月牙
2021-03-03 23:00:22
「對住你,唔洗啦」十方擺好功架,戟尖對準媚娘
「好~~」媚娘表現淡定
十方閉上眼,握緊畫龍戟,一股白煙從十方的手傳到畫龍戟,龍戟震動,十方驅動了龍戟
十方橫揮,媚娘蹲下避開畫龍戟,然後掃出一腳掃堂腿踢向十方的腳,十方馬上跳起閃避,再用戟插在地上,借力起腳,這腳正中媚娘的胸口
「咸濕仔~」媚娘拍一拍胸口上的鞋印
「呃.....」十方呆了一呆
「打緊交都要抽水~」媚娘雙手叉腰
「我....呃...唔係」
我見十方停下動作,而媚娘亦分神時,拋出捆仙索
嗖!
繩索快要套住媚娘時,媚娘突然行前兩步,避開了繩索,然後她回頭用詭異的笑容看著我
「靚仔~你做咩係後面偷襲我啊」
這時我亦走到十方身邊
「啊武救到九叔啦。唔好同佢打,搵機會走」我輕聲的說
「嗯~我估我聽唔到你地要走~哈哈」媚娘掩嘴笑說
但要走也不是我所想那麼簡單,秦王跟天玄叔還在激烈的戰鬥著,啊烈陳鯨跟羅東在糾纏
但啊烈這邊的情況比較嚴峻....
「啊!!!!」慘烈的叫聲響起
叫聲是啊烈發出的,啊烈被羅東巨型的雙手捉住了,羅東不斷收緊雙手把啊烈勒緊
嘞....嘞....嘞
「呃....放手...啊」啊烈變得無力,鎚斧都脫手掉到地上
「哈哈哈哈!!只要你死咗!媚娘就會中意我!」羅東興奮的笑著
「陳...鯨!!」啊烈求助
「嚟緊啦!!」的確,陳鯨一直在想辦法想解救啊烈
「虛無玄羅!轟雷!」陳鯨伸出兩隻手指,指住羅東
一道雷擊在羅東身上,被擊中的位置皮膚變得焦黑,但羅東並沒有想放過啊烈,反而加重了力度
陳鯨見用法術作用不大就飛出戰斧
鏘!!
但羅東在喝下段天的血液後,皮膚變得堅硬,武器都斬不入
「呃.....」陳鯨也束手無策
咔!!
啊烈的脊骨響起到一聲清脆的聲音
月牙
2021-03-04 01:23:49
這刻羅東終於都鬆開手
啊烈像一軟皮蛇一樣,全身放軟的下墜
嘭!!
啊烈掉到地上,一動不動,雙眼瞪大
「啊烈!!」我和十方擺脫媚娘,衝到啊烈旁邊
媚娘也走了過來
羅東見我們都過來了就想繼續攻擊我們,但被媚娘截住了
「點解?」媚娘盯著羅東
「乖啦媚娘,唔好阻住我」羅東想繞過媚娘走近我們,但媚娘再一次攔住羅東
「我問你點解」
「佢同我爭你喎!緊係要死啦!!」羅東激動的說
「就算有冇佢,我都唔會揀你」媚娘轉身走向啊烈
「啊烈!!你點啊!!」我扶起啊烈
啊武抬著暈倒的九叔和斷了雙腳的英叔走到過來,
「航!英叔流好多血,再唔走就出事啦!」
「啊烈佢都....」啊烈已危在旦夕,反應極微
「呃....我...唔...好凍」啊烈零碎的說著,啊烈的肋骨全斷裂,脊骨同是,肋骨的碎全插到內臟裏,身體多處內出血,情況十分嚴峻
「好快冇事...我地依家返去啦」我背起啊烈
「咁秦王點啊?」啊武問
「唔洗理朕!朕正打得興起!」秦王在百忙中抽空說
「佢搞得掂㗎啦,走!」我說
但突然啊烈被人拉走了,是媚娘
「你做咩?!」我馬上轉身捉住啊烈
但換來的就是一腳
「啊...」我被踢得退後
「你地帶佢走都冇用」媚娘說
「......起碼可以試下救佢!」我也怯一怯,的確,我也沒信心能救到啊烈
「羅東同我殺曬佢地!」媚娘一說,羅東馬上像一隻飢餓的獅子向我們衝來
「航...冇辦法啦,要走啦,再唔走我地全部都走唔到,我地仲要救九叔英叔啊!」十方勸我
「但啊烈....」我不想放棄任何一人
「走...啊」啊烈艱辛的說出兩個字