[多圖] 700日環遊世界

咁我又覺得每個人都有佢自己旅遊嘅方式同體會嘅……

我估同地理有關？因為比青藏高原/喜馬拉雅山脈隔絕左，所以大部分東南亞國家都似比印度影響大啲

係呀，呢程去既印尼普蘭巴南、柬埔寨吳哥窟、之後泰國阿瑜陀耶既建築其實都幾相似，大概都係被印度既影響多
有趣既係，之後去到印度，啲建築特色又有啲唔同
（網上都有人討論：https://www.quora.com/Angkor-Wat-in-Cambodia-looks-similar-to-the-Prambanan-temple-in-Indonesia-Why-could-it-be-like-that；有人評論話其實對一個外國人嚟講，英國法國德國既教堂其實風格都差唔多 ）

多謝巴打背景補充
我估泰國人到而家都好自豪，自己無被殖民過（雖然都割左好多地）

以綜合國力嚟講，大概係中國既（平心而論）
不過印度喺而家呢個兩極體系地位就越來越重要

我諗佢地都有去啩
不過出到去旅行先知，原來呢個世界真係好多人窮一生走遍世界各地；我呢啲真係好小規模，算係趁後生壯遊下咁

負責傳播文化嘅居民量唔夠大，又適應唔到氣候環境

文化區係一個連續面，唔係劃好一條線咁區內就係A文化區外就係B文化咁

所以愈遠離中心，就會愈薄弱；而且族群共通語言都影響到文化傳播

漢文化之所以去到華南同今日越南中北部嘅安南，係因為以前北方有軍事行動同亂局，令到人口大規模遷移去華南，先有秦、漢軍事征伐，後有晉嘅亂事令人口南逃；幾波落嚟嘅大規模漢民族人口遷移就令華南由原本嘅百越文化可以過渡成為漢文化

而呢種漢文化重要會在地化，同華北嘅相去甚遠，之但係，華南嘅漢人喺之後千百年嚟，除咗蒙古入侵外，冇幾可需要大規模再向南遷，就導致咗文化傳播力有限；再者印度支那半島南方嘅地域因為潮濕同炎熱，連紙張都難以保存，咁令好多習慣既有生活嘅漢人卻步，所以漢文化去到安南就開始愈嚟愈薄

然後學習咗漢文化嘅越南人再將呢種變體嘅漢文化融入自己文化當中，變成越南文化，再帶到去今日越南南部交趾支那，但已經同認識嘅漢文化唔同咗樣

後來越南文化又同吳哥／占婆文化嘅地域交疊，但就同上者所講，柬埔寨呢個地方除咗炎熱潮濕之外，再加上經歷過幾個世紀嘅黑暗時代，冇乜文獻留得低，得建築可以用嚟回溯往日嘅歷史；而且越南人大規模嚟殖民，越南文化先係主導，咁柬埔寨嘅嘢就自不然只能夠成為他國文化嘅殘餘，變成今日見到嘅美山聖地等等建築，何況再北嘅漢文化

高棉興家嗰陣印尼都已經經歷過夏連特拉王朝，進入到室利佛逝時代；西亞古老嘅城市（例如大馬士革）都已經建城超過五千年；古絲路嘅綠洲城市都留存千年

有時班導遊講嘅歷史資訊真係要過濾下再吸收

Day 31 淺遊曼谷



來到泰國
離開以高棉歷史自豪的柬埔寨，我來到當年曾攻破吳哥，令高棉滅亡的泰國。

根據考察，泰族人大概起源於廣西雲南一帶，因受到漢民族迫害而一路南遷，最終在中南半島上成立了眾多國家。

經過一番龍爭虎鬥，泰國的大城王朝和如今的曼谷王朝吞併了北面的蘭納王國（清邁一帶）和瀾滄王國（老撾前身）的部分國土，令泰國成為了今天的模樣。

在殖民風潮中，泰國是東南亞唯一力抗英國和法國，沒有被殖民的國家。

這不但讓泰國保留了原本的獨特文化，也令泰國人有著特別的自豪感。


被英法包圍的暹羅；可見歷年來國土被慢慢侵蝕，卻力保不失

曼谷
隨著海上貿易的重要性日益增加，泰國的中心一直在往南移，最終定都鄰近海灣的曼谷。

曼谷以前運河交錯，有“東方威尼斯”的美譽；不過為了發展，大部分運河今天都已經被道路覆蓋，只能依稀想象以前的面貌。

曼谷是東南亞一等一熱鬧的城市，但這次以探望友人為主，所以並沒有花很多時間到處探索，只能“淺遊”一下主要的景點。


曼谷老照片（網上圖片）

咁你想點啊?

