[足球/穿越]重來一次的足球人生（6）U-15高圓宮盃

叫老余睇下足球小將﹐同足球做返好朋友

其實應該係尋晚更新 不過我寫唔出拖到今日先出

推一推先

Ok啦
唔係怪你

雖然咁講好似好衰（話哂樓主你俾咗咁多心機入去），其實呢場大戰唔使寫到咁細緻，早啲踢完場波仲好。

之前啲大戰（英理、日本）之所以咁好睇，除咗你寫得精彩之外，亦都拿捏到個節奏，應快則快，重要嘅就返寫詳細啲。

但今場波個節奏實在慢得滯，加得太多唔太重要嘅背景故事，拖慢咗個進度。我自己都由啱啱開波嘅期待變咗做後期嘅「究竟幾時完啊？」。之前一場大戰大概需要十篇，今場要廿篇，多出嚟嘅文字有幾多係寫場上嘅描述？又有冇需要將每個角色嘅內心世界同背景故事都咁詳細寫哂出嚟呢？

呢場仍然係一場精彩嘅比賽，只係個節奏同篇幅有需要改進吓btw你都好耐冇寫阿名、司徒同埋梁博豪嘅近況，我好想知道佢哋踢成點

阿名應該喺屋企J緊女神

其實我自己都覺得係寫得太長
所以先會選擇用轉換視角呢種方式嚟完呢場波
一嚟係十二碼大戰用文字方式太難寫
二嚟係呢場比賽已經寫得太長

本身高圓宮盃嘅流程其實之前有位巴打估中咗
老蕭上半場俾人凍結、下半場發威贏大阪，然後因為實力唔夠輸畀東京
我本身的確係諗住咁寫，但寫寫下覺得對太田茂嘅描寫同塑造唔太夠，所以就加咗啲戲份畀佢
加下加下又覺得寫得太長，舞木寫罰球嗰度原本我係寫入咗，最後諗咗好耐從頭寫過寫得詳細啲
然後覺得唔對路想改一改，最後就變到而家咁
連由呢章第一話開始鋪排嘅吉岡慶祝動作
絕平東京但輸十二碼嘅劇情都搬早咗一場
但絕對唔係因為有人估中而特登改，呢一點真係要強調

（至於老蕭同岡部彰嘅問題我都猶豫咗好耐，但暫時唔講太多了）

仲嬲緊架！！！唔好以為俾左理由就會原諒你

記住倪匡話齋，世界上得兩種小說，好睇嘅同唔好睇嘅。
王道之所以係王道，因為王道好多時都好睇，特別係同角色建立左感情之後，如果有d 反感情嘅結果，係真係會好燥。
有時笑個個都似主角，得主角唔似主角lee 件事，其實都會太分薄左讀者嘅感情，有辣有唔辣。

係，主角唔夠勁，會較難寫得好睇

9UP兩句

1.好似司徒、梁博豪果種似主角無所謂﹐讀落去讀者都會關心佢地
但個個都主角mode就會覺得有D over。

(我會覺得「視角」依種野好重要。
你自己踢學界﹐對面條友吹到幾勁幾勁﹐其實你都唔係好識﹐好多野﹐踢過先知。甚至同隊既好多人﹐你都唔係咁認識佢地。
睇依章都比我一種類似既感覺：吉岡花左好多筆力去寫﹐但就係好似另一個故事咁﹐同老蕭其實唔關事。
老蕭可能到而家都根本唔知吉岡死過朋友﹐可能只會覺得對方係想同自己爭位/排外。而老蕭自己亦根本唔覺得吉岡對自己有咩威脅。
咁成件事會有D虛。
然後日本篇一開始校園條線應該係無咩用既?

我重會記得伍思明、伍思明班師兄/教練、司徒﹐甚至何川(守伍思明果個中學雞)
佢地未必要咁多篇幅去寫、講既亦唔係生離死別既大事﹐但效果都好好
但日本篇﹐吉岡煲得好勁﹐但我會覺得冷血殺手今村比我既印象好似更深
我唔係好識具體講﹐但我既感覺係咁
或者可以研究下點解)

