無無聊聊打下自己由中一箍到中四既經歷
天生彭牙又爆牙又大隻又唔齊
重之張佢排牙個樣key落我到就係我中一嗰時既樣
咁由於我真係爆得太勁，所以前後mok左6隻牙，上左2粒骨釘。
前後用左老母3萬幾銀
咁箍牙最痛苦係療程啱啱開始既時期，係真係feel到有刀拉梗啲牙同食唔到野。
當年真係食足一個星期老人餐，smoothie ,yogurt ，粥，通粉就變左我呢四年每次見完醫生既主食
到中期入骨釘，要每晚拉橡筋真係好痛苦又好煩又成日唔記得搞到拖長左個療程
入骨釘個感覺好奇怪，feel到有野吉左入嚟，同牙醫既力但又唔太痛
我嗰個牙醫話因爲嗰個位冇乜神經缐就廢9時同我打麻醉
到左後期折左牙箍要帶牙套嗰時，我張嗰個臨時牙套整唔見左好多次
最誇張嗰次係係郵輪到唔見搞到人地要抄垃圾去幫我搵返
重出左通告話小心唔好dum左客人既牙套
到左正式嗰個嚟到，我就因為太7同好麻煩就淨係訓教先帶
Anyway～我下個月就正式完成成個療程
牙套都唔洗帶
好處就係會瘦
但！箍左呢四年真心有好大變化！
比識左勁內既朋友話我由外星人變正常人
因為箍返好啲牙所以我個下巴，同面型尖左好多。
個箍完一年因為暴食又變返包面⋯⋯
條腰得返24吋
但箍完既一年就急升至26吋⋯⋯
重有一樣野就係唔知關唔關箍牙事但我就係由中一mok左牙開始箍既時候就開始出智慧齒⋯⋯⋯⋯而且係龜速咁出，出到而家都只係上排牙出曬下排牙出左一半⋯⋯
我智慧齒係菲臘牙科剝哂4隻，
以前有牙醫肯幫我寫轉介信去剝。
4隻加埋都唔係300蚊真係抵到喊
我都唔求減肥，
係最近照鏡愈黎愈覺得自己有少少倒及先再想去整。
（呢個想法其實圍繞咗最少10年）
恭喜你下個月就甩難，
牙套即係固定器？我以為要帶一世
可唔可以問下點先會轉介
剝智慧齒先收呀，
箍牙已經唔收。
如果你問點轉介去剝智慧齒，
咪問你睇開個牙醫肯唔肯幫你寫轉介信，通常都肯。
我以前睇嗰個幫我寫免費，
隔幾年我老公想剝搵佢寫信就收1舊水一封信
我老公個次係發緊炎去睇，再問可唔可以寫轉介信。
轉介信要同醫生講寫明俾菲臘牙科收，
之後fax俾佢地，同姑娘確認收到信後，
隔幾個月就會覆幾時見醫生睇下收唔收做教學病人，
免去倒塔咁早去門口排隊嘅程序
