[足球/穿越]重來一次的足球人生（6）U-15高圓宮盃

正

係呀，之前都出個一次。

feel到會好睇
講故版fm

好 一於就咁話

雖然你都多次承諾，但真係千祈唔好棄故
講故台尼馬故就係人都知，但有個黑池故最後都冇作到落去，唔想你呢個故事成為其中一顆流星。

尤其你文筆咁好，又有交代埋足球戰術，一定一定要作落去，運動故一定係少眾啲，而千篇一律嘅愛情故事一定多好多讀者，所以唔好比正皮數成為你既kpi,你呢個故係得架，加油

放心呢篇小說我一定唔會棄 因為我由一開始寫就已經諗好咗結局
呢個係絕對可以信任嘅承諾
最壞情況都只會係我更新頻率變疏變慢

同埋報告下近況先 本身諗住去留學都可能會因為忙而影響到呢度 但因為身體原因暫時取消咗留學 所以更新狀況暫時唔會有咩變動 之後搵到工會點就要到時再睇 到時仲保唔保持到三日一更就真係唔敢保證

同埋11月3號我會去日本旅行十零日 所以就……又要短暫停更了
但到時會睇情況更新的 因為去比較偏遠地方 可能夜晚無咩做都會屈喺酒店
（又或者會寫下遊記 呢度好似有巴打有睇過）

黑池故作者都應該係因為香港而心淡，所以無寫落去姐。
不過又係堅好睇。
其實有個大陸足球故都唔錯，黑池故都有d 果個味道，keyword: 楚中天

今日有冇

Lived ,推啊

sorry今日真係好唔舒服
聽日睇下會唔會好啲

黑池故真心好睇
寫啲細節好有代入感 差唔多八年前但仲好記得啲劇情
棄咗真係好可惜

最主要係果時黑池故寫既內容比較偏向寫實，唔同尼馬故既夢幻風格，就好似踢出我天地同足球小將既分別，無分高低，都好好睇

休息吓，身體有事補唔返

多謝推介，有時間睇下先

今日有冇

有 晏啲

支持但我未睇加左最愛先
難得有足球穿越

追啦一齊
包你唔會失望

我好記得以前街場學校比賽做龍個種感受
完全唔知咩規則,膽大所以做龍

以前中學真係好多人唔識踢走嚟打龍躉腳

六十、


「係我哋嘅最後一年啦，U-15高圓宮盃。」

正在彎腰將鞋帶重新綁好的田中隆並聞言沒有抬頭確認，因為這是他最熟悉的聲音。

早就把球鞋脫下的秋元萬世，只穿著沾滿泥污與碎草的襪子走到他旁邊，緩緩地坐了下來，雙手自然地在身體兩側攤開撐著椅面，嘴邊掛著看似豁達的微笑。

「俾鈴木監督聽到嘅話又會笑住話我哋仲後生，仲有好多年機會㗎啦。」田中隆用力地拉緊鞋帶，並再三確認它們不會輕易鬆掉。

「U-18嘅高圓宮盃就係另一樣嘢、另一個世界嚕，」秋元萬世笑道。「可能再無辦法可以好似而家咁，感受到淘汰賽嘅緊張同熱血沸騰。」

（註：U-18高圓宮盃跟U-15高圓宮盃的賽制完全不同，除了最高級別的東西聯賽冠軍會有一場決賽以外，U-18採取的是全年制的分級聯賽，並不會有任何淘汰賽的成分。

維基百科資料：流通經濟大學附屬柏高級中學的足球教練本田裕一郎和青森山田中學高等學校的足球教練黑田剛在對談中說道，「盃賽是一場定勝負，（必須取得勝利的心理）會給參賽隊員造成心理負擔並進而產生不利影響」，「而在聯賽中，隊員可以採取『我們可以從這次失敗中汲取教訓並在下場比賽中彌補回來』的態度；同時訓練、比賽、訓練這種周期往復也是非常重要的」，這恰好就是聯賽的意義。

同時全年舉行聯賽的另一個優點在於，可以讓更多的球員參與到正式比賽中來。根據賽事規則，除了每場上下半場的換人之外，各支球隊還可以在每場比賽之間進行選手的大幅度輪換。）

