一人N個身邊見過最肉酸嘅cheap精行為

有一次個朋友結婚
前一晚幾個住得遠嘅姊妹上去酒店過夜(過夜班姊妹我全都唔識)
我夜晚十一點鐘先上去 上去前喺個gp新娘話姊妹肚餓
我咪買嘢畀佢哋食 班姊妹食完大家冇畀錢我
新娘亦冇話喺大數畀返錢我
點解做人可以咁度宿

之前ex個個月都話唔得閒叫我幫佢交停車場費, 然後話下個月入返俾我, 但就從來無入過
我同佢住係附近, 返工都係附近, 近到唔會多過3分鐘車程
如果佢有車我, 我當俾車費都OK, 問題係佢一個月都車唔到我2次
我日日搭的士都無幫佢交停車場咁貴

出親街食飯就次次都話幫我信用卡儲分, 轉頭入錢俾我, 當然又係無入過

本身又用我張卡bk左機票酒店去旅行(當然佢又係後數啦)
然後大家AA咁夾左D錢出來做駛費 (今次佢真係有拎錢出來)
舊錢我申請visa用左幾十蚊usd
後來發生太多佢走數事件, 我真係覺得佢搵我笨就分手 (未去旅行)
機票酒店錢當然我自己哽晒
而駛費舊錢就AA對分返
佢居然記住我申請visa用左幾十蚊, 叫我拎返出來分

識有對男女去爆房，男嘅book酒店房有折
完事後個男人用正價收個女一半爆房錢，個男人仲要連出街買dom嘅錢都話一人一半，仲講咗句：做愛大家都爽緊係aa啦
聽完之後真係唔知比咩反應好

呢樣唔關事
係請咗你駛你做嘢姐

佢應該唔止俾40 因為佢話俾左40「順便」請佢飲starbucks 我諗只係個intern唔夠錢買飯 所以淨係買左野飲

1.有pair 肥肥情侶同我地成班打邊爐，佢地兩個人share 用一set 筷子同碗，埋單個陣話計一個人頭唔係兩個(佢兩個仲要係由頭帶到落尾咁係咁食)

2.都係上面個pair肥肥情侶，男既有揸貨van ，同我都住得近，食完飯大家各自走，其他d friend 問佢地兩個係唔係車埋我，因為都住得近，佢兩個本身無出聲準備走先，我都無諗過要佢地車埋我，群眾壓力下，pair 情侶互望左兩秒，就話車埋我，叫我上車，咁我話會唔會阻住你地，佢地話唔會，咁我咪上車囉，點知上到車兩個係度你一句我一句，單單打打咁比說話我聽，仲要話咁啱無散紙，問我攞錢比住隧道費先，當然之後都無比返我。

小弟甘拜下風

dc開直播，話要收錢睇

佢覺得你唔cheap你既事
我cheap計到盡係精明既表現

話唔定佢條女根本唔爽

絕交未

白花油風扇

同事派利是俾我
幾個月後問我攞番
話我借左佢錢

成班人食飯
有一個人找哂條數先
番到去佢話除開位位$14x
其中一個人話「唔好煩，四捨五入即係俾$100得啦」
啲人以為佢講笑
點知佢下句話「你唔係咁都要同我計呀嘛？」

同事退休買咗五六大袋759零食擺喺茶水間，有同事日日收工就拎走幾樣未開過嘅，話拎返去比個女食，話反正佢都請人食，無話一定要喺度食喎。

啲客買果籃上嚟請大家食、貴嘅生果轉個頭就唔見晒、個個都袋起拎返屋企食

試過同公司同事去食放題 個時人多所以安排左有間房 比較隱蔽
個呀姐叫勁多野食 食食下拎個食物盒出黎不斷塞d野食入去
仲要拎左三個盒 真係終極cheap精

你真係無改錯名 唔通你想人哋拎啲coupon出嚟同你減咗條數再share? 咁cheap精嗰個係你

以為去左香討

戇鳩同事

事情一：發生響加拿大

話說渡輪上面有burger有湯賣。識得某個女仔，全程船鬼鬼鼠鼠來回canteen十幾次，原來係為咗攞人地d包裝鹽糖茄汁，匿埋一邊一包包倒落自己帶嚟嘅鹽糖茄汁樽帶返屋企用……

事情二：發生響拉斯維加斯

成班朋友租一間房屈蛇都算，有條女竟然呃個friend話冇帶夠錢，餐餐黐人地一半嚟食。我地梗係唔信啦，結果話去飲嘢睇show，佢一率阻止黐飲黐食個friend，驚死對方用曬d錢冇得繼續黐飲黐食。最後我地照去飲嘢，俾個cheap女拉住果個就心軟冇出去，同佢響房開laptop睇cctvb劇集，搞到最後一日，條cheap女突然響機場duty free就突然有錢啦，狂掃貨。俾佢黐飲黐食個friend當場反面，話俾cheap女搞到成程冇啖好食乜都無睇唔知佢咗幾日做乜。我地就睇住場大龍鳳， 又唔想落井下石。最後大家分開咗，從此無再來往

10蚊加一會變幾蚊？