［殭屍/鬼怪/打鬥］《噬魂》我由古惑仔變左做現代道士 03

大家唔好忍啦 剪佢啦

咁又要剪？！

今晚夜啲

嚴重男女失衡囉...

好如果有下季，我一定寫返多啲女角

「記得上次係戰場你地已經咁講，真係咁似？」陳鯨問

「唔係似咁簡單....」九叔說

「直頭倒模咁」英叔接著說

「有冇相睇下啊？」陳鯨好奇一問

「冇喎，以前都唔興影...」英叔說到一半

九叔就從錢包內拿出了一張照片

「嗱，唯一一張」九叔把相片遞給了陳鯨

「嘩....真係一模一樣」看到照片後的十方說

而陳鯨看完照片也摸一摸自己的臉，懷疑自己的身分

「你幾時有張咁嘅相㗎？」英叔拿到照片後也很驚訝，因為這是他，張仁、九叔的合照

「一直都有，放咗係銀包好多年啦」九叔淡然的說

的確，相片的都有不少的破裂痕跡，也已泛黃，一看就知道是有一定歷史的東西了

「我都差啲唔記得我地有影過依張相啦....」感覺英叔說得有點慨嘆

「但鯨啊，我記得啊烈講過你係有一日見到一道白光閃過，就有依家嘅功力？」十方說

「嗯，係啊」陳鯨點頭

「一道白光....係幾時嘅事？」九叔突然皺起眉頭

「我十八歲生日個日，八年前左右啦」陳鯨說

「你今年二十六...啊仁今年應該三十八，佢十二歲死」

「一死一生....啱啱好」九叔的雙眼瞪大

「呃...姐係陳鯨係張仁轉世？」啊武問

「好有可能...」英叔感到不可思議

「......張仁」陳鯨再次拿到九叔的照片，若有所思

「你地可唔可以講多啲張仁嘅野比我聽？」陳鯨隔了一會後問

英叔九叔就輪流說出張仁的事，一小部分是我聽過的了，其他都是沒有聽九叔說過的，他們這樣一說才知道，張仁當年的潛力真的很強，以十二之齡就可以一人來回殭屍群無損而回

這一頓飯令大家都放鬆不少不多不少都令大家忘記了一些傷痛

「不如依家我地都影返幅相啊！」我提出建議

「做咩無啦啦影相啊？」十方問我

「襯依家都算齊人啦....襯仲有機會咁多人，咪留念下囉！到時曬出嚟都又可以放係九叔個銀包到」我笑說

「哦～！！原來講咁多都係想九叔將自己幅相攝係銀包姐！！」啊武大聲的說

「唔係啊....我...唉...」我被啊武突如其來的話搞到十分尷尬

「好啦，影咪影囉」九叔搖頭笑說

一陣多一段

「

「好！！啊武揸機！！」我跟十方合拍的說

「yeah！」我們跳起擊掌

「下？！咁我咪冇份入鏡囉！！點得啊！」啊武緊張的說

「佢地講笑咋！自拍咪得囉！」英叔無奈的笑說

「係喎！」啊武這才想到

「望鏡頭啦！！1！2！3！笑！」

咔嚓！

這是我們的第一張合照，但也不知道會不會是最後一張，如果我實行心中的想法，應該就會是最後一張了....

