[足球/穿越]重來一次的足球人生（6）U-15高圓宮盃

「睇下蔡Sir帶嘅英理面對上屆亞軍會踢成點啊嘛。」

「你都係想睇對面個中堅啫，」蔡與榮笑道。「聽講你拉唔到佢入港青？」

「嗯，佢話唔鍾意練波，所以唔想入。」馬志誠苦笑著搖搖頭。

「唉細路仔係咁㗎啦，練波係辛苦嘅，都可以理解。」

「蔡Sir你對佢……點睇？」

「嗯……」蔡與榮抱著胸，回頭稍微朝球場看了一眼。「其實我明你睇中佢啲咩，上年對佢嗰陣，我都應該有類似嘅感覺，但係……我覺得佢係一個好難評價嘅球員。佢嘅優點係位置感好好，唔會立亂失位，高波地波可以截嘅波都能夠截到，甚至可以好冷靜咁送去其他隊友腳下，加上出腳準，的確係一個天生嘅中堅，而缺點就……我諗都唔使我多講。」

馬志誠輕輕點頭，其實理善本學年的學界比賽到此已經結束，沒有了蕭余二人，李向名連會不會到街場去消遣也是未知之數，想再看他「出汗」也恐怕也只能留待下年。

「我個人意見啦，既然佢無心嘅話，再迫佢都無用，咁都係當佢無出現過……可能會好啲，」蔡與榮聳肩道。「香港仲有好多好嘅球員等待緊我哋去發掘。」

「都係，」馬志誠再次點頭稱是，同時也難掩些許的失望之情。「香港出到余仁海、出到蕭智堯，喺進攻上算係叫做有返啲希望，但係後防始終都係……」

「青訓唔係一時三刻嘅事，而家足總叫做有心搞波，每年學界開咧嗰陣十八區都明顯會有少少足球氣氛湧出嚟，呢幾年大家亦都慢慢咁可以感受到人才輩出，唔係邊度出到嚟余仁海同蕭智堯？仲有司徒呢？」蔡與榮輕輕一笑。「唔需要心急亦唔需要氣餒，作為培育者，只需要做好我哋嘅份內事，然後靜待收成就可以。」

馬志誠想起自己年輕的時候，幾乎是沒日沒夜地練習，才得以如願成為香港代表，披上那件夢寐以求的紅色戰衣，為的只是與港隊一起踢進亞洲盃決賽週，這是他以及全香港無數球迷們的夢想。

當然，還有那個令人神往的世界盃，但這可能有點太癡人說夢了。

這一天，到底何時會到來呢？

……

推

「喂。」

一隻纖細白滑的手在眼前揮動，回過神來的馬君羊朝穆渺渺看了過去，露出了一個尷尬的微笑。

「既然佢想專心打波囉，咁妳咪由佢去，當無識過佢囉。」穆渺渺順著馬君羊剛才的視線看下去，只見文議謙正專心致志地練習著射三分，附近全是圍觀的女生。

雖然文議謙受到港青青睞並很快成為了主力後補，但卻沒有因此轉投其他學校，理善資源有限，只能讓他在這種環境下作例行練習，不過他本人卻不以為然，說球員本來就是在觀眾的注視下作賽，這些因素並不會對他造成多少影響。

「望下啫。」馬君羊笑了笑，然後回過身來，甩甩頭示意是時候離開了。

分手的日子彷彿還是昨天一般，到現在馬君羊還是盡可能不再經過那個籃球場。最開始的那一兩個禮拜，她幾乎每天都在睡前哭個不停，也因為搞不清楚到底自己是為什麼被甩的，穆渺渺還斬釘截鐵地說他肯定是有新歡了。

結果卻是，這段時間裡一直沒有他戀愛的消息，連校外的也沒有。

「我諗，我只係輸咗畀籃球。」離去的時候，馬君羊回頭看了學校的球場一眼，喃喃笑道。

「其實我都唔明，班男仔點解會咁專心咁落力去做一樣嘢，打機又係，打波又係，好似打少一陣會死咁。」穆渺渺看著她，像是沒好氣地聳肩道。「又或者係鍾意埋啲咩動畫啊，砌模型啊，都讀中二中三啦，都仲係成個細路仔咁。」

