我和鄰居大姐姐的故事（10）

唔夠14分唔係要第一日下晝/第二日先有得搵學校

Push

Push

我以前都係13分

都照收

平時咁叻但得13分
要好多科同時失手先會咁

失手cls

印象中CE升AL就係咁

原校14up->校外14up->原校13以下->校外13以下

先後分開幾個時間

屌 間學校band3㗎?秋兒寫到品學兼優都係得13分

平時咁叻失手失到得13分會唔會太誇張

印象中第一日夠14分但原校升唔返可以去排聯招，面試其他學校。
過咗第一日仲有學位嘅學校仲可以收生。
有錯請指正。

當年叫屋企人一早去聯招中心排隊，好彩夠分原校升返，個隊位俾咗老友等佢入間好啲嘅學校讀中六。

當年原校要20分 我預自己都係夠同唔夠之間(18-22分)，最後得19分，學校留左3個位俾所有18，19分既學生做一次interview 去決定留邊3個 ，話就係interview,其實係內定左d 乖乖仔 。
最後俾我既解釋係我d科側重晒係2科數(maths+A.maths)+ 英文得level 2,覺得其他人比我有機會上u, 一路係學校忍住唔喊，最後出學校門口見到老豆老母真係忍唔住喊到收唔聲，唔想佢地辛苦叫左佢地返屋企等我自己出去搵學校 因為我個區呢個分大把band2,3學校收。
去到晏就搵學校，放榜既日子根本熱到仆街，自己又係肥仔，又係咁出入冷氣地方，出完汗又乾返係咁loop,最後選擇左間band2 。
第二日已經因為咁樣發燒，見住呀媽好擔心我又請假陪我去睇醫生又攬住佢哭多次。最後中6，7自閉咁努力讀書，入到科大，叫做對得佢住，都打左原校班仆街老師一巴。
岩岩打呢段野我都眼濕濕，呢一日我永遠都唔會忘記果種緊張同徬徨既心情

感受到巴打當年嘅徬徨。入到科大真係吐一口污氣。
當年老師講過收生唔同校有唔同計法，但基本上會將中英數乘2去睇，同分會睇吓邊個主科好啲。因為入大學要主科合格先得。

側重晒係2科 咪仲好，A level 讀咁多托7 咩

無計 內定就梗 唔好講升學呢啲大事
啲小事都係全部內定曬
唔係話所有老師都係教畜
但係真係好既老師又有幾多個

我諗10個得1個 d老屎忽有錢收就得啦 理得你地死

中6，7果2年真係好辛苦 。新校band 2，d教畜可以揸住本答案同我地講解past paper .

唔…估唔到呢篇會引黎咁多迴響，等我統一回應下先：

收生程序問題呢，其實我係靠自己既記憶去寫。我自己好彩唔係14分以下，所以只係依稀記得有個十三分既朋友響第一日已經搵到學校收（唔排除係偷步），程序上面可能真係搞錯左，抱歉。不過為左令個故合理啲，我會改返秋兒係14分。

學校成績方面，由於秋兒係讀文科，就算佢幾叻都好難三十分。學校既老師都係預估佢二十三至二十五分，所以大家講得啱，秋兒真係嚴重失手。我知現實情況好罕見，但我識朋友就正正係咁。只係佢明明13分但原校響第一日下晝已經收返佢，因為佢平時成績操行都好好，校外都拎到唔少獎。不過睇返巴打們所講，其實應該都只係偷步收生。

第三其實熙熙秋兒讀果間只係地區名校喇，果啲地區名校都係band 1中至band 1尾，唔好用皇仁果啲標準去同佢地比較。所以雖然理科都係收得高分啲，但文科其實都係十四五分起跳，唔敢講所有學校都係咁，但至少我參考果幾間英中都係咁。

多謝大家既意見鞭策，我會繼續努力去寫故

我會考果陣啲操行好差，其中有個科目既老師響我last day果日直情走埋黎詛咒我會考炒粉（我果間係band 1尾至中既地區名校），我最後放榜既時候我響佢果科考左個非常唔錯既成績，我即刻拎埋張cert走去果個老師寸鳩佢，果下心情舒暢爽到仆街

記得放榜果日，學校d 中五學生好似瘋人院咁：有d 人開心到Yeah Yeah 聲，有d 開心到喊，有d 喊到仆街問點解咁低分，有d 一笑置之，打電話約朋友唱K...，咩表情都有。
我果陣唔太緊張，本來無諗住升中六，一心出去讀IVE (當年IVE 幾乎收硬，唔夠分入IVE 都可以讀SBI)。點知我個成績有7分 (報考七科，一科一分)，英文仲要兩個f 都可以拉到總分E (我考syllabus B)。我好記得阿Sir 俾成績表俾我個樣呆晒，不過我唔怪佢，我仲驚訝過佢。
又諗返當時中學on99 但又好開心ge 日子...

我岩岩先轉完工...
舊公司太閪，頂唔順

大巴大巴車埋去

點解你會用皇仁做例子？

因為child燈仔都係隱世高人，唔是皇仁都喇沙拔萃

個個畢業已經月入50k

佢多謝你添呀