我和鄰居大姐姐的故事(10)

1001 回覆
461 Like 5 Dislike
2021-06-14 19:47:02
等今日
2021-06-14 20:18:22
我覺得踢波好好睇喎
BTW推
2021-06-14 22:20:35
今日會有既,但要夜小小

另外,大家既意見我都收到架喇,亦會好好參考,總之多謝大家既支持喇!

冇你地就冇我架喇
2021-06-14 22:23:22
加油呀葉開巴 邊寫邊調整啦
2021-06-14 23:03:10
雖然我都對足球係興趣不大

但係作者想點寫咪點寫,覺得唔岩睇就上一頁出去

利申:等緊阿必屌葉開威屎忽
2021-06-14 23:03:43
言言有mon post喎
2021-06-14 23:15:26
二百零五

守左咁耐先失守,士氣真係會大受影響。

我見一班隊友垂頭喪氣,於是即刻由前場衝返後場諗住執返個波出黎,邊跑邊大叫:「喂,仲未完架!」

阿必見狀仲早過我衝入去個網度拎波:「兩球咋嘛!我地要入決賽週呀!」

隊長豪歌呢個時候都打起精神,大聲道:「冇錯,場波未完架,踢埋佢!入返佢兩球!」

「香港,香港!」響支持者既打氣聲下,大家勉強打起精神,繼續比賽。

我望一望向秋兒姐姐,見到佢都好緊張咁企起身望過黎。

視線相交。

我向佢打出個ok手勢。

秋兒姐姐微微一笑,又坐返落黎。

*

呢個時候劉sir一口氣換晒三個人。

首先係由14既蘇恩祖,入替已經接近筋疲力盡3號既達叔。

另外再由20號既防守中場柏彼得,入替同樣就黎踢到虛脫16號既發叔。

呢兩個位換位既換人,其實都真係幾無可奈何,因為佢地兩個既走動真係好多,尤其是發叔成個簡○(呢個係我大左之後效力車○士既防守中場,即係覆蓋地球75%果個光頭黑鬼)咁,全場奔走,波到人到,勁到癲。

其實發叔應該係我地成隊體能最好既球員,連佢都筋疲力盡,可想而知佢既跑動係幾多。

而最後一個換一調動,就係由9號既盧家顧,入替11號牛志康。

呢個調動第一真係戰術調動,換多個前鋒進攻,同時換出埋體力都用得七七八八既牛志康。

由張楓佢助攻助守既能力都非常唔錯,可以當埋左中場黎用,只係佢一個人打兩個位,體力方面未必支撐得到…

*

果然,張楓響之後日本既一次攻勢入面,因為顧唔到後上既日本右閘既傳中,比日本隊既9號近門撞入…

下半場二十分鐘,我地落後到兩球。

香港 0-2 日本。

*

正所謂兵敗如山倒,下半場三十二分鐘,我地又失多球,日本8號遠射比阿謙救出,但日本9號響無人看管之下,射成三比零。

「精神呀!」隊長豪歌大叫:「唔好再比佢地入波!」

大家其實都知我地大勢已去,但經豪歌咁呼喝之後,都提起精神,拎出頑強既鬥志,去踢埋最後呢幾分鐘。

*

或者領先左三球日本既防線真係鬆懈左唔少,就響呢個時候阿必將解左圍個波痴左落黎。

見到呢一下,我就已經知道要跑向邊一個方向。

終於,我地創造左第一個攻勢。

阿必將個波斬向前場既右翼位,而我亦都一早向果個方向跑緊過去。

日本既左閘20號雖然同時埋緊黎,但都唔夠我快,我早佢一步將個波控落黎。

嘿,我同阿必日日夾,係日日,夾足兩年,啲默契唔係流架。

我輕輕一推,就推過左日本既20號,佢連小小反應都黎唔切。

咦?咁撚易既?

之後我繼續大步推進,但日本隊既防守補防速度好快,除左我面前既兩個中堅,仲有後面追緊上黎既日本仔…







屌,唔撚理,照推!

對面兩個中堅好似冇諗過我會夾硬突破咁,一時呆左。

佢地係咪咁睇少我,以為我唔敢扭呀?

定你地領先緊三球,就真係以為贏鳩梗呀?

響呢啲咁高水準,一次咁既發呆足以致命。

我把握住呢個稍縱即逝既機會,從兩個中堅之間閃左入禁區,成單刀之勢。

我等左成場,就係等緊呢一個機會!

日本唔係經常性有呢種失誤,面對咁好既機會,我真係唔客氣,瞄準右上角,起腳抽射!

嗖!

個波好似支箭咁射左上龍門右上角死角。

入網。

全場響起港隊支持者既歡呼聲,雖然佢地人數唔多,但響空曠既球場反而格外響亮。

我即刻衝入網執返個波出黎。

未完架,未完架!

我將個波擺響中圈,等日本快啲開波!

快啲快啲快啲!

我地仲有時間!

咇~咇咇!!

咦?

我望住球證…

再望住頹然坐響地上面既隊友…

完左場了……?

全場完,香港 1-3 日本。

(待續)
2021-06-14 23:28:56
Push
2021-06-14 23:38:14
(呢個係我大左之後效力車○士既防守中場,即係覆蓋地球75%果個光頭黑鬼)


葉熙威大個之後會去踢車仔?
2021-06-15 00:09:49
同細細個睇踢出我天地 落雨完場嗰一幕好似
2021-06-15 00:17:35
諗起衝鋒21第一次對王城熙=瀨那 秋=真守 必=門太
2021-06-15 00:38:22
仲有角球呀
2021-06-15 00:40:02
輸波小事,4P先係大事,幾時會有
2021-06-15 01:04:21
ching你中文U?
2021-06-15 01:04:30
其實一個中學雞無拍拖 佢既人生一直都係足球都好合理
2021-06-15 01:05:57
拜託唔好quote文
2021-06-15 01:07:05
2021-06-15 01:08:46
輸咗仲以為樓主會寫贏
2021-06-15 01:26:36

入到嚟見到一頁要碌咁耐仲以為有文
點知原來quote文嚟
2021-06-15 02:33:45
仲要係quote上quote上quote
2021-06-15 02:55:12
三重quote
2021-06-15 06:31:59
blocked x3 thx
2021-06-15 08:14:00
雖然輸咗好可惜,不過照推
2021-06-15 08:48:45
連block三個,舒暢
2021-06-15 09:28:32
本來有Betty喺度就機會最大,但樓豬咁寫法應該冇lu
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