我和鄰居大姐姐的故事（10）
葉開葉開
1001 回覆
461 Like
5 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁
見到Nokia 電話，第一個反應：係咪有人玩野騎劫個故？細路仔何來有錢
葉熙威證實了這個消息
送禮物真係好易出事
不論係睇故定現實都係
不論係睇故定現實都係
推
Push
車馬費一個月幾舊幾舊咁比，熙熙又唔用錢周圍R著數，儲到既
我睇到笑左出黎
二百零八
「又黎等秋兒收工？」一個麥記既女員工路過既時候走過黎問我。
呢條女啱啱去完廁所返緊去counter。
或者因為性格開朗使然，秋兒姐姐響麥○勞都識到好多朋友，不論男男女女、大嬸大叔定MK仔女、上至經理下至清潔姐姐，對佢都非常友善。
而呢個啱啱去完廁所既女仔叫阿Ling，係秋兒姐姐返早更既同事，據聞都係今年既會考畢業生，同樣外表都係斯斯文文平平凡凡咁，帶住副粗框眼鏡，但佢就好撚多野講，成個師奶咁。
題外話，返早更既好似比較少MK仔女，MK仔女佢地好似返夜更居多。
「關妳鬼事咩？」我坐左響麥記其中一個座位上面回應佢。
呢個座位係我次次黎接秋兒姐姐放工都會坐既位（不過有時都會比人坐左）。
「呵呵，你都係咁囂張。」阿Ling對我呢種態度其實都見怪不怪：「你等多陣喇，秋兒應該就放工。」
「嗯。」我求撚其應完阿Ling之後繼續百無聊賴響度等。
*
嗯，今日好似比平時耐。
平時五點鬆小小秋兒姐姐就已經換好衫放工，由staff room出返黎，不過今日好似過左好耐都未出黎咁。
我望一望老豆以前送比我果隻廉價手錶，其實都只係五點十五分，唔算遲好耐。
不過就算遲好耐，我都要等架喇，又唔係未試過。
有時唔夠人手既時候，麥○勞既經理會要求員工開OT，秋兒姐姐都試過。
但又會撞正響今日秋兒姐姐生日先開OT都有既。
又等左一陣，離遠見到staff room果面度門打開左，秋兒姐姐終於換好衫走出來了。
不過…
點解佢手上面捧隻碟，上面裝住一片好靚咁既芝士蛋糕既。
秋兒姐姐一打開門就已經望過黎我既方向，然後向我甜甜一笑，再慢慢行過黎。
「熙熙，要你等咁耐添。」秋兒姐姐響我面前停低，然後將手上既藍莓芝士蛋糕遞比我：「請你食吖，好好味架。」
「點解…會有件蛋糕既？」我接過件蛋糕，但忍唔住心中既疑問。
秋兒姐姐笑答：「係經理知我今日生日，所以買黎送比我架。」
「經理知妳生日…？」今日我見到有兩個經理，一個係後生仔，一個就係中年既叔叔。
一定係後生果個。
死狗公一定係濫用職權擅自check秋兒姐姐幾時生日。
「係呀，我都估唔到佢知我今日生日，仲特登響我收工果陣，連埋啲同事趁我換衫既時候準備拎呢個蛋糕出黎，所以先搞左咁耐。」秋兒姐姐歉然道。
「哦。」我望住個蛋糕，心入面泛起左一陣難以形容既滋味。
個蛋糕好精緻，而且成個買既話一定唔平。
我好清楚。
因為我響B's Cafe食過。
Kitty姐姐請我食既。
我諗起自己今朝響樓下包鋪買果個迷你雜果忌廉蛋糕仔。
好寒酸。
雖然年年都係咁，但以前冇比較嘛。
