[少年監獄] 感受沙咀

你有無聽過“沙咀”呢個地方?

我不但有聽過，而且更受過。

因為沙咀係一處監獄。

有好多巴打似乎對入面既遭遇好奇，黎緊同囚呢套戲又就黎上畫，睇左trailer應該都描述得貼地既(利申: 非宣傳,無參與演出)

不過，若非這段經歷，我又點會知道原來我同犯罪既距離係這麼近，但更震驚既係，香港，原來有個好似沙咀緊既地方

人生第一次既入獄，第一次和懲教(柳記)打交道

當中既過程我尚算記得清晰,但其實亦好難忘記

所以我想係到分享一下呢個故仔，除左解惑大家對沙咀既疑問外，我更想比未入過去，未試過坐監既人知道吓，若然你未滿25歲但又犯左事，入去既“少年監獄”到底係咩一回事

係開始講故前，為了唔好收到律師信我都係加多句啦。

本故事純屬虛構，如有雷同，實屬巧合

PS:入面既人名同背景全部都係我隨便改的,請勿對號入座,另外如果你真係入到座,都唔好同我相認啊PLS.


最後希望大家多多支持，有錯歡迎指正.

如果有更多疑問又或者我無更故，都可以去追追呢2個post嫁。

入過沙咀勞教中心，你問我答
https://lihkg.com/thread/215278/page/2?ref=android

https://lihkg.com/thread/216638/page/2?ref=android

有人話，我地呢d監躉係罪有應得，後生仔衰左係應該嚴d，淨係拎走我地既自由並不足以令我地吸收到教訓。

但其實，除左無左自由，多出黎既懲戒同待遇，又係唔係真係我地應得應受?

我唔知，亦都覺得無必要去追了，因為事情已過


但果陣時係法庭，比個官判入去沙咀果陣，真係覺得幾震驚，幾不安既

先講我衰d咩先啦，我衰，藏有兒童色情物品

事後查左查相關既野，呢個亦都係網絡上俗稱既“hard candy”。

其實若非我衰on9. 我都唔會入到去.


事發既時候，我仲讀緊F.5，青春少男我就當然精蟲上腦嫁啦，果時好中意又或者係一種衝動吧，好想去認識性呢回事(加上係男校)，上各大鹹網已經係不在話下，追下追下緊，越上越多討論區，就越download越多A片，但問題係，有陣時download落黎既係zip左既檔，解壓縮後既file中，就正正有一個file裝住hard candy，係唔知道有呢條法例下加上無乜點留意，我就on99比個file keep住左係機到

在此亦奉勸各位巴打一句，係時候check check你地既 ABCDE盤啦，唔好好似我咁衰得咁on9

之後既某日，差佬拎住個搜查令上門，第一次坐警車，第一次入警處，然後環境既陌生，加上佢地好聲好氣緊勸我快d認罪，會判輕d，話宜家唔認你就會死得更慘呢d說話，但我又真係on99認撚左，唉。(就18歲既我其實未知道自己對住差佬有d咩權利加上真係好驚)


之後阿爸黎左保釋，件事就緊開始拖左成年。(期間要不斷返去警處報到)

然後終於到左上庭果日。

觀塘法院。

高高在上既法官，企係被告席既我。


而我既皇家狀企左係我前面左邊果排既位置，同右邊檢控我既對台成了一行。


之後就好似流水既劇情般，檢控果邊讀出了我既罪行同show出差佬搜到既file，而我既皇家狀便開始為我求情(因為我之前口供認左，而且我都覺得我果時雖然係無害人，但都有好大既墮落感同自責，搞到老豆老母傷心)


最後，個官問左我一句:衡仔，你認唔認罪?

(啊係,我叫衡仔)

我靠近被告席上豎立的黑咪,說出了我已決定的台詞 :我認罪

講完后我發覺我把聲係顫抖緊


之後個官好快，係好快同好無情地宣佈左 :

鑒於我既罪狀好鬼嚴重，現在還押壁屋7日兼且等候教導所報告，勞教中心報告同心理報告 !


位於法庭右邊木門既2個庭警立即向我行埋黎，我好似一個手無搏雞之力既細路緊，被他們帶著走，但我仍然顧住回頭望，因為我想望返係旁聽席上既我既老豆老母，他們的眼中充滿不安和恐懼，我阿媽更是滿眼通紅

我眼眶泛淚，黎唔切講埋句“我會照顧自己”就已經被帶入木門，咔嚓鎖上。


那種好似被人任人魚肉完，又要接受分離既感覺，真係唔好受。不過，又能怎樣?

