[書蟲］你最近睇緊咩書？9

辛苦哂
點樣打篇精彩又精簡嘅文真係好難依家好佩服啲成日出文分享閱讀心得嘅blogger

我睇到毛澤東，有種覺得夠既感覺
之後就想即刻睇d：

有無d類似既 講幾個人既 短既 講成功既領袖？

好奇有無d似既pattern

我以前有個阿sir係極度咸濕 (己過身)，而且教書一pat屎咁。
但，我成個中學生涯，佢講過一句野，我一世都記得。

佢話其實世上冇偷快學習呢回事，愉快唔係過程愉快，而係當你付出努力後，學到新的知識，而覺得愉快 (因為果期係好興講愉快學習)。

而我覺得佢係講得好岩。
可惜......我大學畢業後，有一日嚮報紙見到佢死訊

其實道理就係呀媽係女人，兜兜轉轉都係一以貫之，但如果無人不斷提醒/自我反省，好容易會遺忘。既然係道理，呀媽係女人又出現既同時，自己又做唔做得到呢。n前年有一刻呀媽係女人既時候突然間悟到，之後每次都會咁樣問自己

咁我又冇睇成功人仕，我唔太鐘意呢類書，我好賤，我鐘意睇d講獨裁者/罪犯的書。
但其實我自己呢樣野係雙面刃來。一個壞的leader可以帶領人民一齊仆街，但係一個好的leader一樣可以為世界帶來正面影嚮。
好似喬布斯咁，其實都係似一d cult of personality。但係佢帶來的影嚮overall係正面。水能載舟，亦能覆舟。

我有諗過，係咪香港生活壓力太大。日日對住太多撚屌，所以己經習慣曬d大話同manipulation野

即係好似佢講點樣水人捐錢買野....講comittment，即係當人make commitment 後就會一直跟落去，好難改變。
於是話，例如你可能想水人捐錢，你就同人講
"你支唔支持農村兒童應該有書讀?"，你一答係，佢就一路打蛇隨棍上要你捐。
我心諗，我日日放工行過天橋，都有班友用同一手法嚮度水人。

佢有時講d手法係d廿年前，賣愛心筆袋 / 嚮西門町賣d爛鬼襟章果d人的手法

屌阿 我買過
十年前中學grad trip去台北，我買撚左成3舊水台紙，仲返去同啲fd講有條女幾正，係到賣啲慈善產品，好7

我好耐之前就睇完呢本書，一直好想分享
隔咗咁耐再寫閱讀心得，好多內容唔記得曬
跟住再睇多一次本書，邊睇邊mark低重要句子
完美主義發作成個新年假都用嚟寫書評，冇點做過其他嘢好多reading未睇過

我都買過....我明白
但果下我係唔想佢再煩我，當比乞衣

N年前香港好興夾硬隊d野比你，跟住問你拎錢。
其實監人乃後呢樣野源遠流長，我記得我睇過本書，話以前外國試過d車停嚮紅燈前，然後就會有班人衝出來抺車收錢

呢本書誠品有得賣，係個Yale教授參考啲當時英國同少量中國官員嘅書信，分析中英兩國點樣一步一步走向鴉片戰爭。本書講咗好多學校教鴉片戰爭冇提及嘅野，攞嚟同任何一本華人寫嘅鴉片戰爭史對住嚟讀會好有趣。有興趣好值得睇下，雖然幾厚同埋應該冇中譯。

簡單咁講，本書提及當時其實冇英國嘅官員有心想打仗，以前讀書聽過嘅義律巴麥尊甚至仲可以話好尊重中國，而且都認同要管制廣東的鴉片走私。咁到底有咩人想打仗呢，本書就經常提到怡和嘅渣甸同勿地臣。當時東印度公司壟斷廣東嘅合法貿易，渣甸同勿地臣呢類free trader冇得玩茶葉絲綢，唯有去走私鴉片。佢地一方面日日都說服英國開戰，迫中國開放貿易，另一方面針住東印度公司要佢地放棄壟斷。嘈咗幾年，倫敦一路當佢地傻仔，因為英國由廣東貿易度收唔少稅，加上覺得十三行制度已經唔錯，唔值得開戰。

咁最後點解打得成呢？林則徐嚟廣東禁煙，要英商交出所有鴉片，咁班商人當然唔制啦。呢個時候對華商務總監義律唔知痴咗邊條線，話英國會全數賠償，要英商乖乖地交貨。義律本身算親中，亦都反對賣鴉片，於是諗住賠咗筆錢就一筆勾銷，順便禁埋鴉片。其實礙於中英冇外交關係，佢冇權管呢班英商，更加冇權賠錢俾佢地，外交部都一早講明英商非法賣鴉片要後果自負。不過當時義律開到聲，大家都當真交晒啲鴉片出嚟。渣甸同勿地臣呢啲醒目仔當然知義律老吹，亦都知英國冇錢賠，於是打蛇隨棍上同其他商人聯署要英國出兵追數。英國一嚟冇錢賠，二嚟渣甸同勿地臣講到好易打，於是就出現咗呢場鴉片戰爭。

當中有好多機會避免戰爭，如果free trader唔走私鴉片令價錢平到人人食得起，如果道光支持將鴉片合法化而唔係禁煙，如果外交部肯無視中國授權義律打擊走私，如果義律冇衝出嚟話賠錢等等。作者最後都話鴉片戰爭係一連串巧合引致，不過歷史冇如果。睇完本書起碼知道成件事好複雜，唔係單單話打仗係為咗賣鴉片就可以summarise成件事，清朝同英國都有好多人努力避免呢場戰爭同管制鴉片走私。

留名

雙城記好唔好睇 想睇中文版 有邊個譯本推薦
Btw 原來今日係dickens 生忌

呢本仲要薄同淺顯
感覺上高小或者初中都睇得明

Bookmarked
相當有趣
再次顯示歷史幾咁contingent

你哋睇完本電子書 如果好鍾意本書 會唔會買本實體書

lm

如果好鍾意的話會
不過屋企實在冇位

如果鍾意而實體書設計得靚，印刷特別嘅話會買
題外話今日去咗「我的書房」，賣二手書
好L多書，個人肥少少/揹袋入去係轉唔到身
見到咁多舊書疊起等緊人買返去真係心情複雜
好似成片書海無人要咁，好可惜
想尋寶但又無咩目標結果空手而回

以前中學圖書館搞過舊書義賣
我買咗幾本書返屋企
結果冇睇過擺咗喺度

兩單嚟

我的書店一直都有人話佢會周圍去揀啲賣得出嘅書平買高賣，甚至去漂書地方執好書捐啲冇人要書

嘩，好彩無買到野
除非版已絕，都係買一手穩陣