【科幻冒險多甜】《一場末日危機，令患上中二病的我變成救世者》

各位早晨！本故事現已章節形式上載於蕉園，方便各位追故：

https://www.penana.com/story/79316/一場末日危機-令患上中二病的我變成救世者/

你或許會感到奇怪，我的年齡真的有二千歲那麼老？其實我們星球的科技早已掌握了突破年齡限制的技術，

我們的身體可以利用生物打印機不斷自我複製，意識更可以透過上載到網絡和下載到生命載體不斷延續生命。

你或許會問：「為什麼你不站出來幫助我們改善技術？」原因很直接，基於我們的守則，我們不能介入其他行星的文明演變，只能做一個潛伏者。

況且我只喜歡為地球人宣揚和平訊息，但命運卻安排我遇上來自我星的背叛者，他們欲置我於死地，把我塑造成叛亂份子，最後把我釘上十字架。

可是他們的詭計永遠無法得逞，因我掌握了複製意識載體的技術，所以身體能透過不斷複製去復活，直至現在。

最後一句修正：
可是他們的詭計永遠無法得逞，因為我的地球同伴運用了複製生命載體的技術，使我能死後復活，直至現在。

除日記外，還有一個錄像片段，是由彌賽亞本人親自攝錄，向下任彌賽亞交代重要事項。最尾的一句吸引了彼得的眼球。

「阿當，我相信你先會將時空夾縫嘅能力傳授俾你，你要用喺正確嘅地方。我知道你日後會係一個好嘅彌賽亞，但你絕對唔可以將彌賽亞嘅責任交託彼得，因為佢心術不正........」

錄像片段在此完結。由於彼得再找不到有關時空夾縫能力的內容記載，憤怒之下把屏幕擊碎。

「嘿嘿..........彌賽亞，你想阻止我成為下任繼承人？太遲啦，一切只能怪你信錯人。」彼得說話時展露陰森的笑容。

第六十九章：婚紗背後(上)

為咗辛梓玲，我終於以海外專才嘅身份上對方家長屋企同佢父母見面。我明白到只要身邊有舊錢，傾婚事原來係冇想像中咁困難。

由於辛梓玲因工作需要習慣周圍飛，佢出國嘅時間仲多過留港，所以佢父母一啲都冇懷疑過我哋點樣認識對方。就係咁，婚禮安排咗喺兩個月後。

我知道如果再繼續做彌賽亞，變返做正常人嘅我一定唔會再享有以往嘅安樂日子。

如今撒旦已死，地球末日尚未至，世界根本唔需要由超能力者去領導，為咗盡快過返正常人嘅生活，交捧係必須嘅，不過對於交個位俾彼得，我感到非常猶疑，希望之後一切平安，冇事發生。

過多兩個月我就會正式脫單，諗返起呢一年發生嘅事，令我嘗盡人生甜酸苦辣，先係我無辜被夏娃帶上太空並且經歷兩次死亡，然後我因為捲入潛伏者之間嘅叛變同戰爭而變成磨心，

我媽更因此無辜慘死，雖然依家總算能夠同暗戀咗好耐嘅女同學結婚，但如果有得揀嘅話，我寧願咩都冇發生過。

馬太形容得啱，內疚同仇恨正正係侵蝕彌賽亞力量嘅手段，自從成為彌賽亞之後，我內心一直都冇平靜過，就好似我媽被撒旦所殺嘅仇一直纏繞我內心，再加上我對我媽同夏娃所產生嘅內疚感，令我好抗拒自己嘅宿命。

今日，我同辛梓玲約埋攝影師去郊外拍攝婚紗相，穿起婚紗嘅辛梓玲顯得格外明艷照人。攝影師建議我哋去西貢，因為嗰度有原始風貌，加埋有最靚嘅海景，張相影出嚟構圖保證一定靚。

我哋一班人坐車入西貢，喺萬宜水庫東壩落車，一路行一路搵，搵咗幾處海邊景，但都俾辛梓玲彈話唔靚，入到浪茄後，著住婚紗嘅辛梓玲開始感到不適，仲出現中暑嘅徵狀，我立即扶佢埋一邊然後坐低休息。

坐咗一排，由於辛梓玲都仲係有啲唔妥，於是我向攝影師提議走回頭路坐車返市區，點知攝影師因為唔想成本超支，不斷遊說我休息完再繼續影落去，正當我哋爭論緊走定唔走嗰陣，原本坐嚮一邊休息緊嘅辛梓玲眾目睽睽之下突然平空消失！