2.場波本身都係好精彩﹐之前加時比人入波時﹐我屌左一次﹐但事後睇返都係好睇既。
但都係覺得小小過長﹐同樣既比賽內容﹐肯定可以更加爽快

樓主本身文筆好
同埋每一節個節奏都好
所以單獨睇好易覺得好睇

但你話齋，而家咁多好似有用嘅人，希望真係串聯到個大故事之後唔會又覺得只係工具人，如果工具人又真係寫得太詳細

呢兩日又開始暈
完全寫唔出
應該要聽日先更到

感謝大家有畀心機睇得咁詳細
不過我就唔參與討論了

休息下，依排世界盃，放過你

日本好波樓主遲啲寫番場世界盃版嘅香港vs日本老蕭vs肛部彰

道歉森友會
近三屆世界盃冠軍贏兩隊
唔反森保一了

輸俾 哥斯達黎加

因為高橋陽一冇畫, 唔識打

六十七、


入夜的道頓堀紛囂擾攘，遊客們聚集在格力高的電子招牌前擺著同樣的動作拍照留念，連接兩岸的橋上傳來街頭藝人的吉他聲與歌聲，岡部彰饒有興趣地左右張望著，旁邊的太田茂則相反滿臉索然。

「你一個東京人，呢種鬧市景色對你嚟講有乜好睇？」太田茂像是剛睡醒般打了個呵欠。

「講咗幾多次我唔係東京人，我係茨城人！」本來興致勃勃的岡部彰立刻沒好氣地瞪了他一眼。「同埋大阪嘅市貌同東京確實係有啲唔同啊嘛。」

燒肉放在鐵網上發出動人的「咋咋」聲響，這兩個在球場上威風八面的國家級運動員瞬間露出了只能在孩子身上看到的童真表情，滿臉期待地看著眼前的一片片高級和牛。

「俾監督知道我哋兩個走出嚟食呢啲嘢實會鬧死我哋。」太田茂忽然笑道。

「唉難得一餐有乜所謂，無幾可㗎啦。」岡部彰似乎喜歡較生的，很快便把其中一片夾到自己的碗裡。

「定咗幾時走未？講唔講得？」

「時間就講得嘅，大概係踢完今屆高圓宮盃囉。」岡部彰咀嚼著口中的和牛，露出非常滿足的表情。

「哦，已經預自己係踢埋決賽咁計？」太田茂冷笑了一聲。

「咁我無理由要預自己會輸畀你㗎？」

「定你本身係預自己會對伊香保？」

「講真，係對佢哋嘅話我更加肯定自己會贏。」

「咁確實係嘅，一班J2仔，」太田茂也把燒肉放進口中，滿意地點了點頭。「講真就算你唔出場啊，淨係靠修平我諗都夠贏佢哋。」

「講起修平，佢今季進步得好快，我諗好快都會到佢……你搵到出路未？」

岡部彰忽然把話鋒一轉，弄得太田茂有點尷尬，但他一向說話都是這麼直來直往，完全不像日本人。

「只要足夠努力，機會就自然會嚟嘅－我一直都堅信呢一點。」太田茂答道。「雖然你先行一步，但話唔定我哋嘅終點會係一樣。」

「我嘅終點只有一個，就係代表日本拎到世界盃。」

「邊個唔係？」

木炭噼叭作響，兩人相視而笑，繼續把面前的和牛輕輕地放到爐中，眼眸映著裡面的熊熊火光。

……

對j2仔都踢得咁辛苦學人笑人

站在住家門前，鈴木卓整理了一下背包的肩帶，輕輕地嘆了口氣。

昨天對陣大阪浪花的比賽結束後，妻子發來了訊息，只是很簡單的一句：「辛苦了，是一場很精彩的比賽。」

他事前沒想過妻子會看這場比賽，她選擇在賽後才說而不是在賽前打氣，也或許是為了不想讓自己分心。

進去後該先說些什麼呢？鈴木卓站在門前，摸索著褲袋裡的鑰匙，遲遲沒有伸出手。

「我返嚟啦。」

客廳裡傳出綜藝節目的電視聲音，聽到鈴木卓回來，妻子從裡面喊了一聲，便快步走到玄關前迎接，臉上掛著寵溺的微笑，兩人即使沒再說什麼，屋內也充滿著溫暖的氣氛。

妻子煮的飯菜還是那麼的好吃呢，鈴木卓捧著飯碗，不禁從心底感嘆。簡簡單單的兩道家常小菜，配上那在外面絕對找不到一樣味道的味噌湯，輕易地便讓他忘卻了工作的煩惱和疲勞。

「班細佬輸波，有無覺得好失落？」

妻子放下剛做好的玉子卷，微笑著問道。