【科幻冒險多甜】《一場末日危機，令患上中二病的我變成救世者》

各位早晨！

我接起部電話睇清楚個來電顯示，發現來電者竟然係辛梓玲本人。

「喂，妳係梓玲？」由於仍未肯定對方安危，接電話時，我內心十五十六，忐忑不安。

電話嘅另一邊，傳嚟上次辛梓玲被撒旦上身後嗰把聲音：「我以為你已經忘記咗我，點知原來你仲咁掛住自己個未婚妻，想唔想見下佢呀？」

「撒旦妳想點？」由於對方不懷好意，我索性斬釘截鐵咁問佢。

「撒旦妳想點？」一聽就知對方不懷好意，我索性斬釘截鐵咁問佢。

「記唔記得三天個期限呀？今日已經係第二日，如果你到聽日仲唔嚟搵我嘅話，睇怕你連自己個妹都見唔到啦，哈哈..........」

「曉彤？講！妳捉咗佢去邊？」勢估唔到佢哋居然捉走曉彤。

「咪就係你未婚妻間屋上面個天台囉，我會嚮度等你！不過你唔想個妹少條毛嘅話，記住：只限你一個人上嚟！」

第七十六章：對決(上)

我一向都以為自己卸下彌賽亞嘅身份之後，就可以過返啲安樂日子，點知現實係殘酷嘅，俗語話：天要下雨，娘要嫁人，要嚟嘅始終都要嚟，為咗個妹，我要作戰到底。

「你依家嘅情況係敵暗我明，內裡一定有圈套，不如我哋同你一齊上去好冇？」知道我諗緊乜嘅夏娃走過嚟以關懷嘅眼神同我講。

「唔可以。對方脅持住曉彤做人質，如果我貿然帶一班人上去嘅話，佢會有生命危險。」

「或者我可以幫到你。」就喺我同夏娃對話之際，突然有人插嘴，說話嘅人原來係約翰。

多謝貓貓支持！

結果，我喺當晚上咗辛梓玲所住嘅大廈。當我嚟到約定嘅地點，亦即係大廈天台頂，剛踏入天台嘅同時，隨即聽到曉彤大叫：「哥，救我！」

曉彤被人五花大綁，然後再被一條粗麻繩離地吊起，整個人置身大廈天台範圍以外，身體懸掛半空，腳下四十層樓係地面，僅靠外牆吊架支撐體重。

同一時間，上次出現嚮西貢，身穿黑色教士袍同配戴倒十字架嘅男人則企喺個吊架隔離，手上仲拎住個裝置，上面有一粒紅色掣。

「彌賽亞，我哋又見面啦，不過今次係最後一次！」

被撒旦上身嘅辛梓玲離遠向我喊話，佢身上披上一件黑色斗篷，內裡真空，右手拎住支權杖，以魔鬼嘅姿態企喺大廈另一邊嘅天台邊緣，附近仲有洛不凡為佢把風。

「廢話少講！妳到底想點？」

「好簡單，只要你喺度跳落街，我哋就放你個妹走！」辛梓玲立即回應，佢企緊嘅位置位於曉彤對面，雙方相隔整個天台嘅距離，佈局好明顯經過精密計算。

由於時空夾縫嘅缺點係使用時間短，加上大量虛耗精力唔可以連續用，換句話講，即使我用時空夾縫去拯救阿妹，事後我未必可以應付撒旦嘅後續攻擊。

「妳當我傻！我跳落去仲點知妳會唔會放人？」我亂答一通，目的只係為爭取時間思考點去救人。

「你同我聽住，我依家倒數五下，數完之後你仲唔跳嘅話，企喺天台對面嘅猶大就會撳個紅色掣去切斷條繩，你個妹就會跌落四十樓慘死！」

貓貓早晨

第七十七章：對決(下)

在天台上，被撒旦附身的辛梓玲設下佈局，令杜子奇陷入進退失據的境地。成功製造主導權的她，為免產生變數，隨即開始倒數：「五.......四.......三........」

就在關鍵時刻，杜子奇突然向身旁的位置做了一個有如球員在球場上所作出的比賽手勢，並且利用時空夾縫凍結時間。與此同時，一個人如同鬼魅般突然出現在杜子奇身旁。

鏡頭回到杜子奇出發前位於月闇的天台屋內。在這裡，杜子奇向約翰交代事情始末。

「阿當，就算你去都解決唔到問題，因為你唔識得驅魔。」約翰說。

「呢點我諗唔到，但對方只限我一個人上去，咁要點做？」

「乜你唔記得我嘅專長係潛入？」約翰說話時托了一下眼鏡。

前事完結，鏡頭回歸辛梓玲與杜子奇的天台對決。原來杜子奇在辛梓玲倒數期間製造出時空夾縫，目的旨在為利用隱身術潛入的約翰製造驅魔的機會。

只見在天台現身的約翰適時向辛梓玲誦經祈禱，對方竟不由自主地升起，身體懸浮半空，並且口吐白沬。

幾乎同一時間，杜子奇兵分兩路，首先利用手上的元氣手槍，一槍命中猶大眉心，繼而衝前拯救命懸一線的杜曉彤，動作一氣呵成。

終於，在短短數分鐘被凍結的時間內，杜子奇以一人之力，成功從外牆吊架中救回杜曉彤。

多謝Marco兄支持！

有位ching叫我同你講加油~~ PM 俾你

多謝貓貓同嗰位CHING嘅支持！暫時我仲未收到個PM~

那邊廂，耗盡心力的約翰幾經辛苦，亦成功把撒旦的靈魂從辛梓玲體內驅逐出來。由於撒旦擁有非比尋常的力量，就在辛梓玲於天台安全著地之際，約翰亦不支倒地。

與此同時，時空夾縫正式完結，剛巧負責把風的洛不凡看見被辛梓玲拋棄地上的權杖，雖不明白箇中原因，但在權杖的魔性牽引下，竟令他剎那間產生無窮邪念，隨即衝前把權杖拾起。

「主人，請你賜予我力量！」洛不凡說。

說時遲，那時快，拾起權杖後的洛不凡立即雙眼通紅，如同撞邪一般。下一秒，洛不凡張眼看見位於身旁的辛梓玲後，竟說了一句匪夷所思的話：

「冇用嘅廢物，既然妳唔俾我留喺體內，咁我唯有用妳嚟製造逃走嘅機會！」話畢，洛不凡把辛梓玲攔腰抬起，然後從天台朝四十樓以下的地面狠狠拋下！

人兄你好，好耐冇見啦

係,真係好耐無見

人兄早晨，你嘅支持一向都係我嘅創作動力！

第七十八章：絕望的一刻

為咗拯救曉彤，我利用時空夾縫借返嚟嘅短暫光陰用晒喺救人方面。我見到條大麻繩吊住被人五花大綁嘅曉彤，但只能夠以一己之力扯佢返落嚟，而且對方喺時空夾縫完結前更毫無反應，就好似搬動一具傢俬咁叫人無從入手。

終於我費盡九牛二虎之力，將好似公仔一樣嘅曉彤成功安置喺天台地板，剛巧時空夾縫就此完結，我定眼望住阿妹個樣，因為我唔太肯定自己喺移動對方時有冇整傷佢。

「曉彤！妳醒下！」我邊講邊拍曉彤塊面。

「哥！真係你？你幾時救我落嚟㗎？」當阿妹擘大眼應我嗰陣，我用力攬實佢，就喺呢一刻，我聽到遠處傳嚟一下非常熟悉嘅慘叫聲：「救命！」