「蕭智堯呢，係一個非常勤力嘅人，呢種勤力並唔係淨係指佢好畀心機去練波咁簡單，」馬君羊突然把話題轉到不知哪裡去。「佢會喺上緊堂嗰陣偷偷地喺檯底睇英文書學英文，我開頭都諗唔明究竟佢點解要咁做……但當見到佢喺日本好似踢波踢得幾順利嘅時候，我突然諗－佢會唔會係已經考慮到自己日後有機會去歐洲踢波呢？」

「去歐洲踢波……？」穆渺渺怔了一怔，彷彿在想一件不怎麼可能的事情。「吓佢啱啱先去到日本咋喎，咁快就諗到咁遠？」

「只係我估啫，但係……真係咁亦都唔出奇，」馬君羊笑了笑。「有時候啲男仔諗嘅嘢，我哋女仔係唔會明。」

長文

蕭智堯一行三人經過嘉頓一路沿著青山道回去，他們的話題還是離不開剛才這場比賽，李向名當然也不介意被他們揶揄取笑，說什麼「戇鳩鳩成碌杉咁」、「成日喺度得個睇字累到球隊輸波」、「作為球隊核心應該要自己一個扭晒入埋波先合格」。

「我哋唔喺度，你放學仲會唔會出去踢波？」蕭智堯問道。

「基本上無……可能一個月都無一次，」

「咁嘅話，以後我哋入港隊你真係要喺觀眾席睇我哋㗎啦喎。」

「咪玩啦，我連電視都未必開嚟睇啦，叫我入場睇。」李向名一臉冷漠地看了他一眼。

「話說……你係咪真係唔會諗住試下同我哋一齊踢職業？而家轉軚仲嚟得切。」蕭智堯看著他，將語氣沉了下來，完全不像是平常半開玩笑的那種語氣。

「我真係無興趣，」李向名想也沒想便搖頭答道。「反而我比較想知，你兩個係咪真係立定心要做職業球員？」

「我係啊，我又讀唔成書，講真除咗踢波之外乜都唔識。」余仁海應道。

「你呢，你成績算好少少啦，喺香港踢波真係好難搵到食㗎喎，就算畀你真係歷史性咁踢到J2，其實人工都係麻麻㗎咋，職業生涯又咁短，退役之後仲要諗做咩好。」李向名看向蕭智堯。

「我……」

突然意識到眼前青山道的景色是十幾年來的模樣，讓蕭智堯有點感慨歲月變化的痕跡，想起已經成為大人、一步一步地邁向三十歲大關的自己，每天像是行屍走肉一般做著毫無前途的工作，不知道人生的意義到底為何。

既然重新回到這裡了，這個問題根本沒什麼考慮的必要吧？

馬路對面一道熟悉的身影忽然從轉角處闖入視線，蕭智堯的視線穿過一輛輛呼嘯而過的車影望向她，想起來已經多久沒見了呢？

「咁妳下次搵仔，唔好再搵啲咩好專心打波或者係……之類嗰啲啦，講真我哋女仔拍拖，都係想另一半錫下我哋關心下我哋啫，佢鍾意對住另一樣嘢多過對住自己，咁有乜謂先？」穆渺渺用手指捲著自己的頭髮，漫不經心地說道。

馬君羊正想回答之際，馬路對面一個男生的身影突然吸引了她的注意力，而此刻剛好，他也正往此處看來。

「我唔知點樣同你哋解釋好，但係對我嚟講，我最大嘅夢想就係同你哋兩個一齊著住港隊嘅波衫，去為香港爭取榮譽，」蕭智堯回過頭來看著李向名，輕輕笑道。「足球係我最熱愛嘅嘢，我願意為佢付出我嘅所有－就算最後失敗咗一事無成，就算畀我再揀多一百次，我嘅答案都會係一樣。」