食完飯後

「英叔，我地有份禮物送比你啊」啊武做我們的代表跟英叔說，而我跟十方站在後面

「你班死仔，笑到咁，一定唔方好野啦」英叔皺起眉頭，縮起頸

「合埋眼先！」啊武笑說

「玩咩咁神秘啊」英叔一邊嫌棄但一邊卻閉起眼睛

我和十方從門外把「禮物」放到英叔面前

「可以開眼啦！」

噠～啦！

「英叔！我地送比你嘅！」

我們送給英叔的是一輛輪椅，是我們怕英叔生活不方便，故意離開無極門出外去找的

「你班死仔...」英叔被我們感動到眼泛淚光，他用手擦一擦眼角，再摸一摸輪椅

「你放心啊英叔，我地已經徹底消毒過同抹乾淨㗎啦！」

「好！好！」英叔開心的點著頭

「咁仲唔扶我過去？」英叔拍打啊武

「啊！係！」

啊武把英叔扶到輪椅

「點啊？張野舒唔舒服啊？」我們問

「嗯！舒服啊」英叔欣慰的點頭

「咁就好啦！」

搞掂

係咪想我地送比你 知你冇左第3隻腳

唔洗啦

之後我們再多聊天一會後把英叔送回房間休息，不久後他們也各自回到房間

我等到深夜時份確保他們都進入夢鄉後，拿好要用的武器和工具走到道館門外，拿出已很久沒抽過的香煙，吞雲吐霧著

其實我一早就從十方那學到如何瞬移到放下符咒的地方，所以我在上次離開段氏大樓時就已放下了一張符紙

「唉...」

「搞咩唉聲嘆氣啊」這聲音...是英叔

以往我一抽煙就是九叔出來跟我聊天，這次換作了英叔

「冇啊」我說，我用雙腿擋住工具袋

「仲話冇？心事重重咁款」英叔的眼看一看我腿後的袋，然後在我手上拿過了香煙盒，拿出一支抽起來

「呼...你個衰仔....今日食飯個陣我已經知你諗咩啦」英叔吐出一口白煙

「下？咩啊？」我眼上閃避的不直視英叔

「你諗住自己一個再去多次段氏大樓啊嘛」英叔一言道破我的想法

「呃....唔...唔係啊」我頓時變得「口窒窒」

「我知道我地依啲老野講咩都阻止唔到你地後生仔嘅諗法，加上依家我咁.....更加陪唔到你去癲」英叔帶點頹然的說

「唔好咁講啦英叔，依一年你已經幫咗我好多㗎啦」我說

「仲有一樣野....應該係我最後可以幫到你嘅」英叔把手上的煙頭彈走

「係咩啊？」我問

「比隻手我」英叔把手伸出

「做咩啊？」我把手放在英叔的手上

突然，英叔把我拉到跪在地上，一手捉住我的手，一手捉住我的頭

「英叔？！你做咩啊？」我想反抗，但英叔像用盡身體的力氣一樣，完全掙不開他的手

英叔五指扣著我的頭

「操天道、化兩儀，生陰陽、轉乾坤，物換星移，轉！」

英叔的身體散發出淡淡的白光，那道白光沿著英叔的手傳到我的身上

「啊....」身體感覺到一股暖流傳入，但同時卻有一種莫名的刺痛感侵襲全身

「忍多陣，好快！」英叔不斷冒汗，面色也變得蒼白

逢！！！

英叔的手終於放開了，他累的靠著輪椅喘氣，汗流浹背

「英叔！你點啊？到底你做咗咩啊？」我上前走到他旁邊，蹲下

「嗄....哈..依樣係我送比你嘅禮物」英叔欣慰的笑著

「下？係咩啊？」我依然不懂英叔做了什麼

「你試下運功」英叔笑著說

「下？哦....」我氣聚丹田，發力

一團猛烈的藍色火焰在我手上燃燒起來，我的內功好像不受控制的不斷揮發出體外，有種源源不斷的感覺

「點...點解會咁嘅？！」我驚訝的問英叔

「依家你身體入面有我依個老鬼幾十年嘅功力」英叔笑說

「英叔！！你做咩過曬啲功力比我啊？！咁你呢？！」

「我依家都咁啦，要啲功力嚟做咩啊」英叔看似淡然的說著，但明顯看得出來，他那種心酸

「但....」

「夠啦，你再講我就當你唔中意我份禮物㗎啦」英叔說

「呃....咁好啦」英叔說得這樣，我也只好接受

「嗱！死仔，你收得我依份禮物，英叔聽日就要見到你全身而回，知唔知道？」英叔說著說著就眼泛淚光

「嗯...我應承你，聽朝起身就見到我買早餐返嚟」我拍一拍英叔

「好」英叔點頭笑一笑

「咁我出發啦」我背起工具袋，出發

嗖！！！

一秒後，我就來到段氏大樓門外

「呼...今晚，一切都要嚟個了結啦」我眼神變得凌厲的看著大門

真係差唔多大結局啦

咁咪冇得再剪你

一定有機會嘅

男主那裡來的自信？自己一個可以搞得掂，上次甘多人都搞成甘，
真的只有主角光環而已，佢身上最多多個"英叔" 去咋........

其實男主唔係想贏，佢只係去做佢覺得佢應該要做嘅事

男主幾時再變大佬

就嚟㗎啦

真的就快完？我總是覺得好似仲有好多野未講的……
例如: 段天究道想做乜
其他人下場如何？
點解會有尼班疆屍出現
其實應該仲有好多野玩喎……例如某些角色去領便當......
我還記得好早之前佢地有個對頭在地獄死都返上來，表面好似想對付佢地
但其實另有目的，又話睇好男主，當然係男主第一次爆SEED 打敗佢的。
這些都可以講下喎......

有啲係我特登留伏筆嘅，因為其實我都仲有好多諗法未寫出嚟，所以應該會寫第二季，所以就留返啲野比下季解釋

又有得剪