「你等多我一陣，我入去同佢地講聲拜拜就走得架喇。」秋兒姐姐見我個樣悶悶不樂，以為我係因為等佢等得太耐而唔開心，急忙走返入staff room向佢既同事們道別。
其實…我只係覺得自己比唔上其他人…
雖然係咁，但食得唔好浪費，我三扒兩撥就食晒件蛋糕。
係好食既。
之後阿Ling同秋兒姐姐一齊出黎，我都企起身準備走人。
「妳真係唔要份禮物？」阿Ling問秋兒姐姐，但佢應該冇為意我聽到：「好貴重架喎。」
「就係太貴重先唔收得啊。」秋兒姐姐搖搖頭。
呢個時候我都行到過去佢地面前。
「咁我地走先喇。」秋兒姐姐向阿Ling道別。
「妳真係唔去？」阿Ling問。
去？
去咩？
「唔去喇。」秋兒姐姐溫柔地笑道：「不過我真係好多謝佢地，希望佢地都玩得開心啲喇。」
阿Ling笑道：「但主角唔響度好古怪架嘛。」
「唔怪，唔怪。」秋兒姐姐轉向我笑道：「我地快啲去買餸，如果唔係冇晒野賣架喇。」
「嗯。」
「阿Ling，聽日見喇。」秋兒姐姐向阿Ling道別。
「拜拜喇兩位。」阿Ling笑道。
阿Ling走左之後，我先同秋兒姐姐講：「唔駛去買餸喇。」
「？」今次到秋兒姐姐一臉不解咁望住我。
「因為我已經買晒喇。」我答：「今日妳生日，等我煮比妳食喇。」
但老實講，我冇乜信心呢個係好既慶生方式。
（待續）
「又黎等秋兒收工？」一個麥記既女員工路過既時候走過黎問我。
呢條女啱啱去完廁所返緊去counter。
或者因為性格開朗使然，秋兒姐姐響麥○勞都識到好多朋友，不論男男女女、大嬸大叔定MK仔女、上至經理下至清潔姐姐，對佢都非常友善。
而呢個啱啱去完廁所既女仔叫阿Ling，係秋兒姐姐返早更既同事，據聞都係今年既會考畢業生，同樣外表都係斯斯文文平平凡凡咁，帶住副粗框眼鏡，但佢就好撚多野講，成個師奶咁。
題外話，返早更既好似比較少MK仔女，MK仔女佢地好似返夜更居多。
「關妳鬼事咩？」我坐左響麥記其中一個座位上面回應佢。
呢個座位係我次次黎接秋兒姐姐放工都會坐既位（不過有時都會比人坐左）。
「呵呵，你都係咁囂張。」阿Ling對我呢種態度其實都見怪不怪：「你等多陣喇，秋兒應該就放工。」
「嗯。」我求撚其應完阿Ling之後繼續百無聊賴響度等。
*
嗯，今日好似比平時耐。
平時五點鬆小小秋兒姐姐就已經換好衫放工，由staff room出返黎，不過今日好似過左好耐都未出黎咁。
我望一望老豆以前送比我果隻廉價手錶，其實都只係五點十五分，唔算遲好耐。
不過就算遲好耐，我都要等架喇，又唔係未試過。
有時唔夠人手既時候，麥○勞既經理會要求員工開OT，秋兒姐姐都試過。
但又會撞正響今日秋兒姐姐生日先開OT都有既。
又等左一陣，離遠見到staff room果面度門打開左，秋兒姐姐終於換好衫走出來了。
不過…
點解佢手上面捧隻碟，上面裝住一片好靚咁既芝士蛋糕既。
秋兒姐姐一打開門就已經望過黎我既方向，然後向我甜甜一笑，再慢慢行過黎。
「熙熙，要你等咁耐添。」秋兒姐姐響我面前停低，然後將手上既藍莓芝士蛋糕遞比我：「請你食吖，好好味架。」
「點解…會有件蛋糕既？」我接過件蛋糕，但忍唔住心中既疑問。
秋兒姐姐笑答：「係經理知我今日生日，所以買黎送比我架。」
「經理知妳生日…？」今日我見到有兩個經理，一個係後生仔，一個就係中年既叔叔。
