但係點解我仲要咁講呢。我唔知道大家係點啦，但係細佬我嚟咗英國之後。好坦白講，平時上連登、睇香港新聞，都會多過睇BBC。先唔講個人歸屬感呢個問題。可能我之所以咁，最主要係英國社會政治上真係好穩定，有啲似00-12年嗰陣時呀香港。民生問題嗰啲，例如：罷工、NHS、能源張單飆升、通脹呢啲我哋啲小市民都改變唔到。
喺英國生活，以細佬嚟講融入英國社會基本上都冇問題。亦都唔會好似其他香港人咁樣，覺得呢度係異鄉。可能我真係對香港有好重嘅歸屬感。平時得閒都係都會諗住香港。喺精神方面，可以講佢對香港冇脫節。
不過自己嚟到，一條友。冇人冇物，真係難免有寂寞嘅時候。咁亦都會加強左思鄉之情。
最後，我想問吓自己一個去咗外國嘅香港人，點樣面對孤獨同埋身處異鄉呢個情況？同埋大家有冇啲咩想法/個人體驗想分享吓？我都想聽吓大家嘅意見。共勉之。
移完民又要掛住 十足十啲美國小粉紅
