【科幻冒險多甜】《一場末日危機，令患上中二病的我變成救世者》

「我一醒返間屋就咁亂，到底係咪有賊人入過嚟？」辛梓玲一邊講，一邊好攰咁望住我，原來佢唔知自己發生咩事。

「係呀……頭先呢度停電，我哋擔心妳所以衝入屋，黑麻麻之下所以撞冧晒啲野。曉彤，我有野要同梓玲姐姐講，麻煩妳先入返房。」

我向曉彤打眼色，因為我唔想佢將入屋之前嘅野同辛梓玲講，怕佢嚇親對方，而且有啲野我唔想俾佢知道。

雖然曉彤唔情願，但佢都選擇暫時避開一下。

「梓玲，妳係咪有咗BB？」

辛梓玲低頭不語，似係默認一切。諗返起成件事，唔通當日同我做嗰個係撒旦上身嘅辛梓玲，目的係借種誕生屬於佢嘅下一代？

推

多謝蕉雄兄支持！

lm

多謝大俠兄支持！

「我唔同你講係擔心你會唔理我，尤其係你依家咁難堪嘅身份。」辛梓玲一臉眼淚咁同我講。

「傻豬，我點會唔理妳？我自然有辦法去搵個新嘅身份同妳結婚生仔。今後我只會搵洛不凡幫我媽報仇，至於潛伏者嘅野我係唔會再去理。」

雖然我親口同辛梓玲保證，但一想起彌賽亞嘅說話，唔知點解我就好擔心夏娃嘅安危，成晚瞓覺都夢見同夏娃一齊所發生嘅事。夢境中，我聽到佢同我講嘅每一句心底說話.............

「傻豬，我點會唔理你？日後去到系外行星我仲要同你生仔。話你知，地球人其實係根據我哋潛伏者嘅生物藍圖設計出嚟嘅實驗體，

只係我哋嘅基因曾經被優化過，比起你哋有些微優勢，但我鍾意你哋嗰種冇修飾過嘅原始情感........對事物產生好奇心，而且對生命又充滿熱情同關愛。」

推推

輕輕一推

夏娃又比人輪姦中出
女友又比人搞大埋仲要瞞住佢話係自己既種
樓主係咪綠帽奴黎
睇落去就係不斷睇主角d女比人輪

多謝中出兄意見，其實搞大女友嗰個真係男主，只不過女友當時並非佢本人，係被其他人上身，嚴格上個仔佢都有份。

呢個故入面撒旦係魔女？
見上面有篇話經手人係撒旦 以為比撒旦搞大左
同埋夏娃比人輪果段有d快
係咪夏娃之後都無乜戲份先咁快帶過左

暫時未開估住，答案即將揭曉，不過都好接近啦，請密切留意

至於夏娃，我仲諗緊個角色生定死：不如來一次投票：選擇生或死去决定佢未來

都比人輪完 死左佢罷啦

嚴格嚟講佢係女主 真係要死就希望佢可以有方法復活
利申：選擇佢生

各位早晨，希望可以睇到多d朋友嘅意見

第五十三章：禍根

今日，我見辛梓玲唔舒服，就陪佢出去睇醫生，醫生話佢啱啱有咗兩個月，我聽完即刻好驚，就好似身邊多咗個計時炸彈咁，令我明白到點解彌賽亞要大傷元氣去救返辛梓玲。

「你係咪唔鍾意我有咗？」走嗰陣，辛梓玲同我講。

「冇呀，點解要咁問？」

「醫生同我講我有咗兩個月嗰陣我見你冇表情。」

「傻啦，我開心都離唔切，只係一時諗起媽咪，心情未能平復，妳咪胡思亂想。」

「你老實答我，你係咪仲掛住報仇嘅野？」

「我應承妳，喺BB出世前我唔會亂嚟.......」

「咁之後又點？唔通你想個BB冇老竇？你答應過照顧我嘅.......」

早晨呀古兄

午安貓貓

「放心，我一定會令妳幸福，等我搞掂個假身份之後，我哋上妳爸爸媽媽屋企傾結婚嘅野好冇？」

就喺我哋差不多返到屋企嗰陣，我同辛梓玲留意到離遠有一隻黑色大狼狗一直跟嚮我哋後面。

辛梓玲好驚，原來隻狗跟咗佢好幾日，就好似僕人想保護主人免受傷害咁。如果真係咁邪，個BB嘅經手人係撒旦嘅話，我到底要點樣同辛梓玲講？

翌日，辛梓玲如常返工，當我接完曉彤放學返屋企，正想約辛梓玲出街拍拖嗰陣，對方話公司要加班，叫我自己搵節目，於是我一個人去上次尖沙咀間酒吧飲悶酒。

我向bartender叫咗杯啤酒，等咗一陣，對方奉上一杯金黃色生啤。正當我想俾錢嘅同時，身邊突然有一把熟悉嘅聲音叫住我：「on the house.......今次就等我請你飲。」

我立即望一望隔離位，請客嗰位原來係穿著黑色低胸背心同短裙嘅上戶彩。望真啲，佢套衫原來係酒吧女嘅揾食衫嚟。

「點解又會嚮度撞返妳？」

「我已經離開咗班衰人，依家自食其力，喺度做陪酒女郎，我請你飲野當係報答你上次救我。」

「其實我都冇幫過妳，一切都係靠妳自己，不過點都好，cheers…...」

當我準備飲酒嗰下，上戶彩突然黐埋我身，然後咀落我塊面度。

「我諗妳誤會咗，有啲野我想同你講好耐…...」

「你想講咩我一早知道，只係我唔想令到自己後悔，我要嘅野最終一定會得到手，cheers….」就喺同上戶彩乾杯嗰陣，佢面上展現出一絲詭異嘅笑容。

我同上户彩寒暄咗幾句之後就離開酒吧，時間大約係晚上十點，正想打電話俾辛梓玲接佢放工嘅同時，

竟然俾我喺街邊撞到一個衣衫不整嘅靚女，對方走起路時一仆一碌，身上只穿著馬甲內衣，來者原來係蘿莉！

多謝貓貓支持

各位早晨