[書蟲］你最近睇緊咩書？9

無買
但係mark低想睇嘅書越來越多

試過，我會越MARK越多，最後驚擺埋一邊放棄左會買既念頭，所以而家都係買返

有
自從上咗abebooks 買書速度仲快

同你相反 mark完個list擺低一陣，有啲會逐漸無興趣唔想買了
淨得低就shut up and take my money

same
好多時係三分鐘熱度mark 低
過一排就興趣缺缺

喱排成日想行書店同買書 買咗幾本新書未開始睇

買咗《蔣介石與現代中國的奮鬥》睇緊上卷，之前睇書評話依本依經對蔣相對客觀，一睇頭幾章，自佢北伐已經注定民國要滅亡及中國人幾十年更悲慘嘅命運。

只睇本書都睇到條友完全無能力同唔應該做一國元首一軍統帥一黨領導，又民族主義上晒腦，真係唔怪得美國對佢極反感。

蘇聯日本中共當然唔係好嘢，但幾十年入面完全有好多機會可以用外交、妥協、和議去暫時委曲求全。佢就應妥協時唔妥協，仲同時同蘇聯日本反面，兩邊都開過波，又唔知東三省咁重要。唔應該妥協時又妥協，國民黨右派好早已經叫清共，佢日記上都有講但又唔L做，話要繼承孫文政策，知道史太林要中共食住國民黨壯大，但因為蘇聯俾嘅錢太多，無得放棄。

其實佢只係賭徒加拳匪加小粉紅加糞青加孔乙己

Freud 唔是心理學

有買咗，未睇到佢

近排睇緊《黑死館殺人事件》(小栗虫太郎 著)
嗰陣睇完腦髓地獄冇幾耐, 見到佢出版, 就買埋, 結果擺到今年先睇

同腦髓地獄一樣, 睇呢個作品真係一個挑戰嚟
腦髓地獄嗰種挑戰係: 行路好似冇盡頭咁
入咗去一個迷宮, 冇啦啦又有第二個迷宮出現要你行, 幾經辛苦行返出嚟, 你先醒起你仲有第一個迷宮未行完, 要繼續行

而黑死館嘅挑戰係有好多冷門、艱深嘅人名、學名、歷史事件、概念拋出嚟
譯者都有分享: 有啲搵唔到有源頭嘅, 唔知係真定假
有段情節係講佢哋入到去圖書室搵資料, 作者用咗1-2版list出啲冷門書名, 計埋譯者做foot note , 總共3-4版篇幅
同埋角色與角色之間交流, 都會互相拋書包, 突然就會講一大堆冷知識/名著對白/歷史事件出嚟

雖然係咁, 依家睇到大半, 其實都唔係咁難入口嘅
可能係睇睇下都慣咗, 同埋老實承認自己能力有限, 有啲concept/專有名詞睇完都唔明, 就算 (咁樣反而少啲壓力)

Part 3 救返本書 淨計part 3係神作

或者起碼唔係而家嘅心理學

心理學一定會討論到freud

比如john bowlby係1970年代出個本依附理論，都係用行為主義心理學黎回應同替代FREUD精神分析套理論模型，使其在解釋人類行為方面更自然科學化，雖然本書好枯燥，但基本上頭二百幾頁都係討論緊FREUD精神分析有咩唔好，同埋介紹理解人類行為(依附行為)既替代選項，例如研究方法上更側重於實驗、田野考察、生物演化、更系統化的理論。

不過咁講，廣義上FREUD都算係心理學既，心理防禦機制個D都係好有用既概念，意識、前意識、潛意識既區分，就算當代神經科學都係有做潛意識研究(推薦睇Incognito: The Secret Lives of the Brain)。超我-自我-本我方面，本我既概念(E.G.慾望、需求)係當代可以用生理機制黎詮釋，超我可以從行為的自我控制方面去理解，WELL，雖然FREUD唔少柒野，但總之又唔使否決哂FREUD既貢獻。諾貝爾獎得主eric kandel本the age of insight，講關於藝術欣賞既神經科學，裡面都有提到FREUD係探索人類心理領域既貢獻。冇記錯仲有提下可能有咩大腦區域對應翻"超我-自我-本我"。(P.S.佢本自傳+科普<In Search of Memory>係超級好睇)

Mark底先
不過好似無電子書

有無巴打有睇？

Nirvana主音？

留名