感謝各位爸打絲打0既留言。睇左份Google doc同埋你地之前0既留言。
其實Renew本BNO，真係唔係好難。等我分享一下我0既CASE先。
1. 舊BNO 2011年過期
2. 30/4上網申請。CLICK完0的問題。當我新申請者。
3. 要求提供1. 出世紙，2. 父母出世紙，3. 父母結婚證明書。3樣野都冇提供，但寫左封Declaration Letter 解釋。
4. 除左一定要提供0既Application Form同相片之外，我根據佢地要求，提供左1. 副簽 (中學舊同學，持有效未過期BNO)，2. 銀行月結單正本，3. 整本特區護照彩色影印本，4. 身份證彩色影印本，5. 舊BNO Passport
5. 6/5 用空郵掛號寄出。
6. 10/5 郵政署話已經開始寄去英國。(但Royal Mail到依家都只係話12/5收左。放左係Heathrow Worldwide Distribution Centre)
7. 16/5 去HMPO Check Status時，已經轉左做Dispatch。
8. 24/5 朝早11點，DHL SEND左2個SMS話當日內會送2份文件。中午12點左右，2份文件送到屋企。
9. 1份文件係新BNO Passport。另1份文件係退返1. 舊BNO Passport(已剪爛)，2. 身份證彩色影印本，3. 特區護照彩色影印本 (得返個人資料0個頁寄返)，同埋4. 銀行月結單正本。
唔計要搵副簽，成個流程大約2個半星期左右。如果想快0的，用郵政署0既Speedpost或者DHL運，就可以兩個工作天送到。減返0的時間，大約個半星期完成曬所有流程。
P.S. Check返DHL0既運送流程，HMPO係22/5中午已經寄件。前後2個工作天運到。
希望以上資料可以俾大家參考下。
2011年都當新申請？？
