414 Like
6 Dislike
我唔要聽到有聲
2017-05-14 02:44:49
夜啲出... 真係咁夜既
一七三二
2017-05-14 02:47:33
夜啲出,夜到凌晨三點都未有
呢點同墨巴好似
果然係黑巴既朋友
花名已使用
2017-05-14 02:47:55
幸運兒
2017-05-14 02:50:03
我信樓主唔係墨巴本人
係呢,墨巴個fd,你覺得墨巴啲故仔點呀?可唔可以比下評語
nice
隔牆有耳
2017-05-14 02:50:30
留名
幸運兒
2017-05-14 03:08:38
「波都唔識打先生,繼續讓俾你發球。」阿宏對住我微笑,再次拋個羽毛球俾我。
我定一定神,拋起羽毛球就揮打向對面。
阿宏亦都上前輕易揮打返羽毛球向我個邊,我揮拍還擊,久而久之我哋雙方步伐開始變大,移動速度亦都變快。
估唔到‧‧‧幾有挑戰。
一直打落去,阿宏臉色就由輕鬆漸變緊張,在場嘅人都睇得出佢正喺到同我苦戰。
或者人類唯一可以贏到死神嘅事情,就係由佢哋制定落嚟嘅比賽。
直到交戰三十多球後,我搵到破綻位置後立即揮打過去,阿宏卻突然雙眼一銳,以狂快嘅步姿衝向前方跳起使出殺球!
「二比零‧‧‧!」身為評判嘅老師都因為佢依一記而吃驚‧‧‧‧‧‧
因為剛才阿宏喺短短幾秒反應完後,就立即上前去迎擋我本來嘅一擊,完全係強行推郁自己隻腳去反應,一瞬間發力搞到強行拉傷咗,亦正正因為咁,佢撳住隻腳好似有啲痛咁。
「‧‧‧阿仔?」阿宏父親見自己個仔神色唔對路。
「老豆‧‧‧‧‧‧唔洗阻止我。」阿宏咬牙切齒,望住我。
零波少女
2017-05-14 03:11:40
好啦,我可以去瞓喇
熊貓蘿蔔
2017-05-14 03:13:44
支持下墨巴
你啲故真係個個高質
HKU紋身妹
2017-05-14 03:14:07
好正啊
邊緣中的邊緣人
2017-05-14 03:18:47
終於出 可以瞓
巴打辛苦啦
滑蛋豬仔飯
2017-05-14 03:19:29
post 2 留名
一千個牛頓
2017-05-14 03:26:52
今次佢老豆又要點
馬百娘
2017-05-14 03:28:30
lm
幸運兒
2017-05-14 03:30:19
「但係隻腳好似好痛咁喎‧‧‧‧‧‧」佢地中海嘅老豆再問。
「連自己最愛嘅嘢都受到挑戰,仲算咩英雄好漢‧‧‧!」阿宏對佢老豆講出一句。
「‧‧‧‧‧‧講得好!」佢老豆好似受到自己個仔鼓勵咁。
「咁我開始認真。」我執起地上個羽毛球,轉頭望住阿宏。
阿宏不是味兒咁盯咗我一眼。
比賽又再開始,只要我再輸多一球就玩完。
之後嘅交戰當中,我都明顯佔上風,因為佢隻腳似乎已經唔似一開始快捷,而且有啲疲態,而我嘅體力係無窮無盡。
所以交戰過幾百球後,我都已經追返分數,依家二比二。在場圍觀嘅人越嚟越多,包括個一嗰‧‧‧‧‧‧即將自殺嘅人
「最後一球。」我起球,將羽毛球打過去。
阿宏立即上前還擊,我只係有啲唔明‧‧‧‧‧‧
點解佢要死撐?
明明外場人都睇得出,佢隻腳已經因為剛才接我個球而受咗傷,不過到依一刻都不斷發力,到底係咪搵自己笨。
羽毛球嘅交戰過程中,我搵唔出答案。
「啊!」阿宏終於辛苦都怪叫咗一聲嚟喘氣。
「咁努力,為乜。」我上前使出殺球,跳起一刻以居高臨下姿態凝視住低下嘅佢:「你贏咗都唔得到任何嘢。」
「呀!!」阿宏又怪叫一聲,上前雙腳彎曲,擋住我一球!打返過去!