「咁上到去U-18都仲有其他盃賽可以踢嘅……」田中隆看了看他，微笑著回答道。

「但係高圓宮盃，係所有青年球員嘅目標同夢想。」

綁好鞋帶的田中隆坐了下來，雙眼仍朝球場中央方向看去，就像是要凝視看清楚什麼一般。

「雖然我一向都好有自知之明，但我亦從來都係一個唔服輸嘅人，就算事先有做好心理準備，呢支球隊亦真係比我想像中強太多，有一種我哋俾人一再玩弄同蹂躪嘅痛苦感覺……」

「我當然明白，喺佢哋面前，自覺日日努力訓練嘅自己真係顯得十分渺小，」秋元萬世微笑著答道。「所以，我覺得就算最後我哋加時輸波，作為一支J2球隊，大家可以做嘅嘢其實都已經做晒，呢個結果無咩不能接受。」

「……我只係諗，如果克繁仲喺度，」田中隆拿起旁邊的水樽，朝喉嚨內灌了一小口。「此情此景，佢會同我哋講啲咩？」

秋元萬世沒有馬上回答，但他很快便想起了當初在學校的鞋櫃旁，長瀨克繁說的那番話。

「佢肯定都會同我哋講：如果J2球會無辦法拎到冠軍係一種宿命嘅話……」他笑著說道。「『「既然係咁，由我哋嚟做打破歷史宿命嘅人咪得囉。』」

「我無辦法同你保證啲咩結果，因為對手確實係強我哋好多……」田中隆站起來，雙腳輪流用腳尖輕輕踢向地面確認觸感。「但我唯一可以保證嘅係，我會盡全力面對呢班對手，絕對唔會退縮。」

秋元萬世當然明白，因為這就是他們這群「平凡人」唯一的戰鬥方式。

加時戰在隆隆的太鼓聲之下重燃戰火，大阪浪花再次毫無懸念地掌握了場上的局勢，在球場上佔據著三分之二的空間，用腳下的皮球製造出一道又一道的浪濤。

過去那六十分鐘的猛攻只換來一個入球，卻沒使他們懷疑自己又或是怪責任何人，這群十四五歲的中學生只道是運氣太差，又或是自己的把握力跟決斷力太差，才會導致球隊無法進一步拉開優勢。

“一支心理咁健康咁強大嘅球隊……”

鈴木卓看著場上有如民房被數輛推土機進迫的形勢，心裡忽然有種大勢已去的感覺。對方的每一次進攻都彷彿將蘋果表皮削去的利刃一般，從左到右、然後又從右到左，不斷地拉扯著伊香保溫泉的防守站位，消耗著守將的體力和意志。

「松本！」

斜插的隊友巧妙地將禁區前沿的數名後衛吸引拉走，太田茂看準時機將皮球斬進腹地，無人看管的松本抬起右腳腳尾向前輕輕一控，正是單刀之勢。

其實是在這場比賽已經看過好幾遍的套路了，但伊香保眾人早就已沒有多少體力，反應跟警覺性也隨之下降不少，到發現的時候已經太遲了。

「松本控波轉身，已經係單刀啦但係……！！！」

“係我哋嘅最後一年啦，U-15高圓宮盃。”

“就算係凡人，都有凡人嘅戰鬥方式。”

眼看萬事皆休，但皮球才剛離開松本的腳沒多遠，便剛好被飛鏟而至的田中隆擋飛。

「……」松本一臉不可置信地看著倒在地上的田中隆，連同身邊敵我雙方的人都以為這球肯定要進了。

「啊啊啊啊啊！！！！！」田中隆奮力地用右手拍打地方，站起來由右上至左下朝空氣揮了一大拳。

「群馬伊香保命不該絕！但呢球解圍出底線，繼續係大阪浪花嘅角球。」

「啱先呢球真係擋得非常精彩啊，睇返慢鏡可以見到大阪浪花班球員都覺得咁樣好入好難以置信。」

「果然群馬伊香保溫泉雖然只係J2球隊，但佢哋擁有非常頑強嘅戰鬥力。」

看到三木航一臉失望地閉上眼轉身，在另一邊形成強烈對比的則是暗呼好險的鈴木卓。

比賽來到這裡，球隊監督能做的事情已經不太多了。

主力球員們意志力的多寡，將會成為這場比賽的勝負關鍵。