/3672540
- 分享自 LIHKG 討論區

我仲以為唔使洗腳添

點解會買㗎

各位早晨
星期六大家都要好好休息

小新晚