亦都因為咁,佢隻左腳即刻抽搐,佢痛楚嘅表情在場所有人有眼得見。
人類,真係奇怪嘅生物。
你哋就係咁永不言敗?如果係咁,點解仲要自殺。
因為絕望到‧‧‧覺得自己反擊嘅力氣都冇?
最後,我將羽毛球打向一個相較比阿宏遠嘅位置,原本諗住抽筋嘅佢已經跑唔到個嗰位‧‧‧點不知,佢竟然單腳一跳一跳咁過去,再一個飛撲、伸手揮拍!成功將羽毛球打返過嚟‧‧‧‧‧‧
望到依一幕,我愣咗一秒。
然後‧‧‧
我選擇咗垂低隻手。
而羽毛球就係咁,喺我身邊擦身而過落到場上,得分。
「三比二!宏同學贏!」老師宣佈。
「哈‧‧‧哈‧‧‧‧‧‧哈哈哈!我贏咗啊!贏咗呀!」仆喺地上嘅阿宏好開心咁大叫。
現場亦傳嚟一片短暫嘅拍手歡呼聲。
「哈,死神‧‧‧輸咗喎。」阿敏深深咁望住我、凝視住我。
「係啊。」我默默揚起嘴角:「輸咗。」
會長島耕作
2017-05-14 03:42:05
比人讓得咁明顯有咩值得高興
幸運兒
2017-05-14 03:42:13
「啍,真係弱~~」阿敏刻意斜視住我,不過嘴角帶有淺澀嘅笑意。
「你要接觸嘅人,已經到咗。」我雙手插返入袋。
「‧‧‧邊到?」
「坐輪椅,啱啱一直睇我哋比賽。」我望住禮堂遠處,一個坐住輪椅嘅男仔。
「佢‧‧‧有殘疾‧‧‧」阿敏望住佢。
「唔。」
「哈佬。」阿敏主動行過去。
個嗰男仔相貌一般,但五觀尚算端正,只不過係雙腳殘疾。
出奇地,以往殘疾嘅自殺者往往比健全者少,今日終於可以睇下殘疾嘅人點自殺?
「‧‧‧Hi。」個男仔同佢打聲招呼。
「我係呢家學校嘅學生啊,你係咪想參觀?」阿敏問。
「嗯‧‧‧不過我自己周圍睇下就得‧‧‧唔洗麻煩你‧‧‧唔該。」個男仔回答時唔會望返人哋視線。
「唔緊要。」
個男仔離開禮堂之前,偷偷抬頭望咗阿敏一眼,就開住輪椅車離開‧‧‧‧‧‧
會長島耕作
2017-05-14 03:42:22
會長島耕作
2017-05-14 03:43:15
哈爾移動吾到
2017-05-14 03:43:29
yeahhhh lived
一七三二
2017-05-14 03:46:13
「啍,真係弱~~」阿敏刻意斜視住我,不過嘴角帶有淺澀嘅笑意。
「你要接觸嘅人,已經到咗。」我雙手插返入袋。
「‧‧‧邊到?」
「坐輪椅,啱啱一直睇我哋比賽。」我望住禮堂遠處,一個坐住輪椅嘅男仔。
「佢‧‧‧有殘疾‧‧‧」阿敏望住佢。
「唔。」
「哈佬。」阿敏主動行過去。
個嗰男仔相貌一般,但五觀尚算端正,只不過係雙腳殘疾。
出奇地,以往殘疾嘅自殺者往往比健全者少,今日終於可以睇下殘疾嘅人點自殺?
「‧‧‧Hi。」個男仔同佢打聲招呼。
「我係呢家學校嘅學生啊,你係咪想參觀?」阿敏問。
「嗯‧‧‧不過我自己周圍睇下就得‧‧‧唔洗麻煩你‧‧‧唔該。」個男仔回答時唔會望返人哋視線。
「唔緊要。」
個男仔離開禮堂之前,偷偷抬頭望咗阿敏一眼,就開住輪椅車離開‧‧‧‧‧‧
墨巴專用既啍字,好有親切感
一個人想著一個人
2017-05-14 03:52:44
Live
新手上陣
2017-05-14 04:21:35
Lm