月牙
2021-03-19 20:42:35
我心裏的憤怒也像猛火般在焚燒,全身的真氣亦因為我的憤怒,真氣不斷湧出,令我整個人都變得熾熱
而我也很想哭,但奈何....
「節哀,但依家唔係喊嘅時候...」
我嚴肅的左右張望,段天和張天開始走近我們
「段...天....點解...」媚娘擦去臉上的眼淚,站了起來
「媚娘~你唔叫我做Boss啦?」段天說
「因為你已經唔值得我叫你做Boss,我欠你嘅恩,五百年嚟今日還清,淨低嘅...就係仇!!」
媚娘張開雙掌,利爪彈出,然而發生了一樣我猜不到的事情
「媚娘你...」我看著媚娘呆一呆
「好出奇?」媚娘的眼珠變成鮮黃色,而瞳孔像貓眼一樣,一片尖葉的形狀
最出奇的不是她的眼睛,是媚娘長出了九條雪白的尾巴,每條尾巴的末端都帶一點淺灰
「九尾狐?!」張天驚訝
「媚娘,你好耐冇現過真身啦喎」段天蹺起雙手說
「平時你叫我對付嘅人,用殭屍身份就可以處理,但,你唔可以」媚娘的九條尾巴不斷的在擺動
「段兄!你個手下係稀世珍品啊!」張天咽一咽口水,雙眼像發光一樣
「係啊,所以我咁多年都留佢係身邊,不過睇嚟依隻棋仔,今日要收返啦」
可看出,段天說這句話時帶著點失望
「不如你一陣唔好殺佢,留返比我改成傀儡啊!」張天滿臉期待
「唔得!」段天大聲的拒絕
「呃.....好好好!哈哈,咁就算啦」張天先是被嚇一嚇,之後就用尷尬的笑容帶過
「媚娘,你今日行得依條路就唔好後悔啊,依家仲返到轉頭」段天的態度比起剛剛變得嚴肅
「事到如今,返轉頭都再冇意義!」粉紫色的妖氣不斷在媚娘身上散出
怎樣也猜不到,媚娘原本居然是一隻九尾狐,後再變成殭屍,這麼特別的雙重身份,難怪她跟羅東的實力這麼懸殊,連張天都說她是「稀世珍品」