我只不過喺自修室溫書，點知比我遇番佢。(2)

到咗第二日佢好早就黎咗，而且今日仲要係禮拜日。

「Auntie，好耐冇見！」佢一黎到就同我阿媽打招呼。

諗番起佢第二次上黎同我阿媽對恃嘅畫面就好笑。

「啊，小涼啊，日本好玩嘛？」

「好玩啊！我拎咗啲手信比你同uncle啊！」

「咁有心啊？」死老嘢講，佢今日都放假。

「我地諗住而家去飲茶啊，一齊啊？」

「好啊好啊 ！」

去到茶樓，小涼好主動咁幫手洗曬啲餐具同斟埋茶比兩老。

「小涼幾乖啊可，好過個衰仔蹺埋雙手咩都唔做。」阿媽同老豆講。

「好耐冇食你啲餸啦AUNTIE，今晚都想再跟你學下嘢。」小涼講，氹得阿媽開心到。

「哈哈，一陣跟我去買餸，我教你買！」

「好啊好啊！」

呢餐茶..總算飲得杯落，小涼喺到，好似有番好多生氣咁。

「阿楓，你估下我買咗咩俾你？」佢買完餸我地翻咗屋企之後，我地坐咗喺床傾計。

「點估啊，有冇tips？」

「嗯...你需要嘅。」

「嗯..？估唔到啊開估啦。」

「係個御守啊，我特登幫你求架！」佢拎出黎，係個讀書御守。

「希望有咗個御守你可以入大學啦！」

「你已經係我嘅御守啦！」我喺後面攬住佢講。

「你講啲口花花嘅說話又叻咗！係咪喺台灣成日撩女仔？」

「痴線，邊敢啊，你咁多線眼。」我指果班友。

「咁又係，諒你都唔敢！」

「係啦，咁你送咩俾我？」

我喺櫃桶拎出黎，收埋喺後邊。

「即係呢..話我地唔係一對都冇人信啊！」我拎咗支狀元筆出黎。

「我都買咗樣嘢去祝福你考到好成績啊！」

「我地真係心有靈犀，我好鐘意啊！」佢講。

「咁我地就一齊拖住手咁考入大學啦~」

「一定要！」

隨住小涼同我屋企人愈來愈投契，我同佢嘅關係愈來愈鞏固，危機就愈趨接近。

小涼實在太正

乜野危險接近？
快啲同小涼結婚啦

同小涼分手/異地戀既即時負皮
點解會危機接近lol

男主唔好掛小霖掛到迷失方向

拍拖總會鬧交 佢地未鬧過
快d鬧 鬧到要各自冷靜
冇左小霖成個故好似差咁d野

推

推

等到頸都長🙈🙈

就開新po

推1001

一見到小涼就唔開胃飛住睇
btw小霖

推1001

一齊推

一見到小涼就唔開胃飛住睇
btw小霖

咁你黎近要繼續飛

「巴渣妹，我地去踩單車好唔好？」我問佢。

「好啊好啊，好耐冇踩！做乜咁有興致啊？」

「我悶啊！」

「好啦好啦，GOGOGO！」有得玩佢就好雀躍！

坐言起行，係我地嘅習慣，轉眼間，我地已經入到元朗。

「嘩，好耐冇入黎新界！」一到埗，小涼就講。

「我都係啊。」

「梗係啦，你個大懶蟲，街都唔多點出。」

「唔好講啦，租車啦！」

我地租咗車之後就向住南生圍方向踩，果條路我踩過好多次，都已經好熟。

今日天朗氣清，又有啲涼風，一邊踩，一邊啲風發埋黎，真係好正。

「喂，唔好撞我啦，死人頭！」佢喺我前面踩，我故意整蠱佢，有意無意咁撞下佢。

「好啦好啦，我喺你隔離踩啦。」

我地並肩咁一齊踩，喺我夢寐以求嘅畫面，成件事不知幾浪漫。

「呢到就係南生圍啊..好靚啊！」我地踩咗唔知幾耐之後終於到。

「係啊！個地好起伏，小心啲行。」

黎到南生圍，就當然要去條橋果到影相，呢個係個不明文規定，唔影真係對唔住自己咁辛苦黎。

「一、二、三，笑！」我地坐咗喺橋邊自拍，我搭住佢，頭貼頭咁影。

「等我又po下ig先！」我講，講完就即刻放。

唔洗兩分鐘，已經有幾個like咗，阿月仲留言：「賤人，自私去！」

「哈哈，個阿月啊，早知嗌埋佢同阿靜啦。」我講。

「咁我地兩個拍下拖唔好咩？」

「好~梗係好，有你喺到就乜都好架啦！」

「超，都唔知係唔係！」

我地喺周圍都影咗好多相，我好似做咗佢攝影師咁，幫佢影咗好多女神相。

只佢一齊，嘻嘻哈哈，無無聊聊咁都可以hea一日，我都好開心。

「就黎夠鐘還車啦！走啦！」佢講。

然後我地就沿路折返，突然收到阿爸來電..

老嘢係時候出下場 呢篇比較無厘頭 只係純粹小弟想過下癮

難道係小霖有絕症 ？

小霖是最好的！
佢真係好賢妻feel

小涼Gogogo

推到1001 然後小霖就做女主

推

難道係小霖有絕症 ？

冇咁老套掛

樓主可以開定新post
然後出文

難道係小霖有絕症 ？

冇咁老套掛

屌你 小霖長命百歲 仲要搶番廢紙既控制權架 邊有咁做死

樓主可以開定新post
然後出文

咁繼續推下啦