致所有睇唔起香港足球嘅人

相信港隊連續輸比日本、烏茲別克四比零之後，
唔少人都會忽略左港隊係創造歷史殺入四強，
尤其是嗰啲一日足球迷、勝利球迷等等，
只會覺得「點解港隊咁廢輸四比零？」、「點解三次對烏茲別克都可以輸曬」
但係，想問你地又有無諗過，人地國家嘅足球文化係點？人地投放幾多資源落去足球到？足球員得到幾多支援？
又反觀香港嘅足球員，佢哋為左追夢得到幾多？又失去左幾多？
港超聯嘅亂象唔洗講，球隊想散班就散班，甲組話唔升就唔升。
睇返我地亞運嘅對手，有邊個聯賽系統同我地一樣咁混亂？
而造成呢一切亂象嘅，唔單止係足總嘅問題，更加主要嘅問題係資金不足。
係英國，低組別聯賽嘅球會入面，球迷入場、買波衫等等永遠都係球會主要收入之一。
單單係英國第五級聯賽球會Chesterfield，今季入場人數最少都有6500人，多嘅可以差唔多8500，波飛仲要成20幾磅一張
港超呢？過千人已經可以偷笑，波飛大部分都唔過百，傑志先叫做比較貴。
至於球員收入？過半數都係得萬零蚊，U23更加唔洗講，唔少球員都係得四位數。
但係英國第五級嘅觀賞性真係遠勝於港超咩？佢哋咪又係高Q大棍，有理無理斬左先算。
同樣地，因為缺乏球迷支持，係香港搞波絕對只係燒錢，呢十幾年來都只係依靠有心人不斷揼錢落海去苦苦支撐，政府嘅支持更加唔洗講，幾乎為零。
我相信香港會睇波嘅人絕對唔少，但係唔少香港人永遠都係有少少成績先會開始留意下。
就好似今次亞運會咁，贏到伊朗的確吸引到唔少注意力，但係下一關已經係日本，你話要香港再爆多次冷可謂天方夜譚，正常結果都係大敗一場。
到真係輸左四球，啲忽然球迷又覺得港隊俾人大炒一場好廢，結果就係忽視左佢地創造歷史，擊敗伊朗殺入四強嘅呢個事實。亦同時忽視左呢班年輕人連場苦戰，體能下降呢個因素。
係，的確香港足球水平同世界有一大截距離，但係問心個句，依家投放落本地足球資源有幾多？
大家又有無曾經嘗試過以唔同嘅方式去真正支持本地球圈？
講咁多都唔係話要情緒勒索你地要去無償支持香港嘅本地足球。
香港球員同大家嘅距離其實十分近，大家係網上面嘅留言佢地都會睇到，包括連登。孫銘都話過自己都會睇下連登上嘅comment。
所以，希望各位覺得香港足球「好廢」嘅各位，先認清事實，再去思考。去到呢個地步，到底要繼續惡言相向？抑或是留下鼓勵嘅說話，等港隊嘅球員可以為佢地呢一刻嘅成就自豪。

要認真都唔會上連登

都唔止係連登，ig fb都有類似嘅說話

踢到咁點自豪？ 拿拿地搵份工打算啦。 踢到咁樣，重話代表香港？ 重衰過麥花臣嗰啲阿伯。果個咩永佳全場係到撥頭髮多過踢波，佢落場踢波定做model呀。

香港人都唔會支持, 仲會屌大陸人大聲支持

平時入場睇下港超 （除左可隊亞超隊）
12號去入場支持港隊

中曬，你就係我講個種淨係睇兩場波嘅人

真係好矛盾
入四強係勁係奇蹟
但係六場只係贏咗兩場
又真係讚唔落

帶頭睇唔起香港足球嗰個叫香港特別行政區政府

贏到u16曼聯先講

有三場都對烏茲別克，
正常黎講六場一場都唔會贏到，
依家贏到兩場殺入四強，
其實佢地已經帶左好多驚喜俾我地。

18年冰島世界杯都係1和2負出局，
但係啲球迷都無鬧過，更多嘅支持
呢啲就係香港球迷同外國弱隊球迷嘅分別

岩啦岩啦
賴球迷政府唔支持啦
反正都係有成績先會留意下
輸波咪由佢囉其實唔重要
我都係去睇返英超先

代表中國香港
去支那踢波

撐你老母咩

Cctoy話真香港人只會支持konger FC

咁不如閣下舉個例子
有邊個地方足球係無球迷無政府支持，
但係又可以做到世界一流？

D本土教練都有責任啦 本身以前踢波都唔係勁都算
但思維跟唔上潮流先係大問題

係咪得香港先咁撚奇怪
攞到有史以來最勁嘅殿軍都俾［自己人］屌到第一圈出局咁
贏伊朗（大隊係世界盃常客）、巴勒斯坦（排名都高過香港）就話靠運 對面廢
輸比日本（大隊世界排名19）、烏茲別克（2022 U23亞洲盃亞軍）就俾人屌到地底泥

推

贏西亞強隊伊朗都讚唔落

所以我覺得要請外國教練 但係那有錢

咁唔係淨係圍內架嘛
做大塊餅都好緊要

絕對要讚今次港隊表現 但其實條路要點行落去
利申：有入場睇港超 港隊