[書蟲］你最近睇緊咩書？9

> The Foucault Reader, Introduction, page 3 - 30
> 讀後回憶撮要同反省對我自己既意義

人痛苦、不幸。社會不公。點解決？

Chomsky：人現有既知識豐富。
人類既痛苦主要在於：
人類唔識得以正確既社會同政治模式，去善用現有既科學同科技知識，去改善人類生活。
所以人文學者，應該善用對人性既科學理解，創作相應既烏托邦藍圖，指引社會同政治上既組織模式，就能夠增進人類幸福。

Foucault：人文學者唔應該創作烏托邦藍圖或任何具體指引。
人類既痛苦，好大程度係源自社會同政治上有問題既組織模式。
但社會同政治既問題，正正好大程度，嚟自，當權者對知識既霸權。
當權者用佢地自稱，係對人性既客觀科學理解，去合理化，佢地對無權者，喺制度上既壓迫、剝削同一切不公對待。
所以人文學者，或者我，最想做既，就係批判所謂對人性既客觀科學理解；從具體歷史中，批判嗰d所謂既科學理解，分析出，其實嗰d所謂既科學研究，所基於既具體研究過程，係充滿為特權者服務而有偏頗。
人文學者只能以自己著作，去提供反省同質疑既知性工具，令讀者或人民，有知性工具去批判現存既知識，同嗰d知識與權力或特權既關係。
而人文學者既著作本身，唔應該自視為絕對正確既真理，而係自己既著作本身，都應該受持續反省同質疑。

我對文本既混亂理解：Foucault睇社會問題，似Max Weber。
未必有一個特權者或意志，有意地為自己利益而去做一切事。
而只係，當人類高舉理性價值，理性自行運作，就會產生一切個體既不幸。

高舉理性，會有科學知識，有科技。
有科技，就改善生產工具，資本主義既經濟同社會模式出現。
國家之間競爭。
理性都生產出，所謂對人既科學理解。
有關人既科學知識，係工具，為國家經濟利益服務。
政治組織以有關人既所謂科學知識，譬如統計學、精神病學等，去以三方面操縱體：
1. 物理時空中，對人作出操縱，譬如將無生產力既人趕出自己領土
2. 知識上，將缺生產力既人，定義為精神病，從而作出進一步處理，避免影響社會整體經濟生產力
3. 將上述以道德之名，令人民內化對人性既睇法，令人民自律，順從地為經濟生產犧牲

可以點？：
Foucault唔會講答案，唔會直接教人點做。
Foucault只係從歷史上，發掘同表達，當中有問題既知識過程，同知識與權力之間有問題既關係。
同時，探索，歷史或地理上，不同既生活可能，或主體不同既自我理解既可能。
表達一種：人民有可能自己揀，甚至創作一種，自己對自己既理解，而又基於嗰種自主既理解有相應自己所選既行動同生活。

同我自己既現狀或者香港，有無咩關係？：
如果社會利益同個人利益好易有衝突。
而社會總係有更大力量，去壓迫我。
而我通常都無足夠力量，真係去反抗或改變。
第一步，我應該就只能夠，令自己有更敏銳既眼，批判社會現狀。
太順從社會主流知識，係對我無利；
但無知識根據下，就自覺有能力推翻主流科學知識，都係對我無利。

但價值問題上，我通常比起，譬如人類生理既科學問題上，更有條件去質疑，社會所謂好既觀念。
呢點可能，更有意識地反省自己對人性同主體既睇法，係其中一個方向。

持續探索生活模式既唔同可能性。
嘗試喚起其他人無需固守社會主流既價值觀。
嘗試形成，對生活方式作出實驗既小圈子。
持續精進，對人性或生活或社會一切反省既知性工具。
讀Foucault。
可能就係我睇完Introduction，覺得有條件實踐既野。

睇下睇埋其他部分，有無發現d，具體d、無咁虛既，我想做有靈感既野。

頂 打錯地方

我都係咁諗 房細都無位擺咁多書
都係過電子㗎啦雖然係無手感

亦要準備有一天不在香港…咁啲書點跟身…

Social science 留名

其實呢本我睇完都唔係十分明
係咪我太廢

不嬲都有用 Goodreads 嚟 track 住啲書
有啲中文書冇嘅未自己 add 囉，好快啫

我覺得唔洗明，你睇到係咩就係咩
冇一個一定啱嘅答案
如果冇嘢感受到，可能就係你同本書唔夾

最近睇緊呢本
（中譯 - 非暴力溝通：愛的語言）

有時間的話會放啲重點上黎
佢有啲溝通技巧唔錯，值得學習下

病忘書係一本由香港本土作家寫嘅短篇小說集,以「病」作為主題,但好明顯佢唔單單淨係講生理上嘅疾病而係講緊社會上唔同嘅問題。e.g 勾劃社會越趨無孔不入的偷窺症的《合法偷窺》、歷史對於小人物的遺忘症 《遊園驚夢》、一代與一代之間的糾纏佔有及疏離《母與女》、《病娃》、學院的術語氾濫及偽學問疾《突然失明》

令我印象最深刻就係<鼠城故事>,作者以現實與虛構互相結合的方式講述了一個不斷追求科技發展而忽視其他如倫理道德等的地方。

敘述者在文中講述了三種出現在鼠城的「疾病」,包括盲目相信科學、對其他物種的輕視、癲狂地追求違背倫理道德的「科技」。

敘述者講述的這些「城市病」在現實並非什麼新奇的事物,複製動物、隨意利用動物進行實驗、利用人體進行實驗、虛假的科學資訊、錯誤訊息

呢D其實一直存在於現實生活中,雖然老土 但都幾值得反思。

利申: 1999 第一次寫

有興趣

寫得好好有內容簡介，有講邊啲內容你覺得有特色

貼堂

thx

睇完本拖延心理學，開頭講拖延類型比較新鮮
舉例其一，你將件事拖到最後一刻先做，可能做得切但結果麻麻地，就可以用「如果有多啲時間去做我就可以更好」，喺自己都唔知嘅情況下，安慰/迴避/掩飾自己能力不遞
睇到依個point有種比人對住膝頭哥射咗槍嘅感覺
後面講點樣去改善，同原子習慣 / 生時間 嗰類書都幾雷同 (將任務分細，逐步黎，遠離分心因素，養成習慣 etc)
講拖延原因嗰部份，例如注意力缺失症/憂鬱or焦慮症/原生家庭因素，不適用於我身上所以唔係幾睇得入腦
overall都可以一睇

有無人用Readmoo 睇書？好似幾好，始終只會睇中文

有冇啲類似小王子嘅文學作品

原來佢過咗身
我細過睇好多

早幾年我睇睇下咁岩fb出po話瓜左
Btw打錯字，係熱心讀者先岩

原來佢過咗身

係咪講緊我？
我好似睇左never let me go 頭幾個chapter ,頂唔順放棄左。life is too short to read a bad book!