［殭屍/鬼怪/打鬥］《噬魂》我由古惑仔變左做現代道士 03

「啊烈唔會怪我地㗎！走啦航！」唔武亦加入勸退我的行列

而羅東亦開始發動攻勢，他雙手一揮，兩團巨型屍氣向我們襲來

秦王突然出現在我們面前，為我們擋住了屍氣

「走！朕幫你地殿後」

「唔該你秦王！！」然後我背著九叔，啊武抱住英叔，十方陳鯨作掩護，逃離了現場

但這一次營救九叔的行動犧牲了啊烈....

在回程的路上大家都低著頭沒說話，一片死寂，我們在座幾個都跟啊烈出生入死過

我跟啊武就不用說了...

中一開始的三劍客；十方跟啊烈貨倉大戰羅東；啊武跟啊烈大闖無常異境；陳鯨跟啊烈去拯救洛兒母親；剛剛那一場大戰....等等的往事在各人心裏湧現

心裏不是滋味....而且也不知媚娘和羅東會對啊烈做什麼

幾經辛苦...終於帶九叔回到無極門，但英叔的情況又令人擔憂，而且他的雙腿還要是九叔斬斷的，不知道之後他們要怎樣面對大家，這又是一個問題

「陳鯨，係到休息夠先走啦，依到大把房，想住到幾時都得」十方主動跟陳鯨說

「嗯，唔該」陳鯨坐在一邊點點頭

把九叔英叔安置好後，十方陳鯨都回到房間，而我跟啊武就輪流照顧九叔英叔

九叔房間內

「多謝你，九叔，多謝你一次又一次咁救返我，冇你嘅話我一年前就死咗啦，我條命係你嘅」我坐在還處於昏迷狀態的九叔旁邊

「我應承你，我會殺咗段天同張天依兩條仆街」我繼續說，九叔的手指彈了一下

我跟段天本來就糾纏著新仇舊恨，他不找我，我也有很多怨要找他清算

這一晚是一個難捱的晚上，眼光光到天光，一點睡意都沒有

直至到明早清晨，我走到大廳，發現他們都坐在這裏

「大家....咁早」我說

「都冇瞓」大家的答案都一樣

「嗯，一樣」我也坐下

「唔個秦王點呢」啊武問起

「秦王有能力照顧自己，冇佢我地一早死曬係天玄叔手上」我說

「......」十方心裏難受

「對唔住...」我說出口才留意到十方的感受

「唔緊要...」十方揮揮手

「其實我琴晚諗咗一晚，點解係我地？」十方突然說

「下？」啊武不懂十方的意思

「點解個世界咁大，要係我地去拯救？而唔係其他人....」十方帶點頹喪的說

「其實一定有其他人叻過我地啊.....點解要將一個咁大嘅責任比我地背負...」十方雙手掩著面，嘆氣

「或者...真係有人叻過我地，但佢地到依家都唔出手，姐係佢係依個世界上冇野想保護，我地會出手，係因為我地心裏面有一樣野想守護！」

我不知道這算不算什麼大道理，但這是我心裏的想法

大家聽到我一番話後都默默的點頭

「好啦，我地唔好講啲咁頹廢嘅野啦，好好咁比自己休息下啦」啊武說

之後我去到英叔的房間

「英叔」我推門內進

「我冇事啊，你返出去啦！」英叔一看到我入來就轉身面向牆壁

似乎他還不想面對任何人

「英叔...你會唔會怪九叔？」我問他

「怪？有咩好怪姐，就算怪咁又點？可以生返對腳？」英叔感覺無奈

「......」

「對唔住」我思量一會後說

「無啦啦講咩對唔住？」英叔問

「如果九叔唔係因為要救我，佢就唔會變控鬼，佢唔變控鬼就唔會發展到今日咁」

「痴線，依個世界好多野都係整定嘅，天意，避都避唔到」英叔終於肯坐起來，但坐起的過程比較吃力，雙腳斷了只能靠雙手發力

出咗啦

「我依家嬲唔係嬲冇咗對腳....有幾閒姐，做我地依行，可以捱到咁嘅年紀都未死已經算好命㗎啦...」英叔帶點哽咽的說

「我係嬲自己接落嚟已經幫唔到你地，冇咗對腳上戰場同送死冇分別」

「英叔，你依個年紀係時候休息下啦，咪當退休嘆下世界」我強顏歡笑

「其實我有個諗法嘅....不過...」英叔欲言又止

「係咩啊？」我問他

