個一朝,詹士原本應該喺屋企燒炭自殺死亡個一日,我好早就離開阿敏間房,去到詹士屋企。
「死神‧‧‧早晨。」阿敏如常起床同我打聲招呼,打個呵欠:「咦,人呢?」
雖然好遺憾,但我會幫你行番正確嘅道路。
本來係應該屬於你嘅道路。
「‧‧‧」沉睡嘅詹士喺我一嚟到後,就好似發到惡夢咁嚇醒咗:「呼‧‧‧‧‧‧好彩只係發夢‧‧‧痴線‧‧‧‧‧‧無啦啦又會發到吊頸夢嘅‧‧‧」
「終於醒咗?」企喺一邊,背靠衣櫃嘅我斜視住佢。
「哇‧‧‧‧‧‧!!你邊個啊!!!」詹士嚇咗一大跳,可惜雙腳殘廢嘅佢唔能夠大跳大跑,只能用上半身爬到床嘅角落。
「唔需要驚,」我望住佢雙眸,內心嘅靈魂:「我嚟只係引領你行番正確嘅道路。」
「你‧‧‧你‧‧‧‧‧‧」
「我係死神。」