一定係後生果個。
死狗公一定係濫用職權擅自check秋兒姐姐幾時生日。
「係呀，我都估唔到佢知我今日生日，仲特登響我收工果陣，連埋啲同事趁我換衫既時候準備拎呢個蛋糕出黎，所以先搞左咁耐。」秋兒姐姐歉然道。
「哦。」我望住個蛋糕，心入面泛起左一陣難以形容既滋味。
個蛋糕好精緻，而且成個買既話一定唔平。
我好清楚。
因為我響B's Cafe食過。
Kitty姐姐請我食既。
我諗起自己今朝響樓下包鋪買果個迷你雜果忌廉蛋糕仔。
好寒酸。
雖然年年都係咁，但以前冇比較嘛。
「你等多我一陣，我入去同佢地講聲拜拜就走得架喇。」秋兒姐姐見我個樣悶悶不樂，以為我係因為等佢等得太耐而唔開心，急忙走返入staff room向佢既同事們道別。
其實…我只係覺得自己比唔上其他人…
雖然係咁，但食得唔好浪費，我三扒兩撥就食晒件蛋糕。
係好食既。
之後阿Ling同秋兒姐姐一齊出黎，我都企起身準備走人。
「妳真係唔要份禮物？」阿Ling問秋兒姐姐，但佢應該冇為意我聽到：「好貴重架喎。」
「就係太貴重先唔收得啊。」秋兒姐姐搖搖頭。
呢個時候我都行到過去佢地面前。
「咁我地走先喇。」秋兒姐姐向阿Ling道別。
「妳真係唔去？」阿Ling問。
去？
去咩？
「唔去喇。」秋兒姐姐溫柔地笑道：「不過我真係好多謝佢地，希望佢地都玩得開心啲喇。」
阿Ling笑道：「但主角唔響度好古怪架嘛。」
「唔怪，唔怪。」秋兒姐姐轉向我笑道：「我地快啲去買餸，如果唔係冇晒野賣架喇。」
「嗯。」
「阿Ling，聽日見喇。」秋兒姐姐向阿Ling道別。
「拜拜喇兩位。」阿Ling笑道。
阿Ling走左之後，我先同秋兒姐姐講：「唔駛去買餸喇。」
「？」今次到秋兒姐姐一臉不解咁望住我。
「因為我已經買晒喇。」我答：「今日妳生日，等我煮比妳食喇。」
但老實講，我冇乜信心呢個係好既慶生方式。
（待續）
最唔需要同人比較既年紀
往往都係最唔知道唔需要同人比較既年紀
往往都係最唔知道唔需要同人比較既年紀
M記經理 = 有錢仔 
Push
有錢仔出現了
推推推推推
推堆倠
秋兒細細個就已經咁受歡迎
地獄廚神出現
今日內容有啲短
戲肉係邊度
樓主呢
今晚要夜小小
推
唔好意思，同朋友聚完，而家更
二百零九
「你煮？」好彩既係，秋兒姐姐好似對呢一個慶生方式並唔反感，仲好似有啲期待。
呼，暫鬆一口氣。
「係呀…」我答道：「妳平時返工咁辛苦都要去買餸煮飯比我食，今日妳生日就好好抖下喇…」
秋兒姐姐甜甜一笑，道：「點會辛苦呢。不過我好開心你煮比我食，多謝你喇熙熙。」
秋兒姐姐既笑容真係好甜美。
好動人。
「不過…可能煮得唔好食架…」雖然我為左今日，跟左白師奶再學多左幾日師，但真係冇信心煮得好食。
畢竟煮野好唔好食都需要經驗累積。
「唔會。」秋兒姐姐甜笑道：「只要係你煮既，一定好好食。」
呃…秋兒姐姐妳仲有信心過我…
講起黎阿Ling講過話秋兒姐姐班同事連埋經理，似乎本身諗住約秋兒姐姐出去慶祝生日…
會唔會其實咁樣先係對秋兒姐姐好啲呢…
…
…
…
唔會！
絕對唔會！
你班狗公憑咩約秋兒姐姐！
我一定會煮餐好餸既！
*
