【科幻冒險多甜】《一場末日危機，令患上中二病的我變成救世者》

望海兄指邊方面？

推一下

「處死？冇理由.......佢哋冇咁易死........你一定唔知，仲有生物打印機呢樣野........」

「你聽我講，佢哋一入老洞就兵分兩路，一批人進攻大廳，另一批人就破壞嚮嗰度嘅生物打印機。」

「冇理由.......佢哋冇咁易死........夏娃冇咁易死........一定仲有辦法........」一陣突如其來嘅內疚感覺喺我內心深處滋生，令我不自覺眼泛淚光。

「菲臘，到底仲有冇救佢哋嘅辦法？」

「辦法唔係冇。生物打印機其實唔只得老洞嗰一部，只要我哋搵到連接住生物數據網絡嘅其他生物打印機就得。」

各位早晨

第六十章：拯救行動

「一言驚醒夢中人！我記得喺一間廢置咗好耐嘅回收工場見過跟老洞相同款式嘅生物打印機。事不宜遲，我哋馬上去！」

但當我講完呢句之後，我馬上感到後悔，事關我嚮嗰度殺咗上戶彩，雖然上戶彩事後死而復生，但佢之後命途坎坷嘅遭遇都係由嗰次事件引起。

「唔緊要，我哋一齊去，依家救人要緊！」正當我心情沉重嘅時候，上戶彩居然完全放下成見，對我哋之前嘅恩怨完全唔在乎。

就係咁，我哋三個一齊趕去回收工場，去到嗰度，竟然俾我見到比我哋三個早一步抵達嘅彼得。

「彼得兄，能夠見返你冇事就好！」見到彼得仍然在生，我內心好似舒服咗啲，畢竟十二使徒就只剩返佢同菲臘兩個。

雖然彼得冇望我，但至少話俾我哋知，佢中咗撒旦嘅調虎離山計，當佢追到去出面好遠嘅地方先知道中計，返嚟至發現彌賽亞同馬太已經氣絕身亡，而老洞嘅生物打印機連同數據網絡亦已遭到破壞。

佢立即根據潛伏者守則，檢查連接住生物數據網絡嘅其他後備打印機，希望可以將死去嘅成員逐一復活。

「彼得，情況如何？可以救返佢哋嘛？」向彼得表露臥底身份嘅菲臘好緊張咁問。

朝早有文睇真好，推推推

多謝尋兄推文呀

早晨

「唔知咩事，成個生物數據網絡都搵唔到佢哋嘅備份，就好似被人刻意刪走晒啲資料咁，我懷疑有內鬼.........」講講下，彼得突然用質問嘅眼神望住我。

「我估唔係佢，我知道佢係彌賽亞指定嘅繼承人。」菲臘講野嘅時候刻意擋喺我同彼得中間。

「哼，就憑呢條靚仔？佢何德何能呀？排隊都未輪到佢啦，話晒我哋都一齊跟咗彌賽亞足足二千年。」

「彌賽亞傳授咗時空夾縫嘅能力俾阿當，全靠佢冒險混入科技館啟動時空夾縫先可以消滅撒旦，佢能夠成為下一任彌賽亞係實至名歸嘅。喺未救得返一班弟兄姊妹之前，我哋依家應該團結。」