「但你唔覺得……」馬君羊把視線拉了回來，露出彷彿只能從她臉上才能看到的爽朗笑容。「專心忘我咁去做自己熱愛嘅事物嘅男仔，好似特別吸引咁咩？」

穋渺渺露出了一個像是無法理解的表情，兩人繼續往欽州街方向走去，片刻過後，馬君羊下意識地回頭看了一眼，但那一行三人的身影早已遠去得不見蹤影。


第三章 完
___________________________________

國際慣例 寫完一章停返幾日先
我要諗一諗下一章大概點寫

牙名幾時先開竅

要女神出手先得

又突然俾返d 主角feel 呀豬腳

幾時先睇到大成晚成名

阿名快啲成材啦

結果就是，因為他沒有壓縮對方前鋒的進攻空間，包括安子釗在內的其他中場球員，隊內的其他中場球員只能像馬騮搶球一般在英理數名球員之間跑來跑去，發現徒勞無功後才灰頭土臉地回去重組防守陣線。

雖然今天沒有安子釗在場，但恐怕差別也不會太大。

英理下半場的攻勢依然一浪接一浪，雖然再沒能攻破理善大門，但還是毫無懸念地以三比零勝出了這場比賽，某程度以言比上屆那場決賽輸得更難看。

啱啱突然發現有bug
呢場比賽唔應該有安子釗在場（因為佢啱啱都喺跑馬地）
所以呢度改一改返

Sorry我再考慮同檢查多一次
決定將呢度跟返原本咁（即係當無改過）
同時喺六十八話度改返話安子釗因為要踢學界所以無去到跟操，對話基本不變
只係改咗好少，具體可以上penana睇返

第四章係咪終於大國腳

支持,但唔知點解我睇落有時d章節接唔反d對話
係上傳問題定係你特登咁寫
感覺講講下跳左第2度
我係上網penana睇的

係專登咁寫的

好多輕小說都興咁寫，節奏正啲

幾時有文

呢兩日

快！

第四章

一、


太鼓的浪濤在小號的伴奏下，有條不紊地在涉川榛名地酒球場上空與球們的歌聲一同迴盪著，這天是群馬伊香保溫泉面對松山茶花的生死之戰，若是他們能夠擊敗這支J1的降班區球隊，便能達成隊史首次踏足J1的壯舉，完成在場一萬八千名主場球迷多年來的心願。

「喺少帥和賀壽一嘅帶領之下，經過過去六季嘅連續挑戰，群馬伊香保溫泉終於喺今季嘅最後一輪，成功嚟到與日本頂級聯賽只有一步之遙嘅地方。」

「話雖如此，不過和賀監督亦都係連續六季功虧一簣，曾經喺面對J2其他球隊嘅附加賽中落敗後，亦曾經試過好似今日咁，嚟到面對J1隊嘅生死戰中先至飲恨。希望佢今次可以帶領住球會，完成佢哋多年以嚟嘅夙願。」

「鏡頭影住嘅係松山茶花嘅高岡監督，當然呢支J1球隊嘅命運亦掌握喺呢場比賽度啦，佢嘅帥印亦可能會因為呢場比賽嘅結果而受到影響。」

蕭智堯搔著睡得有點亂糟糟的頭髮走出客廳，坐在梳化上乖乖地看著電視的母親很快便吸引了他的注意力。

「又睇……」他笑了一聲，用自言自語的聲量說道。

母親側頭用佻皮的眼神看著他，同時按著遙控器上的快進鍵。

「咦睇嚟和賀監督要作出佢嘅第一個調動啦喎。」

「係蕭智堯選手！呢位嚟自香港嘅選手喺群馬伊香保溫泉嘅自家青訓度踢咗三年左右，於今季嘅下半季加入一線隊，但一直都無獲得過上陣機會。」

「佢呢次出場係打破咗群馬伊香保溫泉嘅J2上陣最年輕紀錄……只有十六歲零一百三十四日。」

「估唔到和賀監督會咁冒險派佢嚟做呢場生死戰嘅秘密武器。」

蕭智堯忍不住又笑了一聲，轉身繼續走到廁所裡小解。