「嘩，好豐富喎，我地兩個食唔食得晒架？」秋兒姐姐望住餐枱上面啲餸，笑得非常高興。
今餐係響我屋企食，餐枱上面有魚有蝦有蜆有扇貝仲有菜，非常豐富。而秋兒姐姐望到都好似幾開心。
呼，第一關叫做過左。
不過關鍵係啲味道，我自己試過味，覺得都ok既。最大既問題係同秋兒姐姐仲有白師奶煮既相比仲爭好遠。
「秋兒姐姐妳試下好唔好食？」第二關考驗來了。
秋兒姐姐笑住點一點頭，然後每樣餸都夾小小黎食。
雖然我知秋兒姐姐係咪都會話好食，但我想既係佢真心覺得好食，而唔係為左安慰我而講既。
秋兒姐姐食完每一樣餸都甜甜一笑，唔知佢心入面諗緊乜呢？
「咦？熙熙你唔食既？」秋兒姐姐見到望實佢冇乜點食：「你都快啲食喇。」
「妳覺得…好唔好味？」我小心翼翼咁問。
「你煮架喎，梗係好食喇。」秋兒姐姐由個心度甜出黎咁笑道。
「真說話呢？」
「傻熙熙，真架。」秋兒姐姐笑住答我：「比起之前，你今次真係進步左唔少！」
「即係以前唔好食喇…」我既小學雞症侯群又發作。
不過我比秋兒姐姐咁讚，老實講心入面都暗爽緊。
似乎第二關都順利過關喎…
秋兒姐姐噗哧一笑，道：「唔係呀。不過今次真係有進步吖嘛！下次都要繼續進步，知唔知？」
「嗯。」我問：「真係好味？」
「係呀，好好味架，你都快啲試下自己既手勢喇。」秋兒姐姐笑道。
雖然有進步，但我都知自己煮得其實一般。不過，呢餐飯真係食得好溫馨、好開心。
可能我真係自卑，帶秋兒姐姐出去外面既餐廳我就比唔起架喇，但係自己煮出黎既，希望都可以用心意搭救，令秋兒姐姐食得開心喇。
最起碼…
唔會令佢覺得後悔唔去同佢啲同事出去玩先喇…
*
食完飯之後就到左第三個考驗。
「秋兒姐姐妳係壽星女，執拾同洗碗等我黎就得架喇。」我見秋兒姐姐想幫手執下野，於是阻止佢：「妳去梳化休息下先喇。」
「唔緊要，等我都幫下你喇，你一個人洗晒咁多野好辛苦架。」秋兒姐姐笑道。
「唔好喇，我洗得架喇。」
因為我好食懶飛，所以平時洗碗都係秋兒姐姐自己洗，我係呢排佢要返工、見佢太攰或者會考果排先會幫手洗，所以今日秋兒姐姐生日就梗係比佢休息下喇。
同埋最重要既…係我要趁佢坐響疏化既時候響雪櫃度拎個雜果蛋糕出黎，再點蠟燭再捧出去比佢。
當然其實我估秋兒姐姐都估到今日有蛋糕食架喇…畢竟年年既慶祝方式都大同小異。
響屋企食飯，之後再食蛋糕，完。
今年稍為唔同既，係我親自下廚煮啫。
好彩反應都還可以。
我執晒啲碗入廚房再打開個雪櫃，將個蛋糕拎出黎，再插上蠟燭（未點）。
心入面又突然浮起B' Cafe既蛋糕。
雖然我知秋兒姐姐唔會嫌棄我買既蛋糕，但係…味道又真係呃唔到人…
由Kitty姐姐請我食既時候我已經好鍾意食。
其實…一年一次啫…點解我唔買個B's Cafe既蛋糕呢？
（待續）
「你煮？」好彩既係，秋兒姐姐好似對呢一個慶生方式並唔反感，仲好似有啲期待。
呼，暫鬆一口氣。
「係呀…」我答道：「妳平時返工咁辛苦都要去買餸煮飯比我食，今日妳生日就好好抖下喇…」
秋兒姐姐甜甜一笑，道：「點會辛苦呢。不過我好開心你煮比我食，多謝你喇熙熙。」
秋兒姐姐既笑容真係好甜美。
好動人。
「不過…可能煮得唔好食架…」雖然我為左今日，跟左白師奶再學多左幾日師，但真係冇信心煮得好食。
