【科幻冒險多甜】《一場末日危機，令患上中二病的我變成救世者》

「彌賽亞，你做咁多野，最終只係救得返夏娃。即使唔計算上任彌賽亞嘅死，我哋呢邊都損失咗馬太同約翰，

既然你依家嘅身份係彌賽亞，咁係咪要負責搵出內鬼呢？」企嚮一邊嘅彼得終於忍唔住開聲。

「咁你認為呢度邊個會係內鬼？」

「我同菲臘由始至終都一直追隨彌賽亞，反而呢個月闇來歷不明，依頭投靠完撒旦嗰頭又話變節，我認為佢最有可疑。」

「月闇，我上到泰坦之後遇上意外，靈魂被困喺意識墳場，就連喺嗰度唯一嘅數據閘門都被人做手腳關閉，

最後僥倖先可以逃亡返嚟，以妳所知關閉數據閘門呢種事會係邊啲人做？」我飲咗一啖咖啡然後問上戶彩。

「呢層我真係唔知，總之我冇出賣你，問題係你信唔信我？」上戶彩回應時顯得一臉不悅。

各位早晨

「如果彌賽亞今日俾唔到一個明確交代俾班手足嘅話，佢好應該退位......」就喺呢一刻，彼得竟以咄咄逼人嘅口吻插嘴。

「其實我係應承過彌賽亞，暫時做住佢個位先，但家陣外面立立亂，我認為唔係問責下台嘅時候囉。」

「彼得，我相信彌賽亞，喺未清楚敵人身份同企圖之前，我哋一班潛伏者必須要團結。」夏娃眼見我被彼得逼宮，立即表態撐我。

「彼得，夏娃都有佢道理，喺未捉到猶大呢個叛徒之前，無謂節外生枝。」附和夏娃嘅原來仲有菲臘。

「你哋個個都唔使嘈，既然我嚮度破壞你哋嘅團結，我走！」估唔到最後表態嘅竟然係上戶彩。

早晨各位

早晨呀古兄

午安貓貓

第六十六章：內鬼

結果老洞由杜子奇策劃及領導之下，慢慢從破損的廢墟中重新建立起來，一班機械信差經過升級維修後，實力亦得以提升。

由於杜子奇經常奔波遊走於老洞與辛梓玲兩者之間，繁瑣的工作令他變得分身不暇，加上急需處理的人際關係，兩邊兼顧的他逐漸形成精神透支的狀態。

這晚，杜子奇回到跟辛梓玲一起的愛巢。

「媽咪話佢次次陪我去睇醫生檢查個肚都唔見你，問你係咪做埋啲唔見得光嘅野。」在睡房內，辛梓玲向杜子奇抱怨。

「我之前咪同妳講過搵緊人幫我建立假身份嘅野？我依家搞掂晒，可以上去妳屋企傾結婚嘅事啦。」

「係就快啦，都就嚟見肚啦。」

「咁聽晚我哋一齊約佢哋食飯好冇？」

「你係記住先好。」在床上，辛梓玲擁抱著杜子奇說。

「話時話，依家妳仲有冇夢見上次食大麻個女人？」

「你講起又冇喎.......自從我上次靈魂歸位之後，已經有幾個星期都冇夢見佢，認真希望佢呢一世都唔好再纏住我。」辛梓玲話畢，二人便在床上大戰起來。

另一邊廂，位於老洞內的藏寶室，是一個被菲臘使用作為收藏屬於撒旦破損權仗的秘密地方。然而，對於某個人來說，這是個公開的秘密。

這晚，他偷偷將權仗帶走至一個四下無人的戶外僻靜地點，目的是給前來會面的人作為見面禮。

推

各位早晨

「我哋好耐冇見，猶大。」二人的對話在天橋底下的暗角展開。

「我要嘅野呢？」

「支權仗喺度。」說話的人竟是彼得。

「好在有你幫忙。自從維達呢個叛徒將撒旦大人同日光佢哋嘅生物數據清除之後，我同洛不凡只能夠暫時避開風頭，全靠你幫我哋攞返支權仗，等我將佢修理好之後，收藏嚮裡頭屬於撒旦大人嘅靈魂就會復活。」

