［殭屍/鬼怪/打鬥］《噬魂》我由古惑仔變左做現代道士 03

好完又唔pin

40頁啦 ！！！！！恭喜大家

就結局啦

死啦睇嚟係我唔明啦

置頂

今晚8:30大結局

打好未

咁快爛

差少少

倒數5分鐘啦

文呢

比多5分鐘我！！

呃左我入黎等

「係，或者我同你一樣....都係一隻怪物」

我停下攻擊，帶點落寂的說

「啱啊...我地係同類～」段天逐漸露出笑容

「係，的確係」我點頭

「咁我地....」段天剛開口想說話

「但我...想做一隻孤獨嘅怪物」我皺著眉頭說

「呃？！」段天感到不妙，但已太遲了

咔咯！！

呠吱！！血肉飛濺

我提腿把他的頭踩爆了，但我還不確定他是否已死透

「定！」我劃出結界把段天的身體包住

「滅！」

結界開始壓縮，把段天的身體壓得扭曲變形

咔咯....啪嘞...嘶...身體變形，骨骼不斷被扭斷，骨折此起彼落

最終，段天在結界的壓縮下，身體炸裂了，結界內瞬間血肉模糊，直至結界完全消失

一代魔王...段天，終於死在我手上，世界也得以和平，只是...背後背負著多少人的血與汗，世人不會知道....

不知道有幾個人為了這個世界曾經拼了命的戰鬥過，我一步一步走著，走到同伴的屍體旁邊

首先是，九叔....

我敬重的師父，一個及時出現拯救我的人，亦是改變我生命的人，沒有他，可能我活不到現在，我把他的屍體扛到肩膀上

下一個，啊武

一個從初中就陪著我長大的好兄弟，一路走來經歷了大大小小不同的戰役，出生入死，是一個可以絕對信賴的人，即使將生命交給他也不會害怕

同樣，我也將他的屍體扛到另一邊的肩膀上

接著是，十方

一個我在靈幻世界路上第一個年齡相若的伙伴，靈力潛力極大的修術者，若不是他可能啊武就不能從控鬼變回人，在不少事情都幫了我很大忙

最後是，陳鯨

是最後才加入我們的一人，但法力高強，在對付羅東和段天時都不遺餘力，為我們爭取到不少時間，也看得出是一個重情重義的人

我把他們都抱在身上，我務必要將他們帶離這裏，要帶他們回到無極門好好安葬

「我地返屋企啦....」我落寂的說

然後就一步一步走回去，這時天空下起雨來

雨水灑下，滴滴答答

正好為我們沖洗掉身上的血跡

沿路走著，路上的低等殭屍都沒有過來煩擾我，看我的眼神都帶著畏懼，應該是因爲我是段天直接咬的，血統來計，我比他們高出好多班

幾經辛苦....我終於回到無極門門前

「返到啦....」

我用腳撐開大門，一步一步走到中庭，英叔果然正在等我們，但結果應該會令他感到絕望

「你地返嚟啦？！」英叔看到我的身影後，馬上將輪椅駛來，輪椅還差點被碎石絆倒

「對唔住....」我跪在地上，忍不住了，眼淚瞬間傾瀉而出

「做咩喊啊？！」英叔本能的問我

但他近距離多看一眼，看到他們的屍體後，沉默了

「........」

「對唔住！！係我冇用！！保護唔到佢地.....」我向著英叔一邊哭一邊叩頭，把額頭都撞出血來，情緒都爆發出來

英叔自己也眼泛淚光，他用雙手擦去淚光後，前來抱著我

「傻仔...唔關你事，唔好怪自己...你已經做得好好」英叔安慰著我

「唔係啊！！我可以保護到佢地㗎！！我應該保護佢地㗎！！」我的情緒依然激動

「唔好再將所有野攬曬上身啦！你唔係神啊！決定唔到一切㗎！盡咗力就得啦，你咁樣，佢地會開心咩？！」英叔捉著我的肩膀，盯著我看

「但係....」

「冇但係！！你想佢地走得安樂啲嘅就振作啲！」

「.....好」我默默點頭

這時我看到英叔用了一個奇異的眼神看一看我，但只維持了一秒，我也不確定自己有沒有看錯，所以就沒太為意

我將九叔他們的屍體安葬到無極門的後院裏，更在上面埋下了種子

種子可以生長出植物，他們成為植物的養分，植物生長後就會散播種子，種子再生長出植物，這樣就好像他們永遠都沒離開過這世界一樣，他們意志將永不會磨滅

安葬好他們後，我走到無極門的神壇前，跪下，跟無極門歷代掌門以及三清天師說了一段話

.............

之後我就回到房間休息，但腦海裏還是不斷閃過他們被段天殺害的影像.....

