成件事由開始到而家有d長,我會盡量長話短說同列點式
希望咁多位巴絲打可以幫幫手睇下同俾下意見 感激萬分
1. 2016年8月中至8月尾到:屋企信箱收到不明的恐嚇紙仔,但紙仔上無署名,無講發生咩事,內容九唔搭八,我地當時完全一頭霧水唔知發生咩事
2. 2016年10月尾:在家中收拾時(夜晚9點幾到)突然發現從門口中滲油入黎,一打開門發現屋企門口被淋油,但犯事者已逃之夭夭。當時未裝cctv,只能報警備案處理,但我地仍然唔知發生咩事,得罪左邊個。(好肯定無借錢)
3. 2017年1月尾(接近新年期間):係晚上11點幾接近凌晨12點既時侯發現由屋企地板傳出陣陣極度規律的敲打聲,同淘寶賣既震樓神器發出既聲音係一模一樣(淘寶有sample片睇)。
由於係當時既時間已經足以構成滋擾(我地自己上網search噪音管制條例),咁又報警啦,係等警察既途中都請左保安上黎幫我地向樓上同樓下詢問,而保安向樓下鄰居詢問時,樓下鄰居係極之大聲咁向保安辱罵(係樓上都聽到)而且佢承認左係佢發出呢d聲音去搞我地(佢個種罵係痴撚哂線咁屌個保安) 。
警察黎到傾左一陣之後,本人同樓下鄰居「蕭生」同佢女朋友第一次正式見面溝通。溝通出黎既結果就係佢地話我地成日發出一d聲音去滋擾佢地,但係佢地提出既時間全部都係我地唔係屋企或者訓緊覺既時間黎,佢地亦都無提供過任何證據可以證明到係我地發出。(我直情叫佢地形容佢地都形容唔撚到,淨係重覆話我地特登整呢d聲出黎)同埋條友不停強調自己有精神病
BTW,當時我都同蕭生條女交換左電話,我提出佢地以後每次一聽到怪聲既話就即刻通知我地,睇下到時可唔可以一齊搵到聲音來源。
後續就係我每隔一段時間「主動」搵佢女朋友,佢地從來無主動聯絡過我地話聽到咩怪聲!!係呢段時間期間只有我同屋企人自己落去搵管理處,叫佢地調查下會唔會係因為樓宇結構既問題而發出聲音,而樓下鄰居係呢段時間內完全無主動搵過我地,亦都無透過管理處投訴我地。
4. 2017年6月7號凌晨12點15分,樓下條仆街突然之間毫無通知下上黎發難,用鎚仔同另一種工具(睇唔清楚)爆我地鐵閘想入黎屋企打9我地 ,同埋不停大罵同恐嚇我地,當時我地即刻嚇到報警,等警察黎緊途中我曾經試圖同條友溝通,但佢完全冷靜唔到 ,完完全全就係一個精神病人既病發狀態。
當然,警犬黎到既時候佢已經走撚左 之後都有拉過佢,但係好撚快就保釋返出黎,感覺上d死警犬都係不了了之
我地有向過樓下看更起條仆街底,聽看更講應該係無工返,同埋佢同條女個樣真係好撚似道友
而家我地每晚都食唔安坐唔樂,一聽到有少少聲就好驚條仆街又屈9我地係我地整出黎跟住上黎搞事,到底有咩方法可以整死條仆街等佢唔敢再上黎搞我地
利申:手頭上而家有佢fb,相,電話