跟住其中一個我就叫佢做A君無啦啦話隻豉油碟有幾格好似幾好用，
所以就借啲意掃咗落自己個背囊入邊，然後仲慫恿埋另一個friend阿B君一齊帶咗隻豉油碟
跟住好戲來了，然後A君無啦啦話用黎響出邊自助吧攞熟食嗰個九宮格碟都好似好好用喎，本身枱面有兩碟熟食，咁結果A君一野將所有熟食到晒落個骨盤入邊，求其搵廁紙抹一抹嗰兩個九宮格碟就放入自己背囊入邊
咁之後A君又覺得啲黑色碗好似好靚，又借啲意收咗入自己背囊入邊, A君為咗有人陪又叫埋B君一齊將自己隻碗放入背囊
咁都仲未夠，A君靈機一觸諗起九宮格碟, 豉油碟, 同埋黑色碗響自助吧都有成幢俾人攞來裝熟食同前菜
咁然後A君就叫埋阿B君一齊出去自助吧分工合作一人攞一疊碗同碟, 然後佢哋兩條友好滑稽咁拿住一幢豉油碟, 九宮格碟同碗返嚟個位度, 目測大約有20個豉油碟,十幾隻九宮格碟, 起碼20隻碗
咁A君同B君講話唔好分贓住, 全部放晒落自己個袋先, 食完出咗去先再分贓, 咁佢哋兩條友然後各自將戰利品收入各自嘅背囊, 結果兩個人嘅背囊都全部打爆，仲要露出左啲碟同碗嘅形態出嚟
由於件事實在太柒, 而且如果走嗰陣佢哋斷正, 我都怕俾人以為有份偷嘢，到時真係水洗都唔清
所以埋完單之後, 我放低咗要找嘅數之後就話去廁所屙屎, 叫佢哋響樓下先meet返啦, 但其實我直接落咗樓, 純粹係唔想同佢地一齊離開間餐廳
真心唔明白點解要偷放題嗰啲N手碗碟😰
分分鐘上手攞嚟燉煙灰又或者吐口水都唔定
仲要肯定唔覺得會洗得好乾淨
食餐飯都搞到好似做賊咁, 真係折墮到有今生無來世
