我係死神，專門審判自殺嘅人(2)

文呀

好sweet

可唔可以唔好sad ending

我啲故結局向來好開心

阿敏最後死左喎

成班傻仔，阿敏死咗咪好囉
可以同死神一齊

我都係咁話 但咪好似同上一篇有衝突囉

不會衝突 但你要睇埋後面先知

好呀 快D出門

死神會唔會又幫手逆天

見到自己鐘意嘅人開心，自己唔係應該都係開心？

傻的嗎？有人送花俾你條女佢好開心，唔通你會一齊開心咩

見到自己鐘意嘅人開心，自己唔係應該都係開心？

傻的嗎？有人送花俾你條女佢好開心，唔通你會一齊開心咩

見到自己鐘意嘅人開心，自己唔係應該都係開心？

傻的嗎？有人送花俾你條女佢好開心，唔通你會一齊開心咩

你真係中意嗰個人就會佢開心你都開心

見到自己鐘意嘅人開心，自己唔係應該都係開心？

傻的嗎？有人送花俾你條女佢好開心，唔通你會一齊開心咩

你真係中意嗰個人就會佢開心你都開心

只係自己呃自己

文啊

Sweet到爛 啊敏會唔會覺得啊一係死神先咁鍾意佢

一陣再出

一陣再出

差唔多爆po

「喂，阿輝，做咩又眼甘甘望住阿敏啊，鐘意人啊？」陳文輝隔離一個男同學特登大聲講大聲笑。


補習社放學之後，陳文輝就偷偷一直跟住阿敏。而阿敏喺等紅綠燈個陣，舉起咗手上紮花輕輕聞一聞後，就展現咗花一般嘅笑容。但見到依幕嘅陳文輝‧‧‧個樣不憤又悲痛咁不斷握實拳頭、咬實牙齒。


及後陳文輝就跟到阿敏，跟到樓下先自己返屋企，自己一個搭地鐵返去。陳文輝佢住喺天水圍嘅公屋，佢每日咁好毅力由世界另一邊，搭兩小時地鐵去補習社都幾好嘢。


陳文輝佢一入到屋企就先托一托副黑框眼鏡，然後去廚房拎啲冷菜冷飯嚟食。


而我，就喺佢屋企繞行一周。


直到我行入佢間房，先俾眼前嘅畫面震撼咗。


成間房嘅牆身，有八成都係貼住佢之前偷影阿敏嘅相，不過佢全部相都列印哂出嚟，然後當海報咁貼喺牆上。其中有一張係之前佢哋去南生圍，佢影到阿敏一張充滿笑容嘅相，更加用大相架框起。

佢部電腦就更加精彩，成個桌面都係一系列文件夾，包括阿敏去任何地方、著唔同衫、做唔同嘢，陳文輝都秘密偷偷跟蹤住佢。


阿敏一直俾緊個變態佬監視住啊。


到底要對一個人有幾深入嘅迷戀先會痴成咁？

陳文輝好快返入房，每日浪費四小時地鐵車程來回嘅佢，辛苦咁攤喺張床上，望住牆上其中一張相嘅阿敏。


「我幾時先可以同你起埋一齊‧‧‧‧‧‧」陳文輝對住張相喃喃咁講。


突然，陳文輝好似諗到啲咩，而甜甜咁笑一笑，拎部手機出嚟用１３３打俾阿敏。


「喂？」另一邊廂，阿敏接咗來電。


陳文輝聽到佢把聲之後即刻掩住把口，好似極之開心。


「喂‧‧‧？」阿敏又問。


陳文輝突然以嘴唇整個親吻形狀，然後「啜」一聲，就即刻收線。


「‧‧‧」我都唔知點樣去評價佢嘅行為。

嘩屌
癡撚線毒撚

唔准殺阿敏