【無定向甜甜地】一百個斷尾故(3)

上回講到Florence一大早就喺公司捽啲細！
喂大佬吖！而家做保險唔出力啲搵客返嚟，食屎㗎啦！
Florence由畢業出嚟做保險，有咩風浪未見過？
而家屌你幾句咪俾機會你囉！仲唔生性啲？出去搵客啦仆街！
Florence呢種事業型女性就冇家庭？
又唔係喎～啱啱先生咗個B咋嘛～
不過早喺結婚嘅時候已經同老公講好晒！仔就老公湊～Florence就繼續搵錢～
梗係啦！Florence而家搵得咁多～又點會為咗個家庭放棄吖？
而家咪幾好～兩邊都兼顧晒～
老公都好盡責咁搞好個家等Florence放工返嚟～仲會好好咁服侍添～
Florence望住老公跪喺佢面前幫佢按腳...
『老公你買咗廁紙未？』
「梗係買咗啦～今日特價吖嘛～買多兩條添吖～」
『個熱水爐呢？叫咗人嚟睇未？』
「今日上咗嚟睇啦～冇問題～掂晒～」
『冷氣機滴水呢？管理處有冇上嚟煩？』
「有吖～我咪聽你咁講話唔知喎～冇滴喎～叫佢哋再睇清楚先唔好騷擾我哋～」
『嗯～啱喇～咁阿B呢？』
「啱啱餵咗奶啦～換埋片添～瞓得好冧吖～要唔要睇吓佢吖？」
『啱啱先返嚟...係都沖咗涼先啦！』
「好好～咁我幫你拎齊啲衫～開埋爐俾你沖涼～」
Florence望住老公嘅背影行入房...
老公都成三十三歲人...都咁聽教聽話～
Florence又搵到咁多錢返嚟養起成頭家...都唔可以唔讚自己叻～
下個故事又會係點呢？



準備出文

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～