【科幻冒險多甜】《一場末日危機，令患上中二病的我變成救世者》

早晨貓貓

「彌賽亞，雖然我恨你，但為咗尊重你，我會用我嘅絕技送你上路！」蘿莉講完立即爆甲，喺月色映照之下，露出白雪般全裸嘅波地。

隨住乳房一下子向外膨脹，胸前兩粒蓮子逐漸變成深紅色，原來佢想用心口死光殺我........估唔到我多次大難不死，如今竟然會死喺一個裸體女機械人手上。

黑夜中，海上傳來陣陣浪濤拍岸聲震撼我耳朵。臨死前一刻，我望住蘿莉，雖然知道一切即將完結，但總感覺時間過得好慢。

然而，就喺心口死光發射嗰一刻，一個黑影突然從遠處飛撲埋嚟，瞬間以腳踢中蘿莉肩膊，令死光偏離發射方向，射中我身旁嘅礁石！

由於形勢突變，我隨即望向來者方向，只見有人飛身擊中蘿莉之後，安然著地，對方原來係上戶彩！

「彌賽亞，你冇事嘛？快啲跟我一齊走！」身穿黑色彈性緊身衣嘅上戶彩擋嚮我同蘿莉中間，略微側頭向我喊話。

各位早晨

「睇嚟狐狸終於要露出尾巴啦！」身處蘿莉背後嘅彼得見狀立即回應，更欲向上戶彩使出太古之魂。

「彼得停手！呢個距離出招嘅話，你會傷到蘿莉！」菲臘立即制止對方出手。

上戶彩反應奇快，佢立刻向地面擲出數枚閃光彈，所產生嘅強光令一眾人頭暈目眩。

「上車！」就喺呢一刻，上戶彩指向海邊一架水上電單車，就係呢架車令我明白到點解佢會神出鬼沒咁出現。

幾乎同一時間，對方扶我上車，然後踩盡油門，令水上電單車高速駛離現場，留低背後一度飄揚嘅浪花。

早晨貓貓

第七十二章：逃避可恥但有用

我從昏迷狀態甦醒過來，時間大約係早上。我瞓嚮一張雙人床上，傷口被人用繃帶包紮止血，身上嘅衣服只剩低內褲。雖然傷口好痛，我仍然能夠勉強起床視察環境。

呢度係一間位於天台嘅單位，雖然係細，但整體佈局唔錯，有一種住嚮太空艙嘅感覺，個設計跟曾經係方舟號副指揮官嘅上戶彩十分匹配。

「你醒咗啦？」房門外嘅上戶彩探身一問，說話時對方已除下彈性緊身衣，只穿著內衣褲。

「係呀，啲植物係妳種㗎？」眼見面前眾多嘅綠色植物，知道上戶彩原來喜歡園藝。

「我先前喺方舟號主要負責培養植物，呢個習慣嚟到地球都冇改變過。」

「我哋有冇？」

「做愛？」上戶彩隨即入房，並且喺床邊放低一碗粥。

古兄加油

多謝貓貓支持！

俗語話：孤男寡女共處一室，其中一人必有損失，面對咁嘅環境，我始終感覺唔對路。

「我係唔會乘人之危嘅，遲早我會令你心甘情願同我做。你依家好應該先行調理好身體。」點知上戶彩立即回應。

「關於我嘅傷勢，我想問.......」

「我哋潛伏者嘅醫療技術比起地球人優勝，你有我醫治同照顧，根本就唔需要睇醫生。」

上戶彩一邊講一邊將佢隻手放落我傷口，起初係腹部，然後一路遊走落我條J，嚮嗰一刻，我嘅傷口已經完全唔覺得痛，條J馬上感到好HIGH，仲充滿力量添。

「已經正常返晒，需唔需要我幫你做體檢試返一Q？」上戶彩說話時面上掛上一副淫底嘅笑容。

我明白到自己已經有未婚妻，有啲野確實係唔可以越界。我望住上戶彩，唔知點解個腦卻去咗辛梓玲度，我即時打電話俾對方，但換嚟嘅只係電話未能接通嘅訊息，一種前所未有嘅不詳感覺喺我心底極速蔓延。