皮已正
巴打寫返啲經歷出嚟都好勇敢，加油

之後庭警帶我入了一個電梯，直往地底更深既樓層下潛，係部lift下降既途中,我真係覺得呢個係一條通往地獄既通道.


到了後，眼前出現既係一條左右2邊都有監倉的走廊.

一棟棟豎立，間隔整齊既鐵通同鐵窗，更加明確地話我知，我就黎要去到唔同既世界

係入倉前,庭警收左我既隨身物品擺入左一個盆.

話有咩隨身野要我交低比屋企人就宜家比,但身份證就要留低..而我阿爸亦都落左黎呢層.

只不過黎到後..閘門隔絕左我同老豆.


我老豆一向係個沉默寡言,不懂表達愛既舊式爸爸

佢收拾完我既細軟,便對我說 : 「睇住你自己啦」

「恩...你都要睇住阿媽啊」


很少見的,我從我阿爸眼中看出了一股不捨.

然後佢向旁邊的庭警問完路便搭返lift走了.

接著庭警帶我黎到走廊盡頭既白色倉，開鎖，領左我入去。

我仲記得個倉係一個清涼的房間，2邊的墻係有歷史痕跡的白，但地面和靠墻而凸出的2排石磚則是偏向黑色的，而這個倉最盡頭係一個孤單既洗手盤，同一個起高左既石墻間隔，間隔中自然係個馬桶，唔係坐式果種，係要蹲的.這點和我所知的監獄片段無異.


庭警拋低一句: 係到等到有車為止先啦.

就走左出去,將個閘關上,鎖上,然後留下不安既我係果到.


期間到車黎到為止,我等左差唔多5-6個鐘.

各位團友，呢個時候就等我介紹下個倉先啦

劉明

接著庭警帶我黎到走廊盡頭既白色倉，開鎖，領左我入去。

我仲記得個倉係一個清涼的房間，2邊的墻係有歷史痕跡的白，但地面和靠墻而凸出的2排石磚則是偏向黑色的，而這個倉最盡頭係一個孤單既洗手盤，同一個起高左既石墻間隔，間隔中自然係個馬桶，唔係坐式果種，係要蹲的.這點和我所知的監獄片段無異.


庭警拋低一句: 係到等到有車為止先啦.

就走左出去,將個閘關上,鎖上,然後留下不安既我係果到.


期間到車黎到為止,我等左差唔多5-6個鐘.

各位團友，呢個時候就等我介紹下個倉先啦

臭格？

Lm

首先留意到既,係2邊白墻上,無數,真係無數既留言字跡.

有原子筆和鉛筆,又有凹入去的刻痕, 而內容大致上都係一些就要入去受靶既人既留言.

比如:

2012年,樂富飛馬在此留字


2011, 荃灣喪標入沙咀受靶留字,我無撚後悔打柒XXX(黑社會名)既傻龍.


2008-7-25 我就黎要入去受啦,出返黎又係一條好漢, 我會捱到既!  ----葵芳翼龍哥


搞我女朋友打左個撚樣一禍,早知要坐,我就打得再甘D啦 ----2009/8


等等等等......


仲有好多好多數不清既留言未能一一盡錄.

但無疑的是,有不少留言都提及左沙咀同RC呢2個字.


而其中,我對一個留言仲有少少印象.內容大致上係:


如果我有命係沙咀出返黎, 條路我唔會再咁選.


類似緊既說話


但縱使係內容精彩萬分既2幅"香港青少年黑暗史留言板"


都唔會令你頂到6個鐘既沉悶同冰冷.


終於,又有一個人入來了.

法庭臭格好撚汚糟

留名

我想問下 果兩條link個樓主奄列XX同你係咪同一個人黎

我想問下 果兩條link個樓主奄列XX同你係咪同一個人黎

應該唔係啦
果個係衰偷野

我想問下 果兩條link個樓主奄列XX同你係咪同一個人黎

應該唔係啦
果個係衰偷野

係喎 盲撚咗tim

幾過癮

lm

又睇下你講得有幾真同足
等睇過界加指模房