[足球/穿越]重來一次的足球人生（6）U-15高圓宮盃

趕緊 晏少少

六、


「先生祝一路順風。」

「唔該。」

余仁海接過護照及機票，離開航空公司櫃位，與坐在一旁的家人會合。

「唉其實唔使送啦，又唔係去邊，韓國咁鬼近，啲香港人一年都嚟幾十轉啦，你哋得閒飛過嚟探我當係旅行咪得囉，我而家又轉咗會去首爾啱晒啦，機票又唔係貴。」

「挑韓國咁鬼悶，你去埋我嗰份。」余仁海的父親一臉冷漠地小幅度搖頭。

「唏唔好講啦，夠鐘未啊，要入閘㗎啦喎。」旁邊的母親沒好氣地瞪了他一眼，然後指著余仁海的機票說道。

「有排啦，晨咁早俾你哋踢出門，仲有成兩粒鐘先飛，食個早餐先啦。」

早上八點半的香港國際機場仍未有太多的人流，余仁海一家三口坐在像是還未睡醒的麥當勞裡，一言不發地吃著眼前的早餐，當然身為球員，他只能吃著最健康的沙津，眼睜睜地看著父親在身邊對著熱香餅套餐大快朵頤。

老麥個沙律難食到傻

「係喎，阿名呢排點？」母親突然開口道。

「咩點？」

「你同紙鷂而家都去外國做到職業球員啦，佢同你兩個細細個就一齊踢波踢大，佢唔會有啲……即係嗰啲……」母親皺著眉頭，欲言又止地擺動著手。

「嗯……佢好耐之前就話對做職業球員無興趣，所以我諗應該還好呱，」余仁海側了側頭，把只沾了少許醬汁的生菜放入口中。「佢之前仲笑住話，就算我同紙鷂以後代表港隊出賽，佢都唔會入場睇我哋。」

「把口講係咁講啫，有邊個細路仔唔想威唔想勁㗎，」父親突然說道。「同埋人唔同年齡階段，諗嘅嘢都會唔同㗎嘛。」

「咁都無計，佢自己揀嘅，之前個咩港隊前隊長仲成日走去勸佢入港青試下，係佢自己唔肯。」余仁海聳肩道。

「你係佢好朋友，你勸下佢嘛。」母親笑道。

「勸過啦，條友仲硬頸過你老公啊。」

「咁紙鷂呢？我睇新聞好似話佢喺日本嗰邊踢得幾順利喎。」

「嗯，」余仁海點了點頭。「J1比K1高水平，佢算係行得快我一步。」

「記得有次去買餸仲見到你哋幾個喺公園度踢波，眨下眼你哋就已經十六歲，仲入埋港隊，」母親微搭起頭，像是在回想什麼似地感嘆道。「唔知幾時可以見到你兩個一齊著住港隊波衫出場呢。」

「……應該好快㗎啦。」余仁海瞄了他一眼，不以為然地繼續將沙律菜送到口中。

……

「好，跟住落嚟我哋會讀出今次試腳合格嘅名單，聽到名嘅麻煩行過嚟呢邊：張偉雄、梁仁傑、羅柏廉……」

穿著訓練球衣、手中捧著一張似乎是名單狀東西的馬志誠低頭唸著，而在他面前的自然是那些正在等待宣讀自己名字的青年球員們。

除了港隊和有時候幫助梯隊搭任助教外，他有時候亦會客串各港超球會的助教或是選拔人員，希望能為本地足球出一分力。

「陳義助、周文毅、馮天浩……以上就係今次選拔合格嘅球員，無讀到你名嘅落選球員亦唔需要灰心，我哋灣仔高活每半年都會有一次選拔，歡迎大家之後再嚟選過。」

唸完名字的那一瞬間，可以看到不少人都垂頭喪氣的樣子，甚至也不約而同地發出了失落的聲音。

作為青年軍的選拔人員，馬志誠心感每次到了這個殘酷的時間點便覺得難受，但足球本來便是一項這樣的運動，嚴格來說這世間大部分事情都是這樣，不可能讓每個人都心想事成。

跟蕭余小時候去的那家球會不一樣，灣仔高活青年軍的教練團隊並沒有那麼好的耐心去跟落選者們討論改進方向之類的說話，他們只想從這些小孩裡面尋找值得投資的潛力股，無法被看中的自然就是沒有價值的失敗者，所以這間球會才找來了馬志誠這位前港隊隊長，希望能夠藉他的慧眼更準確地找到自己想要的人才。

