［殭屍/鬼怪/打鬥］《噬魂》我由古惑仔變左做現代道士 03

好！！

我們三人一同看著羅東化為灰燼，終於....解決了他

「死仔..嚇死我，仲以為你真係變節」我鬆一口氣

「咁睇我？」啊烈冷笑

「睇嚟你地好開心咁喎～」是段天的聲音

「由佢地囉，都唔開心都好耐啦」旁邊的是張天...

「雙天」同時出場了....真正的重頭戲要上映了

「唉～都係要總親自上陣」段天解開領呔，脫下西裝外套

「我就仲有後著啦，嘻！」張天看著我邪笑
，令我感到不祥的預兆

「媚娘，你好大膽，為咗佢而反我？」段天皺起眉

「Boss.....我....」媚娘馬上擺出膽怯的表情，手也震起來

「唔洗驚」啊烈捉著媚娘的手

「司徒一賢！我仲以為你今世會有咩出息～點知都係令我咁失望」段天著啊烈搖頭

「司徒一賢？」我問啊烈

「我前世嘅其中一個名」啊烈解釋

「姐係你前世已經見過佢？」我再問

「唔係我，係我地，我地幾個上一世已經同佢打過一場，不過...全部死曬」

啊烈說出從媚娘處聽回來的資訊，這消息令我十分震驚....

「全部...死曬...」我口中輕說

「係啊～就係全部死係我手上」段天笑說

「.......」我無語

「航，今日我地點都要拼戰到底」啊烈跟我說

「放心，你唔講都會」我說

「你地都放心，同樣嘅歷史經已重複咗四次！今日都唔會例外！」段天突然衝刺

我們二人戒備，舉手護前

嘭！！

段天撞到我們二人手臂上，不斷向後滑退，鞋底都磨出煙

段天張開雙手，把我們二人飛出開去

「呃...嘶...」無論飛撞到地面多少還是一樣那麼痛

段天走向啊烈，我正想上前助陣時，張天出現在我背後，用屍線拉著我，把我拉倒在地，再拖到他面前

「師侄，唔洗過去啦，我安排咗好戲比你啊，哈哈哈！」張天露出邪氣的表情

我想問點解阿烈可以逃脫到段天個印的？
不是可以用個印控制佢嗎？
其他人應該要現身吧？應該最後大戰了，不過點解我仲係覺得有好多野要講甘........

未講嘅，會留返下一季講依次結局只係故事嘅轉捩點

啊烈個血印依家會講

幾時下季

寫完今次個結局之後，諗好劇情大綱就會出

咁一邊諗結局一邊諗大綱
慶祝完故最多比你休文24個鐘啦

咁高難度

相信自己

不過都已經有啲諗法嘅

我往張天擲出爆破符，他馬上鬆開屍線騰出手畫個氣盾護前

「你又想做咩啊！」我問張天

「師侄，比啲禮貌，我點計都係你師伯」張天蹺起雙手

「我諗九叔都唔會想我認你依個所謂師伯」我鄙視的看著他

「唔緊要，啊九唔識教就等我幫佢教！」

張天的雙眼滲出藍光，雙手手指不斷在動，屍線延伸到半空中，不知他又打著什麼算盤

之後一身影在半空中出現，這身影最熟悉不過，但....不同的是她也不是我認識的她了

夢晞....

她也被張天製成控鬼了...

「晞...」我要跟夢晞作戰？...

「張天...你真係好卑鄙..」我狠狠盯著張天

我相信張天不把她練成控屍，是因為張天出現時夢晞經已墜樓身亡

張天扭動手指，控制夢晞來到我面前，夢晞是控鬼，控鬼的程度，我應該輕易能對付，但....