「咪住，點解妳會知我有危險，仲第一時間嚟救我？」由於成件事嚟得太突然，我覺得上戶彩有野隱瞞住我。

「我受人所託先會嚟海灘救你，但我唔可以話你知係邊個。」

「點解？」

「你唔需要知點解，因為呢個亦都係計劃嘅其中一部份........」

點知上戶彩講到咁上下，外面突然傳嚟拆屋咁嘅聲音：「轟！」與此同時，天花板更掉落小型石屎碎片！

我同上戶彩立即走出天台屋前往聲音來源，第一時間迎接我哋嘅竟然係一把熟悉嘅聲音：

「講到咁隱晦，好明顯係撒旦派妳嚟救佢啦！」說話嘅人正正就係從天而降同時嚮天台爆地嘅彼得！

推

第七十三章：了斷(上)

就喺呢個緊急關頭，菲臘同埋一絲不掛嘅蘿莉緊隨彼得身後從天而降，原來上面有架直昇機接載佢哋落嚟。

「可能你哋仲未知道，正太一向都曉得駕駛任何交通工具，包括直昇機在內。今日之所以能夠一舉消滅你哋兩個，全靠蘿莉將正太修理好。」彼得以得戚嘅口吻介紹佢哋點嚟。

「點解你哋會跟蹤到呢度？」我立即問彼得。

「我哋一早已經裝咗個追蹤器嚮你身體入面，就算你走到天腳底，你都咪駛旨意走得甩。」說話嘅彼得同時展現出自信嘅笑容。

「走唔甩嗰個係你至真，彼得。」就喺呢一刻，上戶彩突然講咗一句令人感到奇怪嘅說話。

「估唔到你哋都幾大口氣喎。蘿莉聽住，同我一次過消滅晒佢哋！」

正所謂精人出口，笨人出手，蘿莉此刻雙眼泛紅，殺意正隆，我剛剛好返又未用得切時空夾縫嘅能力，要全身而退講真一句談何容易。

點知就喺呢個關鍵時刻，突然有另一把聲從天台屋背後傳過嚟：「蘿莉停手！投降啦彼得，我已經知道你就係嗰個內鬼。」

說話嘅人原來係一早匿藏起嚟嘅夏娃，原來係佢託上戶彩嚟救我。

「我以為係邊個，乜原來係夏娃。妳以為嚮度妖言惑眾就可以幫呢個叛徒洗脫嫌疑咩？嘿嘿......我知妳一直都好冧阿當。」

「我已經搵到證據證明你係內鬼，我就係趁你離開嗰陣部署呢個局嚟捉你！」

早晨呀古兄

「妳話呢個係局？哈哈，既然係咁，證據呢？」彼得睇嚟對自己勝券十足。

「當日菲臘同我講話藏寶室之內發生權仗失竊件事嗰陣，我已經懷疑你，所以我喺你嘅活動範圍附近裝咗監視器同情報收集儀，我知道你喺投影機睇過有關水晶棒收藏嘅秘密，所以得知上任彌賽亞話你心術不正........」

「哈哈真心好笑.......首先，心術不正係你一個人講嘅，再講呢句野根本就唔係指控我嘅理由。」彼得以鄙視嘅態度對住夏娃講，擺明唔放對方入眼內。

「你講得啱，所以我又去多一趟藏寶室，利用上任彌賽亞生前留低俾我嘅密碼，開啟緊急應變箱，入面收藏咗一件秘密工具，係上任彌賽亞吩咐我一旦遇上危急存亡嘅事故，就要攞嚟使用。」

午安貓貓

第七十四章：了斷(下)