坐了一晚，直至天快亮時，我才出現一點睡意，但才剛閉上眼，我就感覺到有人推開了我的房門，當然我知道推門的是英叔，所以我沒馬上張開眼，而我想我也大概知道英叔想要做什麼了

昨天晚上，英叔的確用奇異的眼光看我，我沒看錯，是因為我因叩頭而撞破的傷口，瞬間癒合了，英叔就此發現我已變了殭屍

所以....

英叔手執一支箭，箭上貼了一張符紙，他正猶豫要不要動手，心裏在交戰

嗖！！！

我主動出手，將英叔的箭插到自己的心臟

「𡃁仔？！！」英叔震驚

「哈...」明明我即將會死，但我卻感到無比的輕鬆，由心裏笑了出來

「𡃁仔！！點解？？」英叔被嚇到說話都不清楚了

「英叔...你係應該出手㗎...我亦都多謝你打算出手，幫我解脫」

「傻仔....」英叔心裏充滿內疚

「我依家好開心...成個人好輕鬆，好耐冇試過啦....」我的視線開始模糊，泛起白光

「你地一個二個都走曬，掉低我依個跛佬....咁樣好咩？」英叔捉著我的手

「唔會㗎...」我說

「點解啊？」

「我同無極門歷代掌門同三清天師提咗個請求.....如果真係再有一個新輪迴嘅話，我希望係將今生輪迴一次，比多一次機會我再次認識今世嘅你地.....」

「你真係....」英叔的淚都流下了

「我知...我地一定會再見㗎.....」視線變得漆黑，我閉了眼.....


...............


大家好，我叫陳天航，今年二十四歲

是一個辦公室助理，每日做著重複又重複的工作，簡單來說就是上班、被上司罵、加班、下班，回家睡覺

日復一日，永無變化

但直至今日，人生好像出現了一個微妙的改變

「啊航，你又加班啊？」同事問我

「係啊....搞唔掂啊...」我垂頭喪氣的說

「唉...咁你加油啦，我走啦」同事轉身離去

「好，聽日見」

凌晨十二點.....

我終於做完手上的工作，離開公司

「唉....又搞到咁夜，聽日又一早返工....」

我實在太累了，所以選擇了走一條比較燈光比較暗，人流比較少的後巷，但當我一走到轉角位就聽到打鬥的聲音，我戰戰兢兢的探頭出去

是一名女子正跟兩名男子在打鬥

「喂！你地做咩啊！！」我的正義感不容這事發生，所以我走出去阻止他們欺負那女生

「你快啲走！！」那女子卻叫我離開

「放心啊小姐！！有我係到冇事㗎！」我大聲的說

那女子被其中一男子打傷，飛撲向我，我立即將她扶住

「都話叫你走咯！」那女子一臉嫌棄的看著我

「小心！！」我轉身，擋住衝來的男子

但嚇了我一跳，那男子嘴裏長著兩隻長長的牙齒

「捉實佢！！」女子大叫

「呃....好！！」我馬上抱緊那男子

女子揮劍，一劍刺向男子的心臟

「喂？！你做咩殺人？！」

但那男子卻突然化成了灰燼，我整個人呆住了

女子突然拉我一下，把我拉倒在地，然後再跳起揮劍，把另一名男子也殺了，同樣，那男子也化為了灰燼

「呃....佢地點解....會」我被嚇得不輕

「唉...麻煩....」女子依然是一臉嫌棄

「佢地....」我再問

「殭屍」女子回答

「殭屍？！拍戲咩！！」我不信

「咁你唔信都冇辦法」女子縮一縮膊，然後就轉身離去

「喂！！」我嘗試叫住她

但她沒回頭，只飛出一張卡片給我

「有咩就搵我啦」她說

我接住那卡片一看，卡片上寫著

「

東道驅魔有限公司

驅魔顧問：葉靈

電話：2397 1117

」

「葉靈.....」這名字.....

終於完 咁段天會唔會再出現

對唔住大家遲咗少少，真係打唔切

但終於打完啦！！！

我係依到多謝一直睇到依到嘅大家！真係好多謝你地

原來我真係冇諗過會有人中意睇，只係打算寫出嚟，完咗自己心願，但每日見到你地留言，真係好開心，亦都冇諗到會嚟到post 3先完到個故

我知道依個故仔有好多不足嘅地方，所以我更加多謝一直睇落去嘅你地

或者你地未必會中意依個結局，什至覺得個結局爛尾，而其實我心裏面都有好幾個唔同版本嘅結局，但我覺得咁樣係對主角們最好嘅安排

好多伏筆會係第二季解釋同帶出！

我之後會繼續努力寫好啲，希望到時你地會繼續支持我！！

到時就知啦

不如講下第二季幾時開始

［打鬥/靈幻/鬼怪］《噬魂》我由古惑仔變咗做現代道士 04
https://lih.kg/2508078
- 分享自 LIHKG 討論區

去新post講～冇位啦

可能一、兩個星期後休息一下，整理好劇情就會開始寫㗎啦！