［殭屍/鬼怪/打鬥］《噬魂》我由古惑仔變左做現代道士 03

係啊，準備接返第一集啦
劇情係點就唔講啦～我講咗咪會劇透唔講得～

啊武跳出，揮出一套組合拳

「比返！」

嘭！！一記右勾拳，打在段天的臉上

「啊烈！」

啪！！一記左上勾拳，擊在肚皮上

「條命！！！」啊武愈說情緒愈激動，雙手把段天的頭向下拉，然後跳起提腿

呯！！一下飛膝，狠狠的擊在下巴

「我啊！！！！」
扭腰，右手向後拉弓，拳頭散發出金黃色的龍氣，紅龍亦環繞在啊武的手臂上，雙眼冒出雄雄烈火，手臂更出現了若隱若現的鱗片

轟隆！！！

這一拳...令整棟建築物，不是，應該是大地都震動了一下

而這也是準確地命中了段天的胸口，而且還穿過了段天的身體

「嗄...嗄...嗄...」用上全身力氣打出剛剛那一招的啊武，體力透支的攤軟在地上

「呃...啊....」一手仍然被畫龍戟刺住的段天，呆滯的看著自己破開的胸膛

十方見段天重傷至此，也拔出畫龍戟，把龍戟插在地上，然後走到啊武身邊

段天的手被放開後，整個人向後倒臥，再沒有一絲反應

「你點啊？」十方問啊武

「哈...嗄...未死得，不過冇曬力姐」啊武苦笑著說

「唔緊要啦，你搞掂咗佢啦」十方笑說，十方亦坐到地上，稍作休息

「終於都..殺到佢....」啊武帶點唏噓的說

「就係因為佢，個世界依家亂七八糟」十方
「啊！！」啊武慘叫

「仲犧牲咗啊烈同....師父」十方低下頭，落寞地說

啊武用雙手撐起自己，慢慢的坐起來，伸手搭著十方的肩膀

「啊烈同天玄叔會為我地而驕傲㗎」啊武試著安慰十方

「你安慰真係好渣」十方笑說

「唔係你想點姐！」啊武嫌棄的說

夜啲仲有

夜到第二日還未有.......

又瞓死咗啊！！！

又要剪

十方伸出拳頭，看著啊武，啊武也伸出手跟十方來了一個碰拳，

正身處結界上的九叔也探頭看看戰事發展得如何

「九叔，佢地搞掂咗？」我帶著希望的問

九叔沒有回答我，他看著段天的方向，看的瞇起雙眼，突然他緊皺一下眉頭

「小心！佢未死！！」九叔向十方他們呼叫

「？！」十方和啊武馬上看向段天的方向

「哈哈哈哈！！果然薑都係老嘅辣！」躺在地上的段天，也在這一刻大笑起來

他慢慢的站起來，對著九叔舉起姆指然後再望回啊武十方的方向

「九叔！！快啲！！」我緊張的說

九叔動作利索的拿著毛筆在我身上畫起了符咒，這就是我拜託九叔幫我的忙.....

時間回到我拜託九叔時...

