葉開葉開
2021-06-12 19:47:30
二百零三
掛住講Betty添。
其實我諗佢都想同我砌返鋪,不過礙於男朋友就響自己隔離而剋意忍住啫。
始終有男朋友屌滿足到佢既生理需要,佢就唔駛我了,又唔會再覺得對Andrew唔住。
講返場波。
雖然我地有四個主力停賽,但本身我地既實力就響老撾之上,同埋本身呢場劉sir就諗住出多啲後備,所以即使我地停賽,香港隊都照贏五比零。
賽後,我地四個停賽既球員都有落去聽訓示,然後同上次一樣,我同阿必就同淇淇佢地一行七人去食tea再散水。
*
咁就過左兩日。
今日,就係香港U14主場對日本U14既比賽,亦係最重要既一場分組賽。
賽前日本兩戰全勝得六分排響榜首,我地一勝一和得四分緊隨其後排第二,馬來西亞一和一負得一分排第三,老撾四戰全敗包尾。
由於只有每組既首名可以入到亞少盃既決賽週,換言之,我地呢場一定要贏,咁就可以以七分壓過日本以小組首名出線決賽週。
「秋兒姐姐,我出門口喇。」起程之前,我特意去秋兒姐姐屋企通知佢一聲。
「嗯,係三點鐘開波?」秋兒姐姐微笑咁問。
「係呀!」我提醒秋兒姐姐:「係蒲崗村運動場呀,都幾難去架,妳真係唔駛約埋淇淇佢地?佢地之前都去過。」
呢個星期秋身姐姐特登揀放今日呢一日,就係想黎捧我場。
講起黎,今次係秋兒姐姐第一次黎睇我踢十一場既比賽。
之前學界又好、球會聯賽盃賽,秋兒姐姐都冇黎睇過。
所以我今日真係好開心。
「唔駛喇,我諗我地會識去既。」秋兒姐姐溫柔地答道:「我已經約左Kitty,佢仲未食野,所以一陣我陪埋佢食小小野之後就會過去架喇。」
冇錯,今日黎既唔止秋兒姐姐,仲有佢既好姐妹、我既好砲友Kitty姐姐。
好似係佢地傾計果陣諗住約出黎聚下,又咁啱比Kitty姐姐知道我要比賽,所以佢就提出一齊睇喎。
其實都冇所謂既。
最緊要係秋兒姐姐會黎,咁就夠了。
「嗯,咁我出門口先喇。」我向秋兒姐姐道別。
「熙熙。」秋兒姐姐叫一叫我。
「?」
「你個傷口點呀?」原來係慰問我。
但聽到秋兒姐姐溫柔既慰問,我個心即刻流過一陣暖流。
仲有…
甜蜜…
「冇問題!」其實傷口邊會咁快好返,點都仲有啲痛架喇,不過一上場熱好個身,呢啲皮外傷好快就唔覺痛。
「總之一陣間要小心啲呀!」秋兒姐姐提我:「你記得你應承過我架,唔好再整親喇。」
呀!
好暖呀!
個心!
*
「今場波關乎你地可唔可以出線亞少盃決賽週。」更衣室內,劉sir開波前最後briefing:「你地唔少人跟我既時候,都同過日本仲有
唔少強隊比賽過。你地可能覺得個實力個差距太多,點都冇可能贏,但你地記唔記得,三年前對中國果場波?我地咪響被睇低一線既情況下,反勝左中國?」
我第一個反應係…
乜中國係強隊黎既咩?
「如果連你地自己都唔信自己會贏,你仲點落場比賽!?」劉sir越講越大聲,啲語線大到以為屌緊我地。
「仔們,出盡全力去踢!清唔清楚!?」劉sir問。
「清楚!」
「聽唔到呀!」
「清楚!」今次又真係大聲左既…
「阿謙!」劉sir望實我地既後備龍門鄭定謙。
「係…係!」
「一陣落到場唔好再好似上場對老撾咁怯,知唔知!」劉sir屌柒佢:「你係我地最後既防線黎,明唔明!」
因為阿輝傷左,所以我地焗住要出阿謙。
「係…」扮咩鎮定,阿謙哥你都仲係好怯…
*
最後一場分組賽,對住日本,我地排出一個四五一既陣容。
守門員22號鄭定謙;右閘12號盧棍、中堅15號豪歌,3號楊舒達、左閘13張楓;防守中場16號發叔,21阿必;右翼23麥小明,左翼11號牛康;進攻中場10號賈加華;單箭頭7號既我。
終於唔係四四二呢個錯誤既陣式。
好,同日本既比賽,好快就要開始!
(待續)