上回講到Venus同梓俊又俾Miss Tong罰留堂做返啱啲功課~
又冇得練波練舞喇!
明明尋晚一齊做,梓俊話冇問題㗎嘛!點知都係做錯晒嘅~
咁搞法會唔會上唔到大學㗎?
Venus都驚自己上到,梓俊上唔到!
雖然話仲有時間,但啱啱上中四就跟唔上!
又要俾Miss Tong留堂做功課~差唔多成個禮拜都係咁~
難得有一日做啱晒~終於可以練波練舞~
休息嘅時候Venus都睇梓俊練波~
姊妹都話佢鍾意咗梓俊~
係幾時嘅事吖?通常愛情都係不知不覺咁嚟到㗎啦~
不過Venus就唔做主動喇~
又要留堂~Venus都會等埋梓俊一其行街掃街~
好似係習慣咁~但往往就係唔知幾時會突然改變~
梓俊突然就對Venus好冷淡!又唔使佢等埋一齊走!
然後到咗夜晚諗住同梓俊傾住一齊做一齊溫...但...
“梓俊:我而家唔得閒”
又打唔到俾佢...
有咩咁唔得閒?忙緊咩吖?
Venus都搞唔清...又問唔到佢...總係好少時間見...
明明之前日日都一齊...突然又成日都話忙...
係唔係佢哋之間發生咗啲乜...得罪咗佢Venus唔知?
定係俾梓俊知道咗Venus對佢有Feel...有心避佢?
就喺Venus諗埋一邊之時,有日唔使留堂,練完舞都有啲夜...成間學校啲人都差唔多走晒...
Venus一個人路經班房,見熄晒燈以為冇人...點知就俾佢見到裡面好似有兩個身影...
Venus偷偷咁望入去...喺幽暗嘅班房裡面...佢見到梓俊同Miss Tong...攬埋一齊?!
下個故事又會係點呢?
準備出文
今晚出完
鍾意嘅朋友記得Like同Share俾身邊嘅朋友一齊追~
有咩記得喺下面留言講~我會一一回覆~