一人N個身邊見過最肉酸嘅cheap精行為

d 阿姐會叫你去隔離佳寶買...

same here. 老細提出一齊食 不論welcome / farewell 都係AA.
新年利是$20 好拿痴線
但自己明明搵7-8萬一個月至少

身邊有兩個比較算死草嘅朋友，啲行徑都令我好驚訝


試過一大班朋友去旅行，咁啱去買嘢間鋪頭可以憑收據當現金券平幾蚊港紙，咁我比較遲去俾錢，同行朋友A就話唔好嘥，俾我用，但事後叫我俾返平咗嘅錢佢

之後同一次旅行，事前大家夾咗公數方便買嘢。通常大家預咗share食嘅食物嗰啲都係用公數俾。後尾掃街嗰啲就算自己未必好想食或者飲，但用公數都冇乜所謂，因為數又唔大，最重要大家開心，而且好難話次次所有嘢自己都啱食，冇乜需要計返咁麻煩
有次去到便利店，朋友A話佢唔想食同飲嘢，叫大家用返自己錢俾。咁都冇嘢嘅。但喺大家開始飲嘢食嘢嗰陣，朋友A就開始逐個朋友黐嘢食嘢飲
又再之後有次佢用自己錢買咗樽嘢飲，我口渴問佢借一啖飲，結果佢叫我share俾返錢佢


另一個朋友B就試過有次話想一齊整曲奇，主動提出由佢買料買用具（一個曲奇模）
烘焙店啲自己pack嘅原料好多時會貼張label，大大隻字寫住價錢，所以其實我一路整，見到包裝都大概知總數幾多錢，大概百幾二百，除開每人一百左右
結果整完計數嗰陣，朋友B話要收我三百五十。佢見我嗰下呆咗一呆，解釋話自己買啲料好靚，曲奇模又買最靚，所以會貴又話已經計平咗我
之後仲話有啲曲奇整得唔靚，嗰啲等佢接收。結果整出嚟我只係拎咗四分一
再之後又話我應該唔會再想整曲奇，不如留返啲模俾佢，唔好嘥我屋企位
我嗰陣心諗嗰少少錢同餅都要搞咁多嘢都費事督爆佢，以後唔會再同佢有錢銀轇轕


有時候真係唔明啲人，有咩必要為咗蠅頭小利做到咁肉酸
作為朋友，計返轉頭又好核突同尷尬，惟有自己以後避免同呢類人有任何錢銀關係，以免自己唔開心

玩完一齊執返野好基本咋喎
你呢d咪傻仔囉

D阿姐慣左街坊會咁做
反正d客加餸佢地都唔會有錢落袋
佢地都知另外加錢唔太抵

唔知算唔算 有個同事last day 話叫foodpanda一齊食 本身個個以為佢請 點知原來個同事其實想AA（個垃圾撈粉仲難食過7仔丁飯加三小塊凍既豬頸肉,盛為.70 奶茶盛為50 條友簡間外賣都衰過人) 但最後應該得兩個人有比返錢佢 利申：成team根本唔熟 無乜幾句 食緊個時個個全程dead air 另外個餐飯真係好撚好撚難食. 散水餅係一舊啫哩仲要唔夠分 我都分唔清cheap既係唔比錢個個定佢 有得簡呢餐就算佢請 我都唔會想食(個撈粉真係好難食)

新同事食飯嗌灌湯餃俾自己食

唔會咁都相認到掛

同fd食完飯因為佢冇cash咁我比住先
佢就話返到屋企再payme返我
結果當然冇左件事 仲要唔止一次
次次都冇諗住即時payme返我 點解要返屋企先pay得

識人都類似咁 但冇咁誇張
佢會話自己冇食某樣野 唔想夾個樣既錢
一大班人其實好多時都唔會逐樣逐樣計
又冇錯既不過感觀唔好
你講呢單直情係又cheap又感覺超差

你有冇睇前文後理?
下面咪講撚咗正常人都會自動波幫手執嘢
我講緊嘅係叫人上你屋企食飯，食完仲要人幫你洗地洗爐果啲問題

成班同事一齊飲茶 有個人話佢唔食某幾樣點心
最後埋單 佢話佢比個份錢要減番個幾樣點心

淘寶買名牌 之後同我地show off
好想當面踢爆佢

公司男同事會食snack corner零食當飯食 因為唔駛錢
有波睇嘅夜晚會打包零食返屋企

成班中同升大學無耐約食飯，埋單時有人話唔夠現金要落街禁錢，都算，有條女話唔夠錢，要用 M 記現金券找數。

然而仲要大把人覺得屋主叫你食完飯幫佢手洗地洗爐洗碗無問題

bbq喎 洗地洗爐好正常啦
屋主提供場地同用具喎

睇完成個 po 就明白點解好多 cheap 精會買到樓。

佢見你cheap佢咪cheap埋一份囉

Book場買波又要錢又要時間 仲要蝕比你班cheap精

係人都唔gur啦

以前住hall嗰陣
我自己本身鼻敏感成日要呻鼻涕
所以都會買tempo，呻得舒服d，如果唔係個鼻會呻到損晒
點知同層樓嘅人成日特登入嚟拎我d tempo
仲要係好唔客氣咁抹一滴水要用3-4張

都係住hall嗰陣
洗衣粉同同房夾錢買，放喺我地房近門口個位
成日唔夠一個月就已經用咗大半盒
後尾發現隔離房有人從來唔買洗衣粉，次次都偷偷地攞人哋嗰d嚟用