「身為方舟號副指揮官，我知道喺土星衞星泰坦上嘅中轉站裝置，係有儲存起所有由地球發射過去嘅生物數據做備份嘅，而夏娃曾經去過嗰度，

只要有人能夠去到泰坦上嘅中轉站裝置，將備份數據傳返嚟地球，最少夏娃有機會復活。」面對住兩個男人嘅爭論，上戶彩突然插嘴。

「問題係有邊個去過嗰度？」菲臘問。

「阿當同夏娃，仲有我都去過。」上戶彩答。

「既然新任彌賽亞係咁實至名歸嘅話，救人咁高難度嘅野就留返佢去做。」為對話作最後總結嘅彼得對住我講野時顯得特別囂張。

Lm

多謝支持！

第六十一章：高危任務

「月闇，裡面嘅設施唔可以嚮度遙控操作嗎？」我問上戶彩。

「因為離地球太遠，我哋只能喺方舟號做遙控操作，又或者直接派人去泰坦，但就算下一隻方舟號用曲速引擎飛到地球，

相信亦要等十年之後，所以如今你要救人就只得冒險利用生物打印進入泰坦衞星嘅中轉站裝置。」

「既然係咁，就等我去。」

「彌賽亞，你必須先考慮清楚，理由係自從方舟號爆炸毀滅咗之後，中轉站裝置已經足足超過一年冇維修過，

裡面嘅設施可能有潛在危機，甚至已經失去部份嘅功能。」上戶彩以警告口吻向我講出問題所在。

推

「雖然唔係記得咁清楚，但我對嗰度有少少印象，我相信即使彌賽亞仲在生都會支持我去嘅。更何況我可以喺去之前再一次用PORTAL掃瞄我嘅生物數據，一旦失手嘅話，就可以用備份數據喺地球復活。」

雖然菲臘唔係太明白箇中原理，但佢聽完上戶彩解說之後，認為可以放手一搏。我哋一班人經過從長計議，決定返去老洞埋葬彌賽亞同馬太，然後執行下一步拯救行動。

喺蘿莉不眠不休嘅檢查同維修之下，證實撒旦冇破壞到PORTAL掃瞄器，系統經過簡單嘅修復同調整已經可以使用。

由於我呢兩日冇返辛梓玲屋企，我決定打電話向對方解釋，同時作咗個故仔話我遇上麻煩，需要暫時避開一下風頭。

「彌賽亞，由於光速傳遞會出現時差，喺泰坦上面唔會有實時通訊，一切行動都要靠你本人，冇人可以從旁支援你。

仲有，即使你成功傳送返夏娃嘅備份數據，你一樣要拋棄位於泰坦嘅肉身，冒險將你嘅大腦意識數據經PORTAL傳送返嚟地球。清楚未？」

喺老洞嘅意識傳送室，當我出發去泰坦之前，上戶彩再一次向我解釋整個行動嘅風險。

「一旦我失手，冇法將我嘅大腦意識數據經PORTAL傳送返嚟地球，最終死喺泰坦嘅話，會有咩後果？」

「當人喺地球上死亡，靈魂會出現喺裡世界嘅意識重生點等候投胎輪迴。

一旦人喺外太空死亡嘅話，靈魂就會永遠喺意識墳場內流連，要憑住超人嘅意志力先可以搵到唯一嘅數據閘門，情況跟我上次返地球一樣。」

第六十二章：不歸路

「無論成功與失敗，你選擇去泰坦嘅決定對你嚟講，只會係一條單程路，

至於可唔可以由生物打印機裡面出返嚟就要睇你好唔好彩。」換上技術人員制服的上戶彩向我補充。

「我會盡彌賽亞嘅責任去完成任務，放心。」

推推

喺意識傳送室入面，上戶彩利用一具不斷向外發射詭異光束嘅黑色半球體分析同下載我身體嘅所有數據，然後輸入電腦。

「當我㩒制後，你嘅意識同生物數據都會一齊上傳去天線，然後發射去泰坦。準備好未？」上戶彩以一副充滿關懷嘅表情對我講。

曾經投靠撒旦，如今棄暗投明嘅佢令我明白到身為一個領導者，有陣時係唔需要用威權嚟逼人就範，能夠打動對方感情，令人主動去幫你先至係王道。

「冇問題，妳沖定杯咖啡等我返嚟飲。」

我望住佢彎腰㩒制，諗緊一陣杯咖啡到底要唔要落奶嗰陣，我隨即斷片。醒返後，發現自己全身赤裸咁由一個打印缸內爬出嚟。原來當我成為彌賽亞後，冇須靠其他人已經可以單獨完成意識同步。

「嘩！搞咩呢度咁鬼凍？」一陣蝕骨寒意侵襲身體，雖然我置身室內，但感覺比殮房仲凍。