幸運兒
2017-05-25 00:18:22
我默默抱住雙手,企喺門邊望住阿敏。
「其實‧‧‧我唔係太鐘意我阿媽。」阿敏望住天花板諗咗諗:「我細個呢,喺街喎,同阿媽出街‧‧‧咁就見到啲鋪頭嘅玩具好正啦好想買,咁細路就係會賴死唔走架啦,咁個陣我阿媽就罵咗我一陣,直頭仲話唔要我‧‧‧」
阿敏望住自己對手、腳、身體:「之後佢可能嬲得濟?就跑走咗唔要我,我當然即刻喊住咁追佢啦,一直追一直追,追到最後終於比架貨車撞到~就入咗醫院。」
原來阿敏係因為咁而撞車。
「之後呢,我喺醫院過咗好一段日子先醒番,模糊個陣我喺病床上面聽到,我阿媽對老豆講嘅說話‧‧‧佢話:『真係麻煩‧‧‧點會咁都撞到車‧‧‧叫咗佢唔好周圍走‧‧‧‧‧‧』,我個陣真係好想喊。」阿敏嘆咗口氣,講:「搞到,我都唔知自己到底係因為佢先撞車,定係因為自己周圍走先撞車。」
阿敏走到玻璃鏡前,解一解馬尾髮:「點都好,由個日開始‧‧‧我就覺得成個家都好假。
阿敏見到過咗一陣間房仲係冇反應,就嘆咗口氣:「睇嚟你真係唔喺到‧‧‧」之後,就上床訓覺。