猶大接過破損權仗後，雙眼顯得烱烱有神。「其實........你一向對住彌賽亞忠誠，點解你會幫我哋做咁多野？」

「今時今日，忠誠係唔可以當飯食㗎啦。本來我大有機會接任彌賽亞嘅位置，依家居然被個靚仔坐咗上去，既然佢咁想死，咁我就索性嚮背後推佢一下啦，正所謂敵人嘅敵人就係朋友嘛......」

「合作愉快。仲有，我想問下你有關約翰同馬太佢兩個嘅數據備份.......」

「放心，所有對我哋有害嘅數據已經被我喺網絡入面清除晒。最可惜係上次唔可以借夏娃件事整死個靚仔，算佢命大.......」

早晨！多謝人兄支持！

第六十七章：退位

由於老洞已經漸漸回復昔日嘅人手，為咗避免再夾喺潛伏者同辛梓玲兩者之間，即使上次喺意識墳場嘅時候無機會同夏娃講，我依然決定返去老洞交棒，費事左右做人難。

「夏娃，開會前麻煩妳先跟我入大廳，有啲野我想同妳兩個人單獨講。」我決定今日同夏娃坦白表明我同佢之間嘅關係。

「你想同我講你只喜歡辛梓玲，而我只係你嘅紅顏知己，你想我幫你手打理老洞，咁你就可以返去佢身邊，係嘛？」點知入到房，夏娃居然比我更快開口。

「係喎，差啲唔記得妳同我大腦同步咗，知道我諗緊乜。」

「唔緊要，我知道地球人有樣野叫做有緣冇份，就好似我同你一樣，我明白嘅。」

我用力攬實夏娃，我咁做唔係因為要多謝佢體諒我，而係因為我內疚，我明白自己永遠都無法補償對方...........隨住時間流逝，我哋兩個獨處嘅時間一陣就過咗，因為我好快就要用彌賽亞嘅身份主持會議。

推

各位早晨

為咗平息一班潛伏者嘅爭拗，會議上，我決定企出嚟向彼得同菲臘表態：

「我當初只係應承暫時做住彌賽亞，其實我絕對唔係一個攀附權力嘅人，我知道依家係時候要離開各位。」

「我認為始終撒旦嗰幫人一日未被徹底剷除，我哋過每一日都會有危機，喺呢個時候我哋需要你.......」菲臘率先第一個留住我。

「唔駛我喺度喎，你哋需要我嘅時候再搵我都得。我離開之後，夏娃就做話事人啦。」

「我相信.......我仲未有作為彌賽亞嘅能力。」聽到我講，夏娃好尷尬咁回應。

「做乜你倆個頭先唔係已經夾好晒台詞咩？唔駛扯貓尾啦........如果夏娃認為佢唔FIT嘅話，不如就由我代佢做啦！」趁我未及回應，彼得竟然搶佔先機。

推

「我贊成，話晒彼得喺度資歷係最高。」說話嘅係菲臘。

「既然係咁，就決定搵彼得做啦，不過有需要嘅話我會返嚟幫忙。」反正我想退出，對於菲臘嘅附和我冇理由去反對。

「我諗冇呢個必要。」彼得回應嘅時候只係斜眼望我。

「呀，差啲唔記得，呢支小型水晶棒係彌賽亞臨終時俾我，入面有關於佢來歷嘅秘密，我一直收埋冇睇，依家我代彌賽亞交俾你，你放入視像投影機就可以睇到。」講完呢句之後我就將支水晶棒交俾彼得。

早晨呀古兄

午安貓貓

第六十八章：秘密

這天，當彼得成為代理彌賽亞後，第一時間獨自利用投影機觀看有關水晶棒收藏的秘密。

內裡是一部由彌賽亞撰寫的日記，整篇滿滿的字句投影在屏幕上，內容如下：

我是來自半人馬座三星系統的人。我的家鄉源自三體之間的其中一個恆星系統，並且坐落於一顆位於恆星宜居帶內的行星中。

我的家鄉距離地球有四光年之遙，為了克服在星際之間航行的障礙，我在二千年前乘坐曲速引擎太空船來到地球。

為什麼我要千里迢迢來到這裡？答案很簡單，就是尋根。

我們的祖先在二十萬年前帶了我們的基因庫來到地球，並且展開了對古代地球人種的基因改造和配對，藉此誕生了現代的智人，也就是你們。