我和鄰居大姐姐的故事（10）

葉開葉開 2021-06-21 19:54:14

二百一十二

「我去開門。」呢個係一個化解尷尬既好機會。

「嗯。」秋兒姐姐點點頭。

我帶住有啲尷尬既心情去開門。

不過話說回來，而家都只係九點幾，呢個時間會係邊個㩒門鐘？

我打開門，見到一個年老版本既秋兒姐姐。

「Auntie？」

「媽咪？」

我同秋兒姐姐幾乎同時間出聲。

「返到屋企見妳唔到，都估到妳過左黎架喇。」林太笑一笑。

我開門比佢入黎：「入黎先吖Auntie。」

「今日咁早收工既媽咪？」秋兒姐姐行過去撟住林太手臂問道。

好溫馨。

林太拎住盒蛋糕，一邊笑道：「我個寶貝女生日嘛，梗係要早啲收工喇，我仲買左蛋糕添。」然後佢望到放左響餐枱上面個食唔晒迷你忌廉雜果生日蛋糕，笑道：「不過睇黎你地都食左喇喎。」

「係呀，熙熙今日煮親自下廚，煮左餐豐富既生日飯比我！」秋兒姐姐笑得好開心。

林太望住我，笑住咁問：「熙熙你都識煮野架咩？」

「呃…唔係好識架咋。」我R一R頭：「叫儘左力喇。」

「都煮得好好食架。」秋兒姐姐笑道。

「Auntie妳都食件蛋糕？」我指一指個迷你雜果忌廉蛋糕。

「好呀，多謝。」林太露出一個同秋兒姐姐一樣既笑容。

*

果晚之後都冇乜特別。

林太食完蛋糕之後再拎自己個蛋糕出黎，再吹多次蠟燭，不過就冇食個蛋糕喇，真係食唔落。

順帶一提，林太買既蛋糕係同我同款。

林太都有見到盒電話，問係咩黎，咁秋兒姐姐就答左佢喇。

同秋兒姐姐既反應唔同既，係林太見到係部貴電話就嗱嗱聲叫秋兒姐姐多謝我同埋收好佢，唔似秋兒姐姐咁覺得貴而打算比返錢我。

不過算喇，佢係咁，但佢都叫睇住我大，對我又真係幾好。

其實諗諗下都要多謝林太突然殺上黎，如果唔係果下我比罪惡感吞噬既時候，我一野fing開再推開秋兒姐姐應該都會幾掃興。

唉。

點解我會咁。

同Jessica做之前明明好地地。

…

…

…

又想…

去搵Kitty姐姐出火了…

*

第二日我真係走左去Kitty姐姐屋企扑鳩佢，扑撚到佢腳軟。

係咁扑係咁扑，彷彿要將體內既罪惡感連埋精液一齊射埋出黎，射晒落Kitty姐姐個身體、口、胸部、背脊。

…

…

…

結果梗係冇用喇。

罪惡感是不死的。

不過唔知係咪錯覺，硬係覺得Kitty姐姐越近放榜就越對我依戀。

就算唔扑野都會一齊出街，然後再去啲應該冇咁易撞到熟人既地方，再響秋兒姐姐收工前前後腳咁散水。

「有冇信心呀？」我響Kitty姐姐張床撫摸住赤裸裸既佢既秀髮，佢就好似小鳥依人咁依偎住我。

「唔知呀…」Kitty姐姐歎左一口氣。

我冇再問佢，雙唇再交疊埋一齊，再一次天人合一。

*

之後幾日輪到我生日，朝早同Kitty姐姐鬼混，下晝同阿必淇淇佢地去唱K當慶祝我生日。

夜晚既時候，我同秋兒姐姐冇大家想像中曖昧既延續。

都唔知係咪一件好事…因為我都唔係好知自己究竟想點…

不過最主要係因為我老豆唔知點解請左半日假，買左好多餸煮黎賀我生日，兼請埋秋兒姐姐，當慰勞佢平時照顧我咁辛苦。

唔講唔知，我老豆煮野好好食，似乎我就唔係好遺傳佢呢方面既天份。

「老豆，今年咁好請假返黎同我慶祝既？」我行埋廚房門口問老豆。

「唔好咩衰仔。」

「好，梗係好喇！」我真係好撚鍾意老豆！

「哈哈。」

「不過，係有啲好奇啫…」

「我都好耐冇同你慶祝過生日…」老豆笑道：「加上你今年咁叻仔入選香港隊，我都想同你正正經經咁做返次生日。」

我笑了。

真係好開心！

「熙熙。」

「唔？」

「你會唔會嬲老豆架？」老豆邊炒餸邊問，但其實佢冇望過過黎：「我成日掛住返工。」

又係呢句…

答案…

「梗係唔會喇！你養我咁辛苦！」真心話黎。

「嗯。」

老豆咀角好似向上揚。

然後呢餐飯，我食得好開心。

而最開心既，係秋兒姐姐竟然送返一部一模一樣既手提電話比我。

嘻。

似唔似情侶裝呢？

*

就係咁，日子好快就過去。

會考，放榜了。

（待續）

萬言 2021-06-21 19:57:12

推