一講到曼谷王朝，真係要睇周潤發

同埋一個喺今日香港史寂寂無聞嘅港督寶靈

同意文化區係一個連續面，同埋所謂“漢”文化本身都係一個好 diverse 既文化，花左上千年慢慢同化吸收

你講嘅自然地理都係好影響

山脈劃穿咗印度支那半島東部，所以隔絕咗漢文化西播，都係重要原因

印度人就千百年嚟喺東南亞成為海商，傳播佢哋嘅文化；後來就到建立咗伊斯蘭神權嘅阿拉伯商人取而代之傳播伊斯蘭文化

大皇宮
大皇宮最有名的，是它的泰式建築風格，例如堆疊幾層的屋頂和紅橙綠三色的瓦片。

如果從空中俯瞰，我們會發現大皇宮有些建築以歐洲風格建造，再加上泰式的屋頂。

這是因為當年主持大皇宮建造的朱拉隆功大帝曾與歐洲留學，對西式建築有所偏好。


大皇宮


玉佛寺


西式建築

主題樂園
在陽光照射下，大皇宮金光閃閃，令人目眩。

這除了因為皇宮有些部分貼了金箔外，也因為不少廊柱都鑲嵌了紅紅綠綠的碎玻璃馬賽克。

但我走近細看，卻覺得這些馬賽克造工一般，有點像主題樂園裡的旋轉木馬，個人不是很懂欣賞。

大皇宮裡到處都是遊客，連同歐洲建築和“旋轉木馬式”馬賽克，令我覺得好像進入了“大皇宮主題樂園”。


馬賽克細部

臥佛寺
相比大皇宮的西式建築，皇宮旁的臥佛寺則主要以中式風格裝飾。寺如其名，臥佛寺有泰國最大的室內臥佛。

我問導遊，為何當年國王會選擇興建臥佛，而非其他姿勢，例如站佛或坐佛？

原來在南傳佛教，一星期裡每個日子都有相應的佛像姿勢。

當年國王為了紀念某人而改建臥佛寺，那個人剛好在星期二逝世，所以便建造了代表星期二的臥佛像。


大臥佛

當代大學
臥佛寺除了是一間寺廟，也是以前的學校和醫院。

當年國王將全國知識雕刻在寺內的石板上，方便人們參考學習。

不但如此，他更在臥佛寺重新整理泰國的按摩知識，泰式按摩才得以復興。

時至今日，臥佛寺仍然有提供最傳統的泰式按摩服務，不妨一試。


如果我們今天將所有知識雕在石板上，不知需要多少石板？

經典
寶靈原來係英國公使（咁有幾多時間喺香港 ）

https://en.m.wikipedia.org/wiki/Bowring_Treaty

佢係畀英國任命做駐華全權大使兼商務總監，另授港督職，咁應該主力係應對對華事務，然後再干涉埋暹羅

但因為又有港督職，所以我諗都係以香港做基地嚟處理呢兩方面嘅事務？（冇耐咪亞羅號事件同英法聯軍打中國）

當時既港督大概係英國既外交代表
香港內政可能留比布政司做
我記得都有幾多布政司/輔政司其實做得幾好，不過缺乏外交視野，結果升唔到做港督

鍾意巴打嘅遊記唔止係得靚景同嘢食，重有路上遇到嘅人同事，同埋目的地嘅歷史我鍾意睇人哋遊記嘅原因係就算大家嘅目的地，行程相同，路途上嘅人事物都會令到每個人嘅遊記有完全唔同嘅吸引力

謝謝你啊
唔會嫌太多字就好
我都好中意睇遊記,好似自己去多次一樣

早期港督兼駐華商務總監一職，後尾先拆出嚟

應該說明咗對華組織開始成型，先可以獨立分出；反而想知海峽殖民地總督會唔會兼呢類外交官事務？

惟一見過例子係瑞天咸，做咗海峽殖民地總督後就同暹羅斡旋

但佢本身係馬來亞四州府參政司出身，理解馬來亞嘅事務

應該都會？最少要睇埋馬來亞
每個殖民地管一個區域

Day 32 曼谷種種

這次來曼谷以探望友人為主，順便也休息一下，並沒有花很多時間到處探索，所以遊記也從簡了。


今天參加了一個 free walking tour，不過只有我一個報名，導遊倒有兩個，我便和她們到處逛逛，分享對生活的印象


曼谷市場


泰式花園


Chatuchak 市集，佔地甚廣，而且非常熱鬧；疫情後我再去已經不復舊觀，冷清了很多


香港人常拜的四面佛，本身為印度教的梵天


曼谷的戲院很大，而且座椅都很寬闊，前面甚至有波波池。在戲院上映之前，需要播國歌向國王致敬

曼谷戲院幅圖 諗起巴打上個遊記講英國戲院
呢間戲院放映前有冇播半個鐘廣告？

好似無，不過都播左陣
我本來閉目養神，跟住聽到大家起立聽國歌先起番身