現在的她，臉上長滿了血絲，面色慘白，雙眼全黑，指甲長而鋒利身上還纏著一團血紅色的

「呼....夢晞...對唔住」我對著面無血色的夢晞說

「去！！」張天揮動雙手，扯動屍線

夢晞一個刺步，下而上揮爪，我後跳一步，躲開

其實夢晞的動作絕對不快，而且破綻百出，但我就是不忍下手

「晞啊....」我無奈的看著夢晞

夢晞抬頭，用純黑的雙眼跟我對望，她沒猶豫，再次向我攻擊

看看啊烈那邊的情況

「你覺得自己可以打贏我？」段天問啊烈

「已經唔係打唔打得贏嘅問題，係如果我唔鬥到最後嘅話，對唔住自己，更加對唔住我班兄弟」啊烈握著鎚斧，轉動手腕，堅定的看著段天

都係夜啲加多段

好感動

竟然一晚有兩篇文

睇完都係唔太開心 …

點解啊

因為比平時短咗少少

「媚娘你呢？有冇野要同我講啊～」段天轉向望著媚娘

「對...對唔到，Boss」媚娘膽怯的低頭說

「哈～對唔住！！」段天突然出手

紫色的屍氣直擊往媚娘，啊烈衝到面前為媚娘擋住，啊烈雙手一揮，把屍氣給打散了

「果然我咬嘅係唔同啲」段天看似欣慰的點頭

「冇事啊嘛？」啊烈回頭問媚娘

「冇事啊」媚娘感到幸福的笑著

「你有冇搞錯啊！媚娘話曬跟住你咁多年！你講都唔講就出手！」啊烈罵向段天

「唔忠心嘅狗，我留嚟做咩～？」段天攤開手

「仆街！」啊烈衝前開戰

啊烈變了殭屍，血液不同了，當血抽到鎚斧後，鎚斧的反應極大，產生強裂震動

啊烈衝到段天面前，跟段天差一點就面貼面，由下向上揮，段天不慌不忙的蹲下，在毫秒之差避開了攻擊

啊烈驚訝，馬上轉向攻擊，沉馬，轉變重心，將揮出的鎚斧收回，下揮，段天用手按地，用力一推，把自己推離了啊烈的攻擊範圍

啊烈轉身再追，但當他起步時，段天又突然出現在他的面前，啊烈想後退，但已來不及，段天一記重拳，狠狠的打在啊烈肚皮

「呃....」啊烈後退

深呼吸！再上，啊烈抬起頭，揮斧！

而此時，段天舉起手

「好啦，遊戲玩夠啦」段天握緊拳頭

「啊！！！」啊烈額頭上的血印發出了紅光

啊烈的身體被無數股無形的力量壓制住，動彈不得，而且十分痛苦

「啊！！段天！！」啊烈大叫

有文，推一推先.....

2篇正皮

啊 ！！！！樓豬 ！！！！

啊！！！咩事！！！

啊烈咬緊牙關，抗衡著血印的壓制，一步一步行近段天

「我...唔會！再！輸比你！！」啊烈口中流出鮮血，應該不是流，是湧出

「烈...唔好啊，咁樣你會死㗎」媚娘在旁不知所措的勸著啊烈

「就算..死，我都要...拉埋佢落地獄」啊烈仍在奮力向前

「唔錯啊～好強嘅鬥志」話畢，段天彈動了一下手指

「啊！！！！」啊烈痛苦的躺在地上打滾

「烈！你點啊？！」媚娘上前扶住啊烈

「我個頭！好痛！！啊！」啊烈雙手按著頭，雙眼都開始通紅，青筋暴起

「Boss！！我求下你放過佢啊！我求你啊！！」媚娘跪在地上向段天求饒

「放過佢？佢依家想殺我喎～點放啊」段天再次彈動手指

「嗚啊！！！呃！！」啊烈的皮膚開始有點溶化的蹟象，七孔也在流血

「Boss！！唔好啊！！」媚娘捉著段天的腿，拼命為啊烈求饒

段天放下手，看著媚娘，啊烈倒臥在地

「你想我放過佢？」段天蹲下問跪在地的媚娘

「係啊！！Boss！！我求你啊！！就當係我跟你咁多年第一次嘅要求啊！！」媚娘捉著段天的手，哭泣起來

「媚娘啊～你睇下你....嘖嘖嘖，點解會咁㗎」段天為媚娘擦去眼淚

「Boss....一賢...佢係我面前死過好多次...我唔想再咁」媚娘哭著搖頭

媚娘怎麼說始終是一個女人，也有脆弱的一面，她親眼看着自己深愛的人在面前這麼死去這麼多次，的確不是什麼好受的事情，崩潰也是人之常情

「好～媚娘，我應承你」段天撫摸媚娘的頭髮

「真係？！多謝Boss！！」媚娘破涕為笑，滿臉感激的看著段天

「我應承你，會係最後一次！！」段天突然運氣提掌，揮向媚娘的頭頂

「Boss？！」媚娘想不到段天會對自己出手

「再見」段天的臉變得嚴肅，但好快又轉為驚訝

「嗄...啊烈...」媚娘呆住了

原來是啊烈再次擋在了媚娘面前...段天剛剛的那一掌打了在啊烈後腦上

這一掌，啊烈全身的經脈盡斷，雙眼瞪大，段天的內力直達啊烈的心山，使心臟不斷充血膨脹

「睇嚟我地...又要...下世見啦」啊烈淡淡一笑，身體向前傾，頭靠着媚娘的肩膀上

「你做咩咁傻啊...」媚娘哭中帶笑的抱著啊烈

「男人..應該做嘅」啊烈笑說

「傻佬....」媚娘緊緊的抱著啊烈

這一刻，他們的世界就只有他們二人，段天不知為何沒再出手，只站在一旁看著他們二人

而在另一旁的我因顧著避開夢晞的狙擊，所以現在才發現不妥

「烈！！」我想走往啊烈方向

張天馬上造出阻攔，他控制夢晞站到我面前

「你諗住去邊啊！問咗我未？！哈哈哈」

「張天！！你唔好阻住我！！」我仇視張天

「你覺得我會聽你講？」張天笑說

他拉動屍線，控制夢晞逼近我，我也是大意了，本以為夢晞變成控鬼也不會有多強，畢竟她生前連一隻蟑螂都打不死，誰不知張天為了對付我，竟然灌入數十倍的邪氣，即是夢晞比平時的控鬼還要強上數十倍

而一直躲避的我也始終難免會受傷，但突然靈光一閃，我畫出一個結界把夢晞困住了

「定！結！」

雖然不能拖延很長時間，但能夠幫我擋得一秒得一秒，而張天都沒追上我

我終於跑到啊烈和媚娘的身旁

「烈....」我蹲下，看著啊烈

「兄弟....我走先啦，你唔好咁快落嚟啊」啊烈慘白的臉上，露出了一絲笑容

「放心，我一定會送條仆街落嚟陪你」我的視線遊走到段天的身上

段天亦在看著我，我們對視著

「媚娘...來生見...呃...」

啊烈說完這句後....就在我們面前化成灰燼

「烈.....」算上這次，感覺啊烈就好像在我面前死了兩次一樣，但結果我都是無法改變

「一賢！！烈....」媚娘不斷伸手想抓緊啊烈化成的灰燼，但奈何她愈大動作的揮手，灰燼就散得愈快....

「唔好啊....」媚娘雙手按在地上，眼淚不斷滴下