畢竟煮野好唔好食都需要經驗累積。
「唔會。」秋兒姐姐甜笑道：「只要係你煮既，一定好好食。」
呃…秋兒姐姐妳仲有信心過我…
講起黎阿Ling講過話秋兒姐姐班同事連埋經理，似乎本身諗住約秋兒姐姐出去慶祝生日…
會唔會其實咁樣先係對秋兒姐姐好啲呢…
…
…
…
唔會！
絕對唔會！
你班狗公憑咩約秋兒姐姐！
我一定會煮餐好餸既！
*
「嘩，好豐富喎，我地兩個食唔食得晒架？」秋兒姐姐望住餐枱上面啲餸，笑得非常高興。
今餐係響我屋企食，餐枱上面有魚有蝦有蜆有扇貝仲有菜，非常豐富。而秋兒姐姐望到都好似幾開心。
呼，第一關叫做過左。
不過關鍵係啲味道，我自己試過味，覺得都ok既。最大既問題係同秋兒姐姐仲有白師奶煮既相比仲爭好遠。
「秋兒姐姐妳試下好唔好食？」第二關考驗來了。
秋兒姐姐笑住點一點頭，然後每樣餸都夾小小黎食。
雖然我知秋兒姐姐係咪都會話好食，但我想既係佢真心覺得好食，而唔係為左安慰我而講既。
秋兒姐姐食完每一樣餸都甜甜一笑，唔知佢心入面諗緊乜呢？
「咦？熙熙你唔食既？」秋兒姐姐見到望實佢冇乜點食：「你都快啲食喇。」
「妳覺得…好唔好味？」我小心翼翼咁問。
「你煮架喎，梗係好食喇。」秋兒姐姐由個心度甜出黎咁笑道。
「真說話呢？」
「傻熙熙，真架。」秋兒姐姐笑住答我：「比起之前，你今次真係進步左唔少！」
「即係以前唔好食喇…」我既小學雞症侯群又發作。
不過我比秋兒姐姐咁讚，老實講心入面都暗爽緊。
似乎第二關都順利過關喎…
秋兒姐姐噗哧一笑，道：「唔係呀。不過今次真係有進步吖嘛！下次都要繼續進步，知唔知？」
「嗯。」我問：「真係好味？」
「係呀，好好味架，你都快啲試下自己既手勢喇。」秋兒姐姐笑道。
雖然有進步，但我都知自己煮得其實一般。不過，呢餐飯真係食得好溫馨、好開心。
可能我真係自卑，帶秋兒姐姐出去外面既餐廳我就比唔起架喇，但係自己煮出黎既，希望都可以用心意搭救，令秋兒姐姐食得開心喇。
最起碼…
唔會令佢覺得後悔唔去同佢啲同事出去玩先喇…
*
食完飯之後就到左第三個考驗。
「秋兒姐姐妳係壽星女，執拾同洗碗等我黎就得架喇。」我見秋兒姐姐想幫手執下野，於是阻止佢：「妳去梳化休息下先喇。」
「唔緊要，等我都幫下你喇，你一個人洗晒咁多野好辛苦架。」秋兒姐姐笑道。
「唔好喇，我洗得架喇。」
因為我好食懶飛，所以平時洗碗都係秋兒姐姐自己洗，我係呢排佢要返工、見佢太攰或者會考果排先會幫手洗，所以今日秋兒姐姐生日就梗係比佢休息下喇。
同埋最重要既…係我要趁佢坐響疏化既時候響雪櫃度拎個雜果蛋糕出黎，再點蠟燭再捧出去比佢。
當然其實我估秋兒姐姐都估到今日有蛋糕食架喇…畢竟年年既慶祝方式都大同小異。
響屋企食飯，之後再食蛋糕，完。
今年稍為唔同既，係我親自下廚煮啫。
好彩反應都還可以。
我執晒啲碗入廚房再打開個雪櫃，將個蛋糕拎出黎，再插上蠟燭（未點）。
心入面又突然浮起B' Cafe既蛋糕。
雖然我知秋兒姐姐唔會嫌棄我買既蛋糕，但係…味道又真係呃唔到人…
由Kitty姐姐請我食既時候我已經好鍾意食。
其實…一年一次啫…點解我唔買個B's Cafe既蛋糕呢？
（待續）