「....等我再諗下先，你返出去啦」英叔再次躺下

「好....咁你有咩就叫我啦」我離開房間

踏！踏！踏！

「航！九叔醒咗啦！」啊武緊張的跑過來

「下！？」我馬上跑到九叔的房間，啊武他們在外等

推開門，九叔已坐在床邊，準備起來

「九叔！！你做咩咁快落床啊！！」我衝到他身邊

「我冇事」九叔簡單的說

「但你始終啱啱先醒返....」

「得啦，我坐多陣」九叔莫名的聽話

「呃..好啊」

「航啊，多謝你」九叔突然向我道謝

「下？！點解？！」我被嚇了一跳

「多謝你執意要救返我...」

「唔洗啦，我條命....」我截住九叔的話

「唔係，同埋多謝你令我有一個好徒弟」九叔拍一拍我的手

「呃...哈..你突然咁樣，我比唔到反應添」我一臉尷尬的摸後腦

「啊航，我依稀記得我做咗一好錯嘅事....話比我知，係咩事」

嚴肅的話題始終要來....

「係關係英叔嘅.....」我吞吞吐吐的說著

「講啦！！」

「你...斬斷咗英叔對腳....」我掙扎的說出真相

九叔聽到後馬上衝出房間，我亦馬上跟上

「做咩？！」在門外等著的他們問

都係睇住先！

唔夠喉

加速

還返對腳比英叔 唔係就留低小丁丁

又嚟？！

聽日應該放假啦

終於放假

開返支香檳

差唔多訓

都幾正
硬係都爭咁幾個
三兄弟聚少離多

缺陷令人生更完滿其實我到依家都糾結緊佢地三個嘅去向

只要係你寫嘅我地都會睇

好啊！多謝你咁支持！！

樓豬今晚仲有冇
洗唔洗幫你捋一捋？

打緊啦

「搵英叔！」

我們一起跑去英叔的房間

「張英！」九叔打開房門

九叔看到英叔的雙腿後跪在地上

「你做咩啊？！」英叔緊張的用雙手撐起來

「對唔住....」九叔雙手按在地

「你起身啦！」英叔爬到床邊

「對唔住啊....」這次九叔更叩起頭來

「九叔...」站在門外的我們不敢亂動

「喂！！」英叔爬出床，掉到地上

「停啦！」英叔爬到九叔面前

「你會唔會怪我？....」九叔的淚從眼角流下來，難得的感性

「有咩好怪....都幾十歲人啦，死又一世唔死又大半世」英叔淡然的笑說

「但係...」

「夠啦，前半世你都嬲足我十幾年，我地一世人兩兄弟，依家到我嬲返你十幾年，得唔得先？」英叔說

「得...」九叔也轉涕為笑，點點頭

「咁仲唔扶起我」英叔說

我們上前幫忙跟九叔一起扶起英叔回到床上

是晚，我們像無事一樣聚在大廳裏吃飯，大家像是忘記了世界已接近末日，忘記了啊烈的離去一樣

「快啲食啦！」啊武大快朵頤

「喂！你條死仔，掛住食！又話紅龍要你一命換一命嘅，點解冇事㗎？」十方問啊武

「一命換一命？」我從未聽過這事

「紅龍死咗啦」啊武邊食邊說

「下？！」我們都驚訝

「個日同九叔打下打下，突然紅龍拉我入意識界，一命換一命係佢條命換啊航條命」啊武放下碗筷

「等陣，係咪有啲野，我應該知但我冇知道呢？」我看著十方和啊武

啊武將事情的經過都一五一十的告訴我

「咩話？！你傻咗啊....咁你都肯」我聽完後簡直不敢相信

「我個陣冇諗咁多啊，淨係想救返你咋」啊武說

「好兄弟...」我心裏十分感動

「唔好話我，比著係啊烈都.....」啊武說到半停下了

「咳嗯...食野啦」英叔出聲

「好啊，大家食野啦」

而同樣坐在餐桌上的九叔就一直看著陳鯨

「係咪好似？」英叔也留意到九叔盯著陳鯨看

「一模一樣」九叔發了呆的看著陳鯨

「其實你望乜野？」陳鯨終於忍不住出聲了

「九叔覺得你同佢以前個徒弟一樣樣」我幫九叔說

全部比你殺晒

我應該冇咁殘忍嘅

d囡 俾你殺晒...

冇啊仲有媚娘同洛兒，如果你啱嘅仲有王婆