[Story 48-第二初戀]
喺一個婚宴上,我拎住杯酒,望望...
唔係望主人家,係望望啲賓客...
我又緊張...又期待咁望望...搵搵...唔知今次會唔會遇到呢?
今次我都專登著得靚仔啲...差啲都同班兄弟著得咁隆重...俾人誤會...
不過望咗咁耐...搵咗咁耐...都係唔見...
莫非今次...佢唔會嚟?
當我又走去睇吓啲相...又望吓入口...咁啱就俾我望到雅姿行入嚟!左右望咗兩眼!
然後雅姿望到我,就帶住微笑咁行埋嚟我面前:「阿民~你今次都有嚟吖?」
『係吖~係吖~估唔到上次阿穎同Danny嗰餐撞返你,今次阿偉同Bonnie呢餐又推到你~你今晚...』我打量雅姿一眼,『好靚呢~』
「多謝~」雅姿帶住微笑點點頭,「你都係~」