多年冇聯絡，發現屋企人家道中落

我覺得偶爾俾d家用阿媽
因為點都叫養大你 可能無咩教過你培育過你
但無功都有勞 煮飯你食 細個幫你換片
一個正正常常嘅媽咪其實唔係必然
你睇咁多虐兒case就知

阿哥自己頭家就佢自己搞掂啦
咁多個人，有手有腳
佢曾經可以中産，代表佢有能力/技能
依家咁只係佢個人理財失敗

大時大節俾錢阿媽，或者請佢飲茶
其他唔好理咁多啦

責任在你老母
呢啲就係因果
當然你都可以以德報怨
可能今日種咗善因落姪女到 他日又會回報返你

真係睇下值唔值得幫，如果擺明坐食山崩，呀哥欠落好多街數，兩公婆又唔做野，你幫得佢一次，一定有第二次，之後你唔俾錢好似你錯添。 你話唔係，生意失敗，周轉唔到，但都勤力做野，賺錢養家找數就可以考慮幫下。講到錢，幾親都會反面。

利申：見識過

咁又唔好 始於屋企人o黎， 能力範圍內幫囉

唔幫，幫咗容乜易齊死

由細到大屋企對我都係放養，冇支援亦冇裁培，我有今日都係自己努力，我從來唔覺得我欠佢哋啲乜 買股都要入本先有回報 佢地想無本生利仲俾你話仆街

理性同感性都唔應該幫

可憐之人必有可恨之處

通常呢啲case ，如果你插隻腳埋去，都係會攪到你成身屎

有咩好幫，又唔係無得食無得住
比到盡同姪女補下習

如果同阿媽關係好 都要幫下既。。

最多只會幫個姪女搵個好補習，始終小朋友仲有大把世界
但廢中果兩個唔該由佢哋自生自滅佢哋發緊達果時都冇諗過屋企人又唔識留返個錢，所謂有咁耐風流就有咁耐折墮架啦

舊聞好好玩咩

每個月自動轉賬兩千俾老母，其他唔好理，更加唔好俾佢地知你住邊

真，以前點對你就依家點對翻佢哋

樓主唔好諗住，唔幫垃圾阿哥，比少少錢老母就冇問題
舊錢一樣會去左垃圾阿哥度

我係過來人on9過，而家一蚊都唔比，一年見一兩次老母食個飯就算，其他親人完全唔聯絡
自己活得更自由

"始於屋企人" 呢句唔係大哂
當初點解會關係差搞到佢自立 可能屋企本身衰
佢仲要話"由細到大屋企對我都係放養，冇支援亦冇裁培"
我就覺得唔好開始幫 一幫可能好大鑊 分分鐘佢哥爭人好多錢

永遠記住pay yourself first

「我哋知道成家人都可能係長期負累時，當堂覺得保持下距離好啲」，絕對支持，講到錢銀真係幾親都冇情講，放養咗咁耐，冇理由突然間要畀成家人拖後腳，你叫佢哋問銀行借錢又好乜都好，總之一定唔好自己攬上身，真係會好辛苦。
利申：半個過來人

點先為知冇投資冇裁培先 你係咪中三就半工讀 自己出黎做野一毫子都唔攞先

言談間，阿媽知我生活過得好，喺度暗示下要接濟下屋企，同姪女補下習咁

佢講得出呢句就知唔好搵番佢哋
接濟咪即係要錢 仲要你就算俾錢啊媽，佢都肯定會俾你阿哥

情緒勒索