雖然這樣的做法不怎麼讓他贊同，但這支球會在港超的排名一向較高，所以青年軍招攬的人數自然每年也不在少數，如果能因此發掘到某些特別的香港球員也是一件值得嘗試的事情。

「今次選拔質素好似麻麻，甚至無乜邊個係令人覺得日後可以喺港超立足。」灣仔高活的青年軍教頭走近，一臉無趣地說道。

「嗯，的確，」馬志誠點頭應道，雙眼仍在停留在那群一臉失落地離開球場的小孩們身上。「不過足球選拔係咁，特別係喺香港。」

「你港青嗰邊點？聽講話蕭智堯同埋余仁海仲有嗰個咩司徒俊緯一齊升上一隊之後港青就開始唔太掂啦喎。」

「嗯……」馬志誠點了點頭。「但而家嘅港青，我覺得仲有幾個人係可以期望下，只係佢哋相對地無咁突出咁解。」

「梁博豪？」

「呢個當然，但我唔係淨係講緊佢。」

「講起上嚟，我有收到風話盧Sir想辭職。」

「……」馬志誠第一反應是不太相信這種傳聞。「你邊度聽返嚟？」

「香港足球圈咁細，都係你傳我我傳你嘅啫，嚟嚟去去都係嗰班人，」那教練笑著答道，同時若有所指地看著馬志誠。「重點係，佢走咗之後會係邊個繼續教嘅啫。」

「唔使望住我，我未夠班做港隊領隊。」馬志誠側眼地看著他答道。

「夠唔夠班呢啲好死嘅啫，有時候教波唔係真係咁講咩臨場調動又或者係排兵佈陣，你睇下當年施丹，掛靴之後淨係教過兩三年皇馬B隊，然後突然就做一隊教頭啦，之後結果係點？」

「你唔係諗住拎我同施丹比下話？」馬志誠苦笑著搖了搖頭。「況且，我唔覺得盧Sir真係會就咁辭職唔做。」

「點解咁講呢？」

「識佢咁多年，」馬志誠微笑著答道。「我知佢唔係一個會咁容易放棄嘅人。」

唔好俾佢停

十二月末的群馬已飄著初雪，正在訓練熱身的蕭智堯邊慢跑邊吐著白氣，與隊友備戰下個禮拜的一場熱身賽。

眾所周知熱身賽的用途是讓領隊觀察一眾球員的狀態以及球隊對戰術的熟練程度，所以連蕭智堯這種新丁也能感覺到，球隊的氣氛比起平日的常規訓練要更嚴肅一些，畢竟大家都想爭奪來季的正選席位。

「好！集合！分成五個人一組！三對二圍圈搶波！」助教拍手喊道。

有很多人以為和賀壽一是一個崇拜哥迪奧拿的監督，像是他們現在正在做的「馬騮搶球」訓練，就是該位名帥特別鍾愛的訓練方式之一，但入隊已經半年的蕭智堯知道，和賀只是偏愛傳控踢法，而說到傳控的代表者又必然是哥迪奧拿而已。

而對蕭智堯來說，在這支球隊裡的訓練他適應得尤其辛苦，因為不論是防守還是傳球的節奏都非常快速，基本功和穩定性本來就較為遜色的他自然經常犯錯，即使是打醒十二分精神地全神貫注也是一樣，初期失誤更為頻繁時甚至會惹來隊友跟助教們奇怪的目光，當時他也非常害怕會因此而被調回到U隊去。

但或許是他拼命地嘗試想要適應的態度，又或許是訓練賽時所展現出來的另類性，他還是依然能夠留在一隊這裡。

「啪」

「啪」

「啪」

「拍落去拍落去！」

「遮住中間！係啦你要現位先得㗎嘛！仲諗咩啊企喺度！郁啊郁啊！」

和賀壽一跟助教們亦一如以往地十分重視這一訓練項目，在球員們拼命地傳接與攔截皮球時，他們亦會在旁邊認真地觀察和提場，跟蕭智堯在青年軍時的那種稍為輕鬆的氛圍截然不同。

思考、現位、出腳……這三樣事情幾乎在每毫秒之間都要同時進行，缺一不可，蕭智堯強逼著自己跟上隊友的節奏，同時心裡面仍在感嘆為何自己的隊友們都能理所當然地做到這些事情。

「喂睇住……！」

出腳稍慢的蕭智堯才剛把皮球送出，隊友半跪攔截的腳亦剛好來到，鞋尖不偏不倚到捅在他的腳腕上，蕭智堯只覺一陣劇病從左腳處爆炸性散開，隨即發出一聲慘叫，噗通一聲倒在了地上。
___________________________________________________

唔好傷呀屌

重來足球人生去做教練

港隊助教，帶領余仁海同呀名贏亞洲盃

呀名會因為佢收山而開始認真踢波

文呀

球員最怕嘅嘢--受傷

可能真係見主角大傷個種失落先激起呀名認真踢
Btw主角會唔會轉主力腳 乘機練埋射術

轉主力腳我本身都諗起...
但唔同手，你唔掂波都要攞來行跑跳...

有冇球員成功轉過主力腳

有雙足怪囉，但成名之後轉腳，無印象聽過。
但主角仲細，有時間練逆足嘅

簡單報告下先。

因為呢排搵到新工，工時比以前長，做嘅嘢都會比較多，所以之後嘅更新頻率未必可以保持到，但我會盡力（除非有事要停更）

而上年嘅一個大型比賽因為輸咗，然後出版社大概有講過對我寫嗰個題材有興趣，咁我呢排都keep住修改份稿嘅，但因為成篇有大半部份我都好唔滿意，我亦相信呢個係輸嘅原因，所以需要少少時間去大執一次，而同時又要keep住更新呢度，本身都諗住試下雙管齊下，不過真係有少少力不從心。

所以都想喺度講聲，要暫時停更一段短時間，唔會太耐，應該都係7-10日左右。

另外就係8月左右會有一個之前輸過嘅大型比賽會參加，所以大概6月左右都會停更，喺度講定先等大家有個心理準備。

不過放心，都係嗰句，唔會棄故爛尾的

樓豬加油

樓豬加油等你！

Ok啦，祝你比賽順利，同快啲再出實體書

樓豬加油