我打辛梓玲電話但冇人聽。就喺呢個時間，四下無人嘅山頭野嶺突然出現多隻大狼狗，當中為首嘅黑色大狼狗喺上次有份跟蹤我同辛梓玲返屋企。

知道佢哋嘅目標係辛梓玲後，我第一時間好驚，怕未婚妻會因為我而遭遇不測，我唔想再有任何人因為我而死，特別係我最重視嘅人。

為咗唔想喺攝影師同佢助手面前展露超能力，我唯有用藉口打發佢哋先走，然後我用元氣手槍趕走一班野狗，再四周搵辛梓玲下落。

行下行下，嚮地上見到一啲屬於辛梓玲嘅飾物，雖然我沿途不斷呼喚對方，但冇人回應。

當下我內心充斥住不詳嘅預感，精神蹦緊至極限，就咁樣行咗大概半小時去到大浪灣。

接近黃昏嘅時候，終於俾我嚮一處空無一人嘅沙灘見到辛梓玲，我見到佢坐咗喺舊石上面，但神情非常古怪，身上嘅婚紗仲接近破損嘅程度，令我極度不安。

推

「梓玲.......係我！妳冇事嘛？」身處遠方嘅我高聲呼叫辛梓玲嘅名字。點知就喺呢個時候，嚮我身後三米範圍內突然出現多隻上次襲擊蘿莉嗰種喪屍！

一班喪屍明顯以我為狩獵目標，我以敏捷嘅身手成功避開其中一隻嘅偷襲，點知下一秒上身立即被另一隻以利爪擊中，禮服亦被割開，當場掛彩。

「嘿嘿.......彌賽亞，我哋又見面啦！」嚮夕陽下嘅幽深草叢背後，一個身穿黑色教士袍同配戴倒十字架嘅男人忽然現身。

「你係.......邊個？我好似唔知邊度見過你？」

「你唔需要理我係邊個，只要知道今日係你死期就得啦！」

正當個男人想郁手殺我之際，我利用時空夾縫嘅能力避開佢，然後立即衝向辛梓玲所在嘅地方，目的係救對方離開。

令我覺得奇怪嘅係，當我接近辛梓玲嘅時候，我發現佢手上突然多咗一支來歷不明嘅權杖。

「梓玲.......呢度好危險，快啲跟我一齊走！」我拖住辛梓玲隻手同佢講，點知佢面上卻報以一副陰森詭異嘅表情，我隨即感到不寒而慄。

「靚仔，你以為你放棄唔再做彌賽亞，自己可以置身事外嗎？哈哈.......哈哈.......」呢個時候，一直沉默無言嘅辛梓玲竟以另一把聲音向我說話！

第七十章：婚紗背後(下)

我被辛梓玲把聲音嚇到當堂呆住。

「妳唔係辛梓玲，妳究竟係邊個？」說話同時，我馬上捉緊對方隻手，正因為辛梓玲同我提過佢曾經被鬼上身嘅野，即使真實係比想像更恐怖，但為咗救佢，我已經唔理得咁多。

「有本事你咪殺咗我囉，就好似上次咁，嘿嘿........」辛梓玲望住我，雙眼突然變得好邪。

「妳係.......撒旦？」

「係又點？殺咗我囉........點呀，唔捨得郁手丫？咁我走㗎啦.........」辛梓玲一邊講，一邊甩開我隻手，然後脫去身上面嘅婚紗，直至一絲不掛為止。

「放咗佢！妳隻惡魔到底想點？」

推

辛梓玲以佢手上嘅權杖喺沙灘上變咗一個結界出嚟，然後挺胸向我講：

「記住.........唔想你個未婚妻同你個仔攬住一齊死嘅話，三日之內，交你條命仔俾我。」

天空開始入黑，我哋之間嘅對話亦就此結束。隨住一陣海風將婚紗從沙灘吹起，全身赤裸嘅辛梓玲以惡魔嘅姿態背向我踏入結界，整個身體逐漸消失於黑暗之中。

此時此刻我渾身都感覺好痛，除咗心痛之外，啱先被喪屍爪傷過嘅地方亦開始中毒發炎。

最奇怪嘅係，之前遇到嘅男人同喪屍跟辛梓玲一齊不知所蹤。

我識得嘅絕招，冇一樣係用嚟對付鬼上身，面對咁無助嘅情景，個腦即時一片空白，嗰一刻我甚至呆咗唔知點去反應，任由辛梓玲大模斯樣咁離開。

「你冇說話好講啦，彌賽亞！」就喺呢個時候，我背後忽然傳嚟另一把熟識嘅聲音。

我立刻回頭一望，發現位於日落餘暉嘅遠處原來係彼得、菲臘同蘿莉三個人，從聲音得知，剛剛說話嘅人應該就係彼得。

,

各位早晨

「你哋三個點解會喺度？」其實我一直只關心辛梓玲嘅安危，對於彼得嘅質問，根本完全聽唔入耳，但為咗敷衍彼得，我隨便問咗一句。

「你梗係想我哋唔喺度啦，方便你串通撒旦。」點知彼得一答完，跟住同菲臘講：「菲臘，好明顯支權杖係阿當偷嘅，你依家相信佢就係嗰個內鬼啦！」

「我冇說話講。既然係咁，阿當就交由你處置。」菲臘嘅回答令我冷汗直冒。

「蘿莉，阿當出賣自己人，已經唔再係彌賽亞，立即將佢就地處決！」

「收到。」說話期間，蘿莉面上竟浮現住一副恐怖嘅神情。

早晨貓貓

第七十一章：殺神

當我聽到彼得同蘿莉之間嘅對話嗰陣，我根本無法相信自己對耳朵。我睇住蘿莉有所行動，下一秒內心立即盤算自己嘅對策：冇錯，用時空夾縫的確係可以消滅蘿莉，但咁做等於直接殺死佢。

論速度，我根本唔夠佢快。要逃走，面前係一個大海，我冇能力辦到。就喺我諗到一半嘅時候.........嘩！我下身突然被一隻腳踢中，成個人就咁彈起。

我好痛咁喺沙灘爬起身，原來剛才下體被蘿莉狠狠踢咗一腳！點知就喺我錯愕之間，腹部又被蘿莉打多一拳！

「叛徒！你殺死我哋咁多同伴，我今日要你死！話你知，彼得已經刪除咗你嘅數據備份，你死咗之後係唔會再復活㗎啦！」

睇嚟彼得已經控制晒老洞入面一切人物，蘿莉今次咁重手，佢要殺我係真嘅........當下我嘅處境非常危險，身體所受嘅傷好嚴重，口角不斷吐血，爬嚮地上已經冇辦法還手...........只有眼白白等死.........