「九叔...你可唔可以，幫埋我今次？」我問九叔

「嗯？」九叔疑惑的看着我

「有冇辦法可以幫我捱多陣？」我直接說出重點，我深知自己已沒什麼時候了，噬魂術的後遺症好快就會發作

「冇...」九叔心虛的說

「九叔...唔好呃我，我知道係有㗎」

「用咗你會死㗎！」九叔情緒有點起伏

「你應該知...我用咗噬魂術，同死都差唔遠啦」

「......」

「我求你啊九叔，就當幫埋我今次，應該都係最後一次啦」我苦苦哀求

「你......唉..」九叔搖搖頭

「即係有方法啦！」我笑說

「三清血字咒」九叔說出一個名字

「有咩用㗎」我問

「簡單嚟講，就係向三清天師借法力，然後用血係身上畫出特定嘅符咒」

「好！九叔咁你快啲幫我畫！」

「聽埋先，由於三清天師嘅法力係至極之力，凡人嘅身軀根本承受唔到，畫咗符之後，最多得一炷香嘅時間，一炷香嘅時間過咗借法嘅身軀亦都會油盡燈枯」

「我唔怕！九叔我求你！」我再次求

「唉....我上世一定欠你好多野，今世先搞成咁」九叔無奈的說

而我也知道他這樣說就是答應我了

依篇係琴晚嘅文今日個篇依家打

回到地面的情況

「呼～我都差啲以為自己會就咁死咗」段天低頭看自己胸口的傷口，心臟處破洞那地方並沒有心臟，是空空如也的

段天的傷口也迅速癒合了

「睇嚟，頭先幫我嗰個人唔簡單～」段天興奮的說

「有人幫你？」十方詫異的問

「頭先中咗九尾狐嘅毒咒～應該生不如死㗎啦，點知有個神秘人幫我！哈哈哈哈！連個天都想依個世界成為殭屍嘅世界」

段天比起剛剛更加瘋狂

「嘖....我冇曬力啦喎...」啊武無奈的說

「等我嚟！你休息下先」十方攔在啊武面前，他知道啊武的身體經已透支，硬撐下去也無補於事

「你一個人點頂得住啊？！」啊武緊張

「依個時候....唔得都要得㗎啦」十方苦笑

嗖！！

段天在毫秒之間出現在十方面前

「呃....」十方被段天的速度嚇呆了，站在原地一動不動

段天踏前一步，一拳上勾

濺！！

血液濺到啊武的面上

「十方！！」啊武激動的大叫

剛剛段天輕鬆的一拳就在十方的肚皮開了一個洞

「哈....又係肚」十方挖苦自己，上次在貨倉就被羅東從後打穿了肚皮，這次同樣也是肚

「到底你地明唔明，人類有幾咁不堪一擊 ，將所有人變曬殭屍先係唯一出路！！哈哈哈我距離成功就只差一步！」

段天攤開雙手，仰天大笑

「你做殭屍做得開心咩？」啊武邊問邊上前扶著十方

「點解唔開心～不老不死，永遠享受完美嘅身體」段天擺出自滿的姿態

「你唔會寂寞？唔會悶？冇朋友冇親情，唔敢愛唔敢仇」啊武繼續問

「我唔需要依啲」段天回答

「我地受傷有人扶有人關心，唔開心個陣有人陪，你呢？」啊武再說

「我話！我唔需要依啲野！」段天的情緒有著明顯的變化

打緊多段！唔打完唔返房，一返去就瞓著

直接趴係到訓

企係到都瞓得著

訓左就幫你剪一下

樓主有幾百條jer都唔夠用

「唔需要...定你冇咋？」虛弱的十方也出口

「收聲！！」段天憶起自己的過去

.....

五百年前的一條村莊裏..

一群小朋友正圍著玩耍，一個瘦弱的小孩慢慢走過去，他面上圍著一條圍巾

「又係你啊？好煩啊！都話唔侵你玩咯！」其中一個小朋友看到那瘦弱的小孩馬上想把他趕走

「係囉！日日係到煩！」

「走啦！！」

「行開啦！！」

其他的小孩都開始附和，看來他們已不是第一次趕走這瘦弱的小孩

「但....我真係好想玩」那小孩可憐的說

「我媽咪話唔可以同你玩㗎！佢話你塊面個啲都唔知會唔會傳染比我地」另一個小孩亦拒絕跟他玩

「唔會㗎！唔會㗎！我爸爸話我個啲叫肉瘤，唔會傳染㗎」那小孩馬上澄清

「我地唔好理佢啦！我地自己玩」

那群小孩又開始自顧自的玩起來

「.......」瘦弱的小孩走到一旁，失落的坐下

那小孩不是誰，正是少時的段天

「你好想同我地玩咩？」突然一名小孩走近段天，他看似是這群小孩的「首領」

「嗯！好想啊！」段天猛然點頭

「要我地同你玩都得，你過去搵舊石掉爛嗰間屋個窗」那小孩首領指一指不遠處的一間屋

「下....但....個間屋個屋主出名係好惡㗎喎...」段天害怕的說

「咁你咪唔好掉，我地唔同你玩咋嘛」小孩首領轉身

「唔好啊....我去...」段天拾起旁邊的一塊石頭，膽戰心驚的慢慢走到那屋前

深吸一口氣，掉出手上的石塊

啪！！

石頭擲到窗上，但段天的力氣不大，並沒有把窗戶擲破，但也成功吸引到那兇惡的屋主注意

「邊個搞破壞？！」屋主憤怒的衝出屋外

段天撒腿就跑，但小孩始終也快不大人，好快便被屋主捉住了，段天無助的望向那群小孩

但被只換來他們的嘲笑，最後段天被那屋主打了一身

唔洗剪

我冇幾百條不過夠長俾你地慢慢剪

段天滿身是傷的回到家中，他父親馬上關心他

「仔！！做咩啊？點解成身傷嘅」段天爸爸緊張的問

「嗯...我....我冇事，唔小心跌親咋」段天不想讓爸爸擔心，所以沒說真相

但其實段天爸爸仔也知道段天的狀況，因為也不是第一次發生這樣的事，但奈何自己貧窮，永遠鬥不過家景較富裕的，村內的人也不會幫忙發聲，只會助紂為虐

所以他們每次都只可以啞忍，段天爸爸抱緊段天在懷裏，流下了男兒淚

......

然後在段天十五歲時，他爸爸得了重病而又沒錢去醫治，村民也不願意伸出援手，最後段天爸爸就撐不住，離世了，只剩下段天一人獨自生活

「段天啊，節哀順變啦，有咩問題可以搵我地幫手㗎」村長在這時候才假惺惺的走過來安慰段天

「唔洗，咁多年嚟，你地都冇一個人出手幫過我地，你地唔需要係依個時候扮曬關心我地咁，因為你地好嘔心」段天眼框藏著一滴淚，沒有流下

因為他知道不值得為這幫人流一滴淚，父親也不會想段天再流淚

從那天開始，段天不再像以往那麼懦弱，開始鍛鍊自己的身體，性格也變得孤僻

段天選擇了去做一些最辛苦的工種，例如：碼頭的苦力、煤礦的礦工、鏢局的鏢師

愈辛苦的他愈要去做，把自己的身體鍛鍊得十分強壯，那麼別人就不敢再欺負他了

......

但一切也只是他的想像....事實並非他想像如此

夜啲一段