「係咩嚟？妳即管講，我先唔怕妳大我。」

「原來，所謂秘密工具其實係一個資料棒，裡面有齊晒所有十一使徒嘅生物數據，使我可以令佢哋復活..........各位弟兄，係時候出嚟啦！」

夏娃邊講邊向前方做出一個手勢，空氣中立即出現一個發光嘅結界，結界向外伸展並且逐漸擴大範圍，形成一道穿越空間嘅門，另一邊居然係先前收藏咗生物打印機嗰間回收工場，一個一個使徒從內部越過結界昂首步出。

「覺悟啦，彼得，今次係你最後嘅機會！」首先步出嘅人正正係擁有讀心能力嘅馬太。

「馬太.........冇可能，你........唔係真嘅！」估唔到心虛嘅彼得說話即時變得口齒不清。

「各位，成件事夏娃同我解釋得清楚晒。全靠彌賽亞有遠見，能夠生前部署好一切，如果唔係我都唔可以同埋一班兄弟一齊復活。彌賽亞生前唔直接懲處彼得，無非只係想佢覺悟前非。」

馬太一本正經咁說話，對象明顯係企喺彼得身後嘅菲臘同蘿莉。

「馬太.........你亂講！」彼得開始惱羞成怒。

「彼得，唔通你唔記得我嘅絕技係讀心術？你一直假借撒旦名義殺害其他兄弟，目的係為咗消滅其他同你爭上位嘅同門，等你可以坐上彌賽亞嘅位置。

我得知呢個秘密好耐，只係彌賽亞吩咐我唔好揭發你，等你可以珍惜機會改過。由於我知道你嘅野實在太多，所以你一直視我為眼中釘，勢要將我滅口。」

「根本成件事都係你同阿當捏造出嚟屈我！」雙方講到一半，彼得突然發動太古之魂嘅起手式，想將馬太滅口。

呢個時候，企嚮彼得身後嘅菲臘忽然以右手觸摸對方身體，幾乎同一時間，彼得身上澎湃嘅力量立即消失得無影無蹤。

推

第七十五章：識破

「彼得，上任彌賽亞委託咗我做十二使徒當中嘅執法者，我呢一招中和術係專門為沒收所有叛徒身上面嘅超能力而設計出嚟嘅殺手鐧。」

菲臘突然開口對彼得說。被中和術奪去身上所有力量嘅彼得可能估唔到對方有此一著，成個人就好似洩咗氣嘅皮球咁坐嚮地上。

「彼得，你仲記唔記得你曾經三次背棄上任彌賽亞？彌賽亞不但冇驅逐你，仲一直將你留喺身邊，目的係想俾機會你改過。」得知對方黑歷史，馬太對彼得直斥其非。

「當時.......我冇依家咁嘅實力，嗰陣我一直都好怕死，我冇咁嘅勇氣去面對死亡，直至呢一刻我變強，先想成為真正嘅彌賽亞，點知機會就咁俾咗人。」詭計被眾人揭穿嘅彼得無法接受失敗，霎時變得心情低落，不斷自言自語。

「彼得，乜你一直都以為彌賽亞係代表一個尊貴嘅身份咩？其實佢只係代表住一份責任同義務，係要擁有自我犧牲嘅精神先至可以做到。總之，上天賦予一個人能力愈大，責任就愈大。」企喺馬太身旁嘅約翰接住回應。

「犧牲？哈哈.......我係身份最高嘅十二使徒.......我侍奉彌賽亞最耐，功勞最大，點解........點解要我聽呢條死靚仔話？要我做佢隻狗，我寧願.......」

彼得說話中途，突然攞出身上匕首，欲自行了斷。

就喺關鍵時刻，菲臘奪去彼得手上嘅匕首，並以語重心長嘅口吻向對方喊話：「彼得你錯啦，自殺根本就係逃避，你依家要嘅係反省同覺悟！」

最後，彼得喺菲臘以及數名使徒押解下被帶走。

「你哋會點處置彼得？」我私下問夏娃。

「放心，彼得會被送去潛伏者牢房，直至佢真正覺悟為止。」

就喺呢個時候，附近一個熟識嘅電話鈴聲響起，原來我部電話仲嚮度，但唔知點解嗰刻我突然有一種不詳嘅